झी मराठी वाहिनी लवकरच दोन नवीन मालिका प्रेक्षकांसमोर आणत आहे. तुला जपणार आहे आणि लक्ष्मी निवास या त्या दोन नव्या मालिका आहेत. पण या दोन मालिकेच्या येण्याने झी मराठीच्या २ मालिकांना एक्झिट घ्यावी लागत आहे. अर्थात या नव्या मालिकेची वेळ अजूनही जाहीर करण्यात आली नसली तरी तुला शिकवीन चांगलाच धडा आणि अप्पी आमची कलेक्टर या मालिका लवकरच प्रेक्षकांचा निरोप घेतील असे बोलले जात आहे. कारण आता या दोन्ही मालिका जवळपास निर्णायक वळणावर येऊन ठेपल्या आहेत.
दरम्यान या दोन्ही मालिकेत रंजक घडामोडी घडताना दिसत आहेत. त्यात तुला शिकविन चांगलाच धडा या मालिकेत चारुलता आणि भुवनेश्वरीचं सत्य उलगडणार आहे. भुवनेश्वरी होती तेव्हा तिने चारुहासला काबीज केले होते. अधिपतीवर तिची चांगली वचपही होती. पण अक्षरा सून बनून घरात आली आणि त्या नंतर तिचं हे गुपित हळूहळू उलगडायला सुरुवात झाली. अधिपतीचा भुवनेश्वरीवर खुप जीव पण हीच भुवनेश्वरी घरातून अचानक गायब झाली आणि चारुलता म्हणून ती अक्षराला भेटली. चारुलता हीच भुवनेश्वरी आहे हे सत्य आता अक्षराला उलगडणार आहे.
भुवनेश्वरीच्या कानातली तीच रिंग चारुलताच्याही कानात तिला दिसल्याने आता हे सत्य तिच्यापासून लपवून राहणार नाही. मालिकेत चारुलता आणि चारुहास यांच्या लग्नाचा घाट घातला जात आहे. पण ही भुवनेश्वरीचीच एक चाल आहे हे अक्षराला समजणार आहे. त्यामुळे या दोघांचं लग्न थांबवण्यासाठी अक्षरा कुठले प्रयत्न करते हे पाहणे रंजक ठरणार आहे. दरम्यान या निर्णायक वळणानंतर आता मालिकेने थांबायला हवं अशी प्रेक्षकांची माफक अपेक्षा आहे.
