आज १९ ऑक्टोबर रोजी सर्वत्र रक्षाबंधन साजरी करण्यात आली. मराठी सेलिब्रिटी विश्वातही हा सण मोठ्या थाटात साजरा करण्यात आला. ज्यांना भाऊ नाही त्या सेलिब्रिटींनी त्यांच्या बहिणीलाच राखी बांधलेली पाहायला मिळाली. पण आज आपण अशोक सराफ यांच्या रक्षाबंधनाचा एक दुर्मिळ फोटो पाहणार आहोत. या फोटोमध्ये अशोक सराफ आणि त्यांची बहीण तुम्हाला पाहायला मिळेल. त्यांच्या अतिशय साधेपणाने हा फोटो तुमचे लक्ष नक्कीच वेधून घेणारा आहे. अशोक सराफ यांना एक भाऊ आणि एक बहीण आहे. भाऊ सुभाष सराफ यांना तुम्ही अनेकदा कार्यक्रमातून पाहिलं असेल.
पण त्यांच्या बहिणीला क्वचितच कोणी पाहिले असेल. जानेवारी महिन्यात अशोक सराफ यांना महाराष्ट्र भूषण पुरस्कार जाहीर झाला होता तेव्हा या आनंदाच्या क्षणी त्यांच्या मोठ्या बहिणीने त्यांचे औक्षण केले होते. त्यावेळी अशोक सराफ यांची बहीण मिडियासमोर आल्या होत्या. तेव्हा औक्षण झाल्यावर निवेदिता आणि अशोक सराफ यांनी जोडीने त्यांच्या पाया पडले होते. अशोक सराफ यांची बहीण त्यांच्यापेक्षा वयाने मोठ्या आहेत.
नाटककार वसंतराव सावकार आणि गोपीनाथ सावकार हे अशोक सराफ यांचे मामा. त्यामुळे नाटकाच्या सेटवर अशोक सराफ यांचे बालपण गेले. इथेच ते अभिनयाचे बारकावे शिकत गेले. पांडु चित्रपटाने त्यांना मराठी चित्रपट सृष्टीत एक वेगळी ओळख मिळवून दिली होती दुर्दैवाने हे यश पाहायला मामा नव्हते अशी खंत त्यांनी त्यावेळी व्यक्त केली होती. अशोक सराफ यांची बहीण त्यांच्या या यशस्वी प्रवासाच्या साक्षीदार आहेत. या बहीण भावंडांचं नातं आजही तेवढंच घट्ट आहे. आजच्या दिवशी त्यांच्या रक्षाबंधनाचा हा दुर्मिळ फोटो खूप काही सांगून जातो.
