प्रसिद्ध अभिनेत्याच्या लेकीची अशोक मा मा मालिकेत एन्ट्री..आईने देखील अनेक मालिकांत केलं आहे काम
कलर्स मराठी वाहिनीवर अशोक मा मा ही नवीन मालिका प्रसारित होणार आहे. येत्या २५ नोव्हेंबर पासून रात्री ८.३० वाजता प्राईम टाइम वर ही मालिका प्रेक्षकांच्या भेटीला येत आहे. स्टार प्रवाह वाहिनीवरील ठरलं तर मग या मालिकेला तगडी टक्कर देण्यासाठी ही मालिका सज्ज झाली आहे. या मालिकेतून अशोक सराफ कित्येक वर्षांनी छोट्या पडद्यावर पुन्हपदार्पण करत आहेत. तर नेहा शितोळे आणि रसिका वाखरकर या मालिकेचा भाग असणार आहेत.
या मालिकेचा आणखी एक प्रोमो नुकताच प्रेक्षकांच्या भेटीला आला असून प्रसिद्ध अभिनेत्याची मुलगीही यात अशोक सराफ यांच्या नातीची भूमिका साकारत आहे. शुभवी गुप्ते असं तिचं नाव असून ती मराठी इंडस्ट्रीतील प्रसिद्ध अभिनेते लोकेश गुप्ते आणि चैत्राली गुप्ते यांची लेक आहे. शुभवी उत्तम डान्सर तर आहेच पण तिला अभिनयाची देखील आवड आहे. शुभवीने काही दिवसांपूर्वी एका नामवंत ब्रँडची जाहिरात केली होती. तिच्या या कामाचे सर्वांनी मोठे कौतुकही केले. एक सांगायचंय या चित्रपटात शुभवी एका बालकलाकाराच्या भूमिकेत दिसली होती मात्र आता तिला छोट्या पडद्यावरही नाव कमवायचं आहे.
दुसरीकडे प्रोमोत दिसलेली ही चिमुरडे तुम्हाला आठवते. निया पवार ही ती बालकलाकार असून तिने अंतरपाट, कन्यादान या मालिकेत काम केले आहे. अशोक मा मा मालिकेत ती इराची भूमिका साकारत आहे. दरम्यान शुभवीचे मालिका सृष्टीत पदार्पण होत असलेले पाहून सेलिब्रिटींनी तिचे अभिनंदन केले आहे.
