सोनी मराठी वरील तू भेटशी नव्याने या मालिकेतील अभिनेत्रीचा गेल्या महिन्यात २१ ऑक्टोबर रोजी साखरपुडा झाला होता. काल २६ नोव्हेंबर २०२४ रोजी अभिनेत्री निकिता घाग आणि युवराज सिंगासने लग्न बंधनात अडकले. सोनी मराठी वरील तू भेटशी नव्याने यामालिकेत नायिकेची मैत्रीण अन्नूची भूमिका अभिनेत्री निकिता घाग हिने साकारलेली पाहायला मिळते. तू भेटशी नव्याने या मालिकेतून निकिताला अभिनयाची मोठी संधी मिळाली आहे.
हे देखील पहा
निकिता घाग हिच्या साखरपुड्याचे फोटो
मराठी अभिनेत्री अडकल्या विवाह बंधनात
२०२४ साली ह्या मराठी अभिनेत्रीची झाली लग्न
ठाण्यातील ज्ञान साधना कॉलेजमध्ये असताना निकीताने नाटकातून सहभाग दर्शवला. नाट्यस्पर्धा, एकांकिकेतून निकिताला उत्कृष्ट अभिनयाची पारितोषिकं मिळाली आहेत. फ्लाईंग राणी या नाटकातील भूमिकेसाठी सर्वोत्कृष्ट अभिनेत्री म्हणून तिला झी गौरव पुरस्काराने गौरविण्यात आले होते.
गाथा नवनाथांची, राणी मी होणार अशा मालिकेतून निकीताने छोट्या मोठया भूमिका साकारलेल्या आहेत. अशातच आता निकीताने युवराज सिंगासने सोबत लग्न करून आनंदाची बातमी चाहत्यांसोबत शेअर केली आहे. निकिता आणि युवराज यांच्या लग्नाला जवळच्या नातेवाईक आणि मित्रमंडळींना आमंत्रित करण्यात आले होते. साखरपुड्यावेळी देखील निकीताने होणार सून मी ह्या घरची…गाण्यावर डान्स केला तिच्या या डान्स परफॉर्मन्सने सोहळ्याला अधिक रंगत चढली. निकिता घाग आणि युवराज सिंगासने दोघांचेही आयुष्याच्या पुढील वाटचालीसाठी शुभेच्छा आणि अभिनंदन !.
