लग्नानंतर प्रथमच झी मराठीवर पाठक बाईंची धमाकेदार एन्ट्री… या मालिकेत दिसणार खास व्यक्तिरेखेत
झी मराठी वाहिनीने अनेक कलाकारांना घडवलं आहे असे म्हटले तर वावगं ठरायला नको. कारण या वाहिनीने दिलेल्या मालिकांनी प्रेक्षकांच्या मनात आजपर्यंत जागा बनवलेली पाहायला मिळते. नुकतेच झी मराठी वाहिनीला २५ वर्षे पूर्ण झाली. आभाळमाया, वादळवाट, अवघाची संसार या मालिकाच नाही तर त्यांची शीर्षक गीतंही खूप लोकप्रिय ठरली. आता याच जोडीला झी मराठी वाहिनी आणखी एक दमदार कलाकारांची टीम प्रेक्षकांच्या भेटीला आणत आहे. झी मराठी वर लवकरच “लक्ष्मी निवास” ही मालिका प्रसारित होत आहे.
या मालिकेतील दोन कलाकारांबद्दल एक हिंट देण्यात आली होती. पाठमोरे असूनही या ओळखण्यात प्रेक्षकांना यश मिळाले. तुषार दळवी आणि हर्षदा खानविलकर लक्ष्मी निवास मालिकेत महत्वपूर्ण भूमिका साकारताना दिसणार आहेत. तर पाठकबाई म्हणजेच अभिनेत्री अक्षया देवधर या मालिकेतून पुन्हा एकदा झी मराठीवर दमदार एन्ट्री घेत आहे. अक्षया देवधर हिने तुझ्यात जीव रंगला ही मालिका पाठकबाईंच्या भूमिकेने चांगलीच गाजवली होती. सहकलाकार हार्दिक जोशी सोबत लग्नबांधनात अडकल्यानंतर तिने भरजरी नावाने पुण्यात साड्यांचा ब्रँड सुरू केला.
पण आता झी मराठीने अक्षयाला पुन्हा एकदा अभिनयाची संधी देऊ केली आहे. नुकताच झी अवॉर्ड सोहळा पार पडला यावेळी हर्षदा खानविलकर, तुषार दळवी, अक्षया देवधर यांची भूमिका असलेल्या लक्ष्मी निवास मालिकेचा प्रोमो दाखवण्यात आला. त्यामुळे अक्षयाला पुन्हा एकदा प्रमुख भूमिकेत पाहण्यासाठी प्रेक्षकांनी उत्सुकता दाखवली आहे. या दमदार एन्ट्री साठी अक्षया देवधर हिचे अभिनंदन आणि शुभेच्छा!.
