मराठी सृष्टीतील प्रसिद्ध अभिनेता शुभंकर तावडे याने काल त्याच्या वाढदिवसाचे आणि वसूबारसचे औचित्य साधून महागडी गाडी खरेदी करत आनंद साजरा केला आहे. शुभंकर तावडे गेली अनेक वर्षे मराठी इंडस्ट्रीशी जोडलेला आहे. नाटक, चित्रपट मालिका सृष्टीत सहाय्यक भूमिका ते आता मराठी चित्रपटाचा नायक अशी त्याने ओळख मिरवली आहे. खरं तर अभिनयाचे बाळकडू त्याला वडील सुनील तावडे यांच्याकडूनच मिळालेले होते.
पण एक अभिनेता म्हणून स्वतःला सिद्ध करण्यासाठी त्यालाही मोठे कष्ट घ्यावे लागले होते. काल ३० व्या वाढदिवसाच्या दिवशी शुभंकरने KIA CARENS हि जवळपास १२ ते १८ लाख रुपये किंमतीची गाडी खरेदी केली. या गाडीला तो लक्ष्मी मानतो तसेच तिच नावही त्याने “फनकार” असे ठेवले आहे. ‘Fun-Car’ म्हणून तो तिला लाडाने फनकार म्हणून संबोधतो. लवकरच त्याचे विषामृत हे नवं कोरं नाटक प्रेक्षकांच्या भेटीला येत आहे. वाढदिवसाच्या निमित्ताने त्याला चाहत्यांकडून ‘विष ‘ करण्यात येत असल्याने या नाटकासाठी तेवढीच ऊर्जा जमवून रंगभूमीवर उतरणार आहे.
काले धंदे, फ्रेशर्स, कागर, लाईक अँड सबस्क्राईब, डबल सिट, दिल दोस्ती दुनियादारी, वेड अशा चित्रपट, मालिकेतून शुभंकरचा प्रवास आजतागायत सुरू आहे. त्याच्या या यशस्वी कारकिर्दीसाठी आणि येणाऱ्या नाटकासाठी मनःपूर्वक शुभेच्छा!.
