दिवाळीच्या मुहूर्तावर अमृता खानविलकरची स्वप्नपूर्ती.. मुंबईत २२ व्या मजल्यावर खरेदी केला ३ bhk फ्लॅट
मुंबईत काम करणाऱ्यांचं पहिलं स्वप्न असतं ते म्हणजे मुंबईत आपल स्वतःच हक्कच घर असावं. पण मुंबईसारख्या महागड्या शहरांत घर घेणं वाटतं तितकं सोपं नाही बर. अनेकांचं हे स्वप्न स्वपच बनून राहतं. तर काहींना ते स्वप्न वास्तव्यात उतरवण्यात यश येत. हेच स्वप्न उराशी बाळगून आज अभिनेत्री अमृता खानविलकर हिने तिच्या स्वतःच्या नावाने मुंबईत ३ बीएचके फ्लॅट खरेदी केला आहे. २२ व्या मजल्यावरील या आलिशान फ्लॅटची झलक तिने सोशल मीडियावर शेअर केली आहे. आज लक्ष्मीपूजन दिवाळीच्या खास मुहूर्तावर स्वप्नपूर्ती झाल्याने अमृता खूप खुश आहे. नुकताच तिने आपल्या घराचा एक सुंदर व्हिडिओ देखील शेअर केला आहे.
अमृता खानविलकर म्हणते “लक्ष्मीपूजन आणि माझ्या वाढदिवसाच्या नोव्हेंबर महिन्याच्या सुरुवातीच्या निमित्ताने मी माझ्या नवीन घराची बातमी सांगताना अत्यंत आनंदी आणि रोमांचित आहे “एकम” म्हणजे सुरुवात आणि ती खरोखरच प्रत्येक अर्थाने होत आहे. माझ्यासाठी ही खरोखरच खूप आनंदाची दिवाळी आहे. पुढे एक सुंदर कवितेत ती म्हणते “कधी काळी दूर कुठेतरी तुझं स्वप्न पाहिलं होतं, आणि ते पूर्ण करण्याचा प्रयत्न रोज सुरू होता.
तर हि आपली पहिली दिवाळी….तुला खूप गोष्टी सांगायच्या आहेत, मला काय आवडतं, काय नाही, मनातलं गुपित, शांततेतलं ….सारं काही हळूहळू तुला कळेलच. तुलाही मला खूप काही सांगायचं असेल…माझी पूर्ण तयारी आहे. तू अजून हळूहळू आकार घेतोयस, तुझ्या कानाकोपऱ्यात मी माझं सगळं जग बसवायचा प्रयत्न करतेय. तू हि अगदी माझ्या हो ला हो म्हणतोयस ….आवडतंय मला ….. लवकरच भेटू नव्या कोऱ्या भिंतींसह नव्या आठवणी बनवण्यासाठी नवं आयुष्य उलगडण्यासाठी- Happy Diwali
