माझे आईबाबा सावळे होते मी जर गोरी झाले असते तर चारित्र्याचे… मी मुलीबरोबर फिरायला जाते तेव्हा लोकांच्या तोंडातून लाळ टपकते
मराठी मालिकांत विनोदी अभिनेत्री म्हणून पदार्पण केलेल्या अभिनेत्री अतिषा नाईक आता विविधांगी भूमिका साकारताना पाहायला मिळतात. हसा चकट फू, घडलंय बिघडलय, अशीही श्यामची आई, बन मस्का, घाडगे अँड सून अशा मालिकांमधून त्यांनी सुरवात गेली त्यांचा अभिनय आणि विनोदाचा टाईमिंग अचूक असल्याने कमी काळातच त्या प्रसिद्धीच्या झोतात आल्या आणि एकामागून एक मालिकांची ऑफर त्यांना येऊ लागली. अतिषा नाईक ह्या आपल्या परखड मत मांडणारं व्यक्तिमत्त्व म्हणून देखील ओळखल्या जातात. मालिकेत देखील त्यांच्या भूमिका देखील तशाच स्वरूपाच्या असतात.
काही दिवसांपूर्वी अतिषा नाईक यांनी एक मुलाखत दिली होती. या मुलाखतीतून त्यांनी आपलं रोखठोक मत मांडल होत. आपल्या अभिनय क्षेत्रातील प्रवासाच्या गमतीजमती, खाजगी आयुष्यातील गमतीजमती त्यांनी या मुलाखतीत सांगितल्या. अतिषा नाईक यांनी आपल्या सावळ्या रंगाचा त्यांना कुठेही कमीपणा वाटत नाही उलट या रंगावर त्यांचं प्रेम आहे असं छातीठोक पणे सांगतात. माझे आईबाबा सावळे होते. मी जर गोरी झाले असते तर माझ्या आईवर चारित्र्याचे शिंतोडे उडले असते. त्यामुळे मी काळी सावळी बेस्ट आहे आणि मी माझ्या या रंगावर भयंकर खुश आहे. गोरं होण्यासाठी मी आजपर्यंत कुठलीही क्रीम लावलेली नाही असं त्या गमतीने म्हणतात.
अतिषा नाईक यांना मुलगी आहे. मुलीसोबत त्या फिरायला जाताना त्यांना अनेक अनुभव येत असतात. कारण समाजात एखाद्या मुलीकडे पाहण्याची लोकांची नजर कशी असते हे त्यांनी अनुभवलं आहे. याबद्दल त्या म्हणतात की, मी माझ्या मुलीबरोबर फिरायला जात असते. तेव्हा लोकांच्या तोंडातून अक्षरशः लाळ टपकलेली मी पाहिली आहे. सॉरी टू से धिस पण अशी गोष्ट खरंच घडते. तर मी एकदा असं म्हटलं होतं की अरे समोर बघ पडशील खड्डा आहे, पुढे तिथे मागे तिच्याकडे बघत चाललायेस. असे म्हणत अतिषा नाईक यांनी लोकांना जागेवरच झापलं होतं.
