नुकताच मराठी बिग बॉसचा ५ वा सिजन संपला. घरातून बाहेर पडलेले हे सदस्य आपापल्या गावी पोहोचले. नातेवाईक, मित्रमंडळी तसेच चाहत्यांनी या सगळ्यांचे भरभरून कौतुक करत स्वागत केले. बिग बॉसचा विनर सूरज चव्हाणने म्हटल्याप्रमाणे जेजुरीला जाऊन खंडोबाचं दर्शन घेतलं. तर इकडे अंकिता वालावलकरच्या लग्नाची तयारी सुरू झाली. बिग बॉसच्या घरात जाण्याअगोदरच अंकिताने तिच्या लग्नाची बातमी जाहीर केली होती. घरातून बाहेर पडताच “फेब्रुवारीच्या अगोदर आम्ही लग्न करणार आहोत” अशी एक हिंट तिने दिली.
अंकिता कोणासोबत लग्न करतीये यावरचा पडदा अजूनही तिने उघडलेला नाही. पण लवकरच आम्ही तुमच्यासमोर येऊ असे आश्वासन तिने चाहत्यांना दिले आहे. काल मित्रमंडळींनी अंकिताचे जोरदार स्वागत केले. त्यात तिच्या एका जवळच्या मैत्रिणीने दोन कॉफी मग तिला गिफ्ट दिले. यावरून अंकिता म्हणते की ‘आता केळवणाला सुरुवात झाली आहे’. महत्वाचं म्हणजे काल अंकीताच्या होणाऱ्या नवऱ्याने तिच्यासाठी एक खास सरप्राईज प्लॅन केले होते. “Winner” थीम अरेंज करून अंकिता सोबत त्याने एका डेटचे प्लॅनिंग केले होते. हे सरप्राईज पाहून अंकिता खुपच भारावून गेली होती. “Thank you नवऱ्या” म्हणत अंकिताने या सरप्राईजबद्दल त्याचे आभार मानले. त्यामुळे तिचा हा कोकण हार्टेड बॉय नेमका आहे तरी कोण याची सगळ्यांनाच उत्सुकता लागून राहिली आहे.
दरम्यान अंकिताचा एक जुना व्हिडीओ व्हायरल होत आहे. त्या व्हिडीओ सोबत संग्राम चांगुले यांचा फोटो जोडण्यात आल्याने अंकिता संग्रामलाच पावडरी खाऊन बॉडी बनवली असल्याचे भासवले जात आहे. या व्हिडीओ बद्दल ती संग्रामशी बोलली आणि त्याचा गैरसमज तीने दूर केला. पण लोकांनी अशा गोष्टी पसरवू नयेत अगोदरच डोक्यात अनेक गोष्टी आहे त्यात ही गोष्ट त्रासदायक वाटते म्हणत तिने लवकरच याबद्दल खुलासा करेन असे ती म्हणते आहे.
