आज २९ नोव्हेंबर २०२४ रोजी अभिनेत्री रेश्मा शिंदे आणि पवन यांचा लग्नसोहळा पार पडला. नववधूच्या वेशात रेश्मा शिंदे खूपच सुंदर दिसत होती. या लग्नाला मराठी सेलिब्रिटींनीही हजेरी लावलेली पाहायला मिळाली. रश्मा शिंदेचं लग्न म्हणून गेल्या काही दिवसांपासून तिच्या चाहत्यांमध्ये तसेच सेलिब्रिटी विश्वातही एक चर्चा सुरू होती. ती कोणाशी लग्न करतेय हे तिने शेवटपर्यंत गुलदस्त्यात ठेवले होते.
पण आता तिचा नवरा पवन आहे हे तिने जाहीर केले आहे. रेश्मा शिंदेच्या या लग्नाला मराठी सृष्टीतील अनेक प्रसिद्ध कलाकारांनी हजेरी लावली आहे. तिचे सोशल मीडियावर अभिनंदन केले जात आहे. रेश्मा शिंदे हिचे हे दुसरे लग्न आहे. रेश्माने २०१२ साली अभिजित चौगुले सोबत पहिले लग्न केले होते. मात्र २०१७ मध्ये त्यांनी घटस्फोटाचा निर्णय घेतला. त्यानंतर रेश्मा सिंगल असल्याचे दिसून आले. पण मधल्या काळात ती अभिनेता अक्षर कोठारी सोबत एकत्रित पाहायला मिळाली होती.
अनेकदा या दोघांना एकत्र पाहिल्याने दोघे प्रेमात असल्याचे बोलले जाऊ लागले. त्यामुळे रेश्मा अक्षर कोठारीसोबत लग्न करणार अशी चर्चा रंगू लागली. अर्थात होणाऱ्या नवऱ्याचे नाव जाहीर न केल्यामुळे प्रेक्षकांना या बद्दल प्रचंड उत्सुकता होती. अखेर आज रेश्माच्या पवन सोबतच्या लग्नामुळे ही चर्चा इथेच निवळली आहे. तूर्तास रेश्मा शिंदे आणि पवन ला लग्नाच्या खूप खूप शुभेच्छा!.
