झी मराठी वाहिनीवर लवकरच “लक्ष्मी निवास” हि नविन मालिका प्रसारित होणार आहे. अभिनेता तुषार देवल आणि हर्षदा खानविलकर हे दोघे या मालिकेत लक्ष्मी आणि निवासची भूमिका साकारत आहेत. या मालिकेचा पहिला प्रोमो प्रेक्षकांच्या भेटीला आला होता तेव्हा सगळ्यांनी मालिकेचे स्वागतच केलेले पहायला मिळाले. त्यामुळे आणखी कोणकोणत्या कलाकारांना अभिनयाची संधी मिळणार हे जाणून घेण्यासाठी प्रेक्षक उत्सुक दिसले. नुकताच या मालिकेचा दुसरा प्रोमो प्रेक्षकांना पाहायला मिळाला आहे.
यात लक्ष्मी आणि निवास यांना २ मुली असल्याचे दाखवले आहे. अभिनेत्री अक्षया देवधर ही थोरली मुलगी तर धाकटी मुलगी म्हणून अभिनेत्री दिव्या पुगावकर हिची या मालिकेत वर्णी लागलेली पाहायला मिळत आहे. तुझ्यात जीव रंगला मालिकेनंतर अभिनेत्री अक्षया देवधर या मालिकेत सहाय्यक भूमिकेत दिसणार आहे. या नवीन भूमिकेसाठी ती खूपच उत्सुक आहे. तर दिव्या सुभाष ही मुलगी झाली हो, मन धागा धागा जोडते नवा या मालिकेनंतर पुन्हा एकदा महत्वपूर्ण भूमिका साकारताना दिसणार आहे. दिव्या पुगावकर आता झी मराठीची नायिका म्हणून लोकप्रियता मिळवणार आहे.
त्यामुळे दिव्याचे चाहते पुन्हा एकदा तिला नायिका म्हणून झी मराठीवर पाहणार आहेत. लक्ष्मी निवास या मालिकेला भली मोठी स्टार कास्ट लाभली आहे. बरेचसे चिमुकले बालकलाकार सुद्धा या मालिकेतून प्रेक्षकांचे मनोरंजन करणार आहेत. तर अभिनेत्री मीनाक्षी राठोड , स्वाती देवल हे सहाय्यक भूमिकेत पाहायला मिळणार आहेत. त्यांची भूमिका काहीशी विरोधी असणार याचे प्रेक्षकांकडून अंदाज बांधले जात आहेत.
