news

सई लोकूर पाठोपाठ या प्रसिद्ध अभिनेत्रीचे डोहाळजेवण… सेलिब्रिटींनी केला अभिनंदनाचा वर्षाव

मराठी बिग बॉस फेम सई लोकूर हिने काही दिवसांपूर्वीच तिचे डोहाळेजेवण साजरे केले. सईच्या डोहाळे जेवणाला बिग बॉसमधील तिचे काही सहस्पर्धक हजेरी लावताना दिसले होते. सई पाठोपाठ असता आणखी एका अभिनेत्रीने तिचे डोहाळजेवणाचे फोटो सोशल मीडियावर शेअर केले आहेत. ही अभिनेत्री आहे सरिता मेहेंदळे जोशी. सरिता मेहेंदळे हिने नुकतेच डोहाळजेवण साजरे केलेले आहे. हा सोहळा सारिताने पारंपरिक पद्धतीने साजरा केला. तिने नसलेल्या हिरव्या रंगाच्या पैठणीत तीचे रूप अधिकच खुलून दिसत होते. तिच्या या लवकरच आई होण्याच्या गोड बातमीवर मराठी सेलिब्रिटींनी अभिनंदनाचा वर्षाव केलेला पाहायला मिळतो आहे.

actress sarita mehendale joshi with husband
actress sarita mehendale joshi with husband

सरिता मेहेंदळे ही मूळची सांगलीची. तिचे शालेय शिक्षण सांगली जिल्ह्यातील चाटे स्कूलमधून झाले. पदवीच्या शिक्षणानंतर अभिनयाची ओढ तिला मुंबईला घेऊन आली. लहानपणापासूनच तीने सांस्कृतिक कार्यक्रम आणि कॉलेज फेस्टिव्हलमध्ये सहभाग घेतला होता. सरिता जेव्हा मुंबईत आली तेव्हा तिने अभिनय क्षेत्रात करिअर सुरू करण्यासाठी थोडा संघर्ष केला. अर्धसत्य, ए चल असं नसतं रे अशा विविध नाटकांतून तिने महत्वपूर्ण भूमिका साकारल्या. ए चल असं नसतं रे या नाटकामुळे तिला मराठी मालिकांमध्ये येण्याची संधी मिळाली. सरस्वती , कन्यादान, भागो मोहन प्यारे अशा मालिकेतून सरिता झळकली होती. कल्याण ज्वेलर्सच्या जाहिरातीत तिला अमिताभ बच्चन यांच्यासोबत काम करण्याची संधी मिळाली होती.

sarita mehendale joshi dohale jevan
sarita mehendale joshi dohale jevan

सरस्वती या मालिकेमुळे सरिता प्रकाशझोतात आली होती. याच मालिकेनंतर ती कन्यादान मालिकेत दिसली होती. अतुल परचुरे यांच्यासोबत तिने भागो मोहन प्यारे मालिकेत काम केले होते. या मालिकेनंतर सरिता फारशी कोणत्या मालिकेत पाहायला मिळाली नाही. सौरभ जोशी सोबत तिचे लग्न झाले असून आता ती घरसंसारत रमलेली पाहायला मिळत आहे. यातूनच आता आईपणाचा ती अनुभव घेत आहे. या नवीन प्रवासासाठी आणि होणाऱ्या बाळाच्या सुदृढ आयुष्यासाठी तिला मनःपूर्वक शुभेच्छा.

Related Articles

Leave a Reply

Your email address will not be published. Required fields are marked *

Back to top button