सावळ्याची जणू सावली मालिकेत बिगबॉस स्पर्धकाची एन्ट्री.. बऱ्याच दिवसानंतर हि अभिनेत्री दिसणार दमदार भूमिकेत
झी मराठी वाहिनीवर लवकरच सावळ्याची जणू सावली ही मालिका प्रसारित होत आहे. आतापर्यंत या मालिकेचे दोन प्रोमो प्रेक्षकांच्या भेटीला आले आहेत. या प्रोमोमध्ये अभिनेत्री प्राप्ती रेडकर, भाग्यश्री दळवी आणि साईंकित कामत प्रमुख भूमिका साकारत आहेत. तर सुलेखा तळवलकर, मानसी नाईक, विना जगताप, गौरी किरण असे बरेचसे कलाकार या मालिकेत पहायला मिळणार आहेत. दरम्यान या मालिकेत आणखी एका अभिनेत्रीची एन्ट्री होणार आहे. बऱ्याच प्रतीक्षेनंतर ही अभिनेत्री मालिका सृष्टी गाजवण्यासाठी सज्ज झाली आहे. ही अभिनेत्री म्हणजेच मराठी बिग बॉसच्या पहिल्यावहिल्या शोची विजेती मेघा धाडे आहे. मेघा धाडे बऱ्याच वर्षाने अभिनय क्षेत्रात पुनःपदार्पण करत आहे.
बोकड, मान सन्मान, स्माईल प्लिज, मॅटर, साक्षात्कार, आता लग्नाला चला अशा अनेक चित्रपटात मेघा धाडे हिने महत्वपूर्ण भूमिका साकारल्या आहेत.मेघा धाडे हिने दूरदर्शन, हिंदी मालिकांधूनही छोटा पडदा गाजवला आहे. मराठी बिग बॉस नंतर ती हिंदी बिग बॉसमध्येही दिसली होती. पण आतास यानंतर मेघा छोट्या पडद्यावर पुन्हा एकदा एन्ट्री घेणार आहे. सावळ्याची जणू सावली या मालिकेत ती खलनायिका साकारणार असे बोलले जात आहे. त्यामुळे या मालिकेची उत्सुकता शिगेला पोहोचली आहे.
सावळ्याची जणू सावली ही मालिका अप्पी आमची कलेक्टर या मालिकेच्या वेळेत प्रसारित होत आहे. अप्पी आमची कलेक्टर ही मालिका लवकरच प्रेक्षकांना निरोप देत आहे. महेश कोठारे एकाचवेळी स्टार प्रवाह आणि झी मराठी वाहिणीवर त्यांच्या २ मालिका प्रेक्षकांच्या समोर आणत आहेत. उदे गं अंबे आणि सावळ्याची जणू सावली या त्या मालिका आहेत.
