Categories
actress

‘तू फक्त साडी घालण्याच्या लायकीचा आहेस’ म्हणून हिनवायचे…कारभारी लयभारी मालिकेतील “गंगा”ची रिअल लाईफ स्टोरी

karbhari laibhari serial
karbhari laibhari serial

तेजपाल वाघ यांची झी मराठी वाहिनीवर “कारभारी लयभारी” ही मालिका प्रसारित होत आहे. निखिल चव्हाण याने राजवीर तर आणि अनुष्का सरकटे हिने प्रियांकाची प्रमुख भूमिका बजावली आहे. तर दुसऱ्या बाजूला जगदीश पाटील आणि शोना आणि गंगा. मालिकेतील सोना मॅडम सोबतचे “गंगा” हे पात्र देखील खूपच भाव खाऊन जाताना दिसते. कारण गंगा चे पात्र विरोधी भूमिकेच्या बाजूने असले तरी ते नेहमीच नायक आणि नायिकेची बाजू घेताना दिसते. परंतु ही गंगा नेमकी आहे तरी कोण ? तिच्या खऱ्या आयुष्याबद्दल जाणून घेतल्यावर तुम्हीही नक्कीच गहिवरून जाल.

ganga in karbhari laibhari
ganga in karbhari laibhari

कारण गंगा हे पात्र साकारणारी व्यक्ती खऱ्या आयुष्यात ट्रान्सजेंडर आहे. हो अगदी पूर्वीच्या चित्रपटातून गणपत पाटील सारख्या भूमिका जशा अजरामर झाल्या त्याचप्रमाणे मालिका, चित्रपट आणि टीव्ही मालिकेतून सूत्रसंचालक म्हणून ही गंगा आज आपले स्थान या कला क्षेत्रात निर्माण करताना दिसत आहे. झी युवा वाहिनीवरील युवा डान्सिंग क्वीन रिऍलिटी शोमधून होस्ट म्हणून गंगा ने मराठी टीव्ही क्षेत्रात पदार्पण केले. मराठी सृष्टीला मिळालेला पहिलावहिला ट्रान्सजेंडर चेहरा म्हणून आज गंगाला आपली वेगळी ओळख निर्माण करता आली आहे. परंतु हे साध्य होण्यामागे अपार मेहनत, जिद्द आणि लोकांच्या टिकेलाही तिला सामोरे जावे लागले होते हे वेगळे सांगायला नको. अगदी लहानपणापासूनच गंगाला नेहमी हिनवले जात असे. गंगा चे खरे नाव आहे “प्रणित हाटे ” परंतु प्रणितला आज गंगा म्हणूनच ओळखले जाते. मुंबईतील विद्या विहार परिसरात तीचे बालपण गेले. हाटे कुटुंबात पहिल्यांदा मुलगा जन्माला येऊनही तीची वर्तवणूक मात्र मुलींसारखीच असायची त्यामुळे तू बायल्या आहेस, छगन आहेस म्हणून मुलं नेहमी तीला चिडवायचे, मारायचे, पॅन्ट खाली ओढायचे . या सर्व गोष्टींमुळे मी पुरती खचून गेले होते असे ती म्हणते. घरी कसं सांगायचं ? ,त्यांना सांगितलं तर घरचे मलाच ओरडतील मारतील या भीतीने मी त्यांच्याशी काहीच बोलत नसे.

ganga most famous
ganga most famous

लहानपणी मी पहिल्यांदा हातावर मेहेंदी काढली होती तोच हात धरून भावाने माझ्या कानाखाली वाजवली होती. शाळेतही असताना मधल्या सुट्टीच्या वेळी टॉयलेटला गेल्यावर मुलं चिडवायचे, मारायचे यावेळीही मी खूप घाबरायचे परंतु एक दिवस माझा राग अनावर झाला आणि मी कुठलाही विचार न करता त्या मुलाच्या कानाखाली वाजवली. हे धाडस केल्यानंतर माझ्यातला आत्मविश्वास निर्माण झाला. असे धाडस केले तरच आपला निभाव लागणार हे गंगाला समजले. पुढे घरच्यांचाही गंगाला पाठिंबा मिळत गेला. घरच्यांच्या प्रोत्साहनामुळे गंगा अभिनय, नृत्य आणि सूत्रसंचालन अशा क्षेत्रात आपले स्थान निर्माण करताना दिसत आहे. झी युवा डान्सिंग क्वीन मध्ये येण्यापूर्वी गंगा ने वजुद आणि विग या चित्रपट आणि शॉर्टफिल्ममध्ये काम केले आहे. कारभारी लयभारी ही तिने अभिनित केलेली पहिली वहिली मराठी मालिका. या मालिकेतून गंगाला तिच्या या भूमिकेला योग्य तो वाव मिळताना दिसत आहे. पुढे जाऊन हे पात्र आणखी खुलत जाईल अशी अपेक्षा देखील आहे. गंगा उत्कृष्ट नृत्यांगना देखील आहे तिच्या डान्सच्या व्हिडिओजना प्रेक्षकांकडून चांगली पसंती मिळताना दिसते. गंगाला आज मराठी सृष्टीत आपले स्वतःचे एक वेगळे स्थान निर्माण करता आले आहे भविष्यात अशी अनेक कामं तिला मिळत राहो हीच सदिच्छा….

Categories
actress

एक गाडी बाकी अनाडी चित्रपटातील हि अभिनेत्री आणि लक्ष्मीकांत बेर्डे ह्यांच्यात होत हे नातं

ek gadi baki anadi actress
ek gadi baki anadi actress

लक्ष्मीकांत बेर्डे आज आपल्यात नसले तरी त्यांचे चित्रपट लोक आजही आवडीने पाहतात. लक्ष्मीकांत बेर्डे आणि प्रिया बेर्डे यांनी अनेक चित्रपटात एकत्रित काम देखील केले आज आपण त्यांच्याबद्दल माहित नसलेल्या गोष्टी जाणून घेऊयात.. जीन्स आणि शर्ट ची आवड असूनही गावरान नवारी साडी परिधान करून “अशी ही बनवाबनवी” चित्रपटात कमळीच्या भूमिकेमुळे रातोरात स्टार बनलेली अभिनेत्री म्हणजे अभिनेत्री “प्रिया बेर्डे”. प्रिया बेर्डे यांचे लग्नाआधीचे नाव प्रिया अरुण कर्नाटकी. प्रियाचे वडील अरुण कर्नाटकी हे त्यावेळचे प्रसिद्ध निर्माते आणि छायालेखक वासुदेव कर्नाटकी यांचे पुत्र. धोंडी धोंडी पाणी दे, चावट, लपवाछपवी, तिखट मिरची घाटावरची, बंदिवान, पाठलाग या एकामागून एक अशा हिट चित्रपटांची निर्मिती त्यांनी केली.

lakshmikant and actress lata
lakshmikant and actress lata

अगदी वेगवेगळ्या विषयावर त्यांनी चित्रपट बनवण्याचं धाडस केलं आणि ते चित्रपट हिट देखील झाले. पुढे कर्नाटकी यांनी अभिनेत्री “लता काळे” यांच्यासोबत लग्न केले. लग्नानंतर त्या “लता अरुण” या नावाने ओळखू लागल्या. लता अरुण या मराठी रंगभूमीवरील जाणत्या कलाकार. अभिनेत्री माया जाधव या त्यांच्या भावजय तर अभिनेत्री नंदा कर्नाटकी याच्याशी देखील त्यांचे सख्य त्यामुळे कलेशी त्यांचे नाते घट्ट होत गेले. १९५८ साली “१० लाखाचा धनी” या नाटकात पद्मा चव्हाण, शालिनी नाईक यांच्यासोबत महत्वाची भूमिका बजावली. तर “नटसम्राट ” हे गाजलेले नाटक त्यांनी रंगभूमीवर पुन्हा नव्याने साकारले. अरुण सरनाईक यांची प्रमुख भूमिका असलेल्या “जय रेणुकादेवी यल्लमा” चित्रपटात त्यांनी महत्वाची भूमिका बजावली. चित्रपट आणि नाटक ह्या दोन्ही ठिकाणी त्यांनी आपलं वर्चस्व प्रस्थापित केलं होत. एवढया नामवंत घरात प्रिया बेर्डे यांचा जन्म झाला असला तरी त्यांनी या सृष्टीत स्वतःच्या कर्तृत्वार आपले एक वेगळे स्थान निर्माण केले. सुरवातीलाच प्रिया हिला नामांकित मराठी कलाकारांसोबत काम करायची संधी मिळाली त्यामुळे खूप कमी काळात किंवा रातोरात त्या सुपरस्टार झाल्या असं म्हणायला हरकत नाही.

priya and lata arun
priya and lata arun

“एक गाडी बाकी अनाडी” चित्रपटातील लक्ष्मीकांत बेर्डे ह्यांच्या सासू होत्या. आई लता अरुण आणि प्रिया बेर्डे या दोघी मायलेकी म्हणून खूप कमी जणांना माहीत असाव्यात. या दोघी मायलेकिनी “एक गाडी बाकी अनाडी” चित्रपटात एकत्रित काम केले होते. विशेष बाब म्हणजे याच चित्रपटात लक्ष्मीकांत बेर्डे यांनी त्यांच्या मुलाची भूमिका साकारली होती तर प्रिया बेर्डे या प्रेयसीच्या भूमिकेत दिसल्या. लता अरुण आणि लक्ष्मीकांत बेर्डे हे एकमेकांना खूप आधीपासूनच स्टेज शोमुळे ओळखायचे. १९९० साली लता अरुण जेव्हा खूप आजारी पडल्या त्यावेळी त्यांना भेटण्यासाठी लक्ष्मीकांत बेर्डे त्यांच्या घरी जात. आणि इथेच लक्ष्या आणि प्रिया दोघे एकमेकांवर प्रेम करू लागले. यातच अंथरुणाला खिळून असलेल्या लता अरुण यांचे निधन झाले. यानंतर तब्बल ७ वर्षांतच्या प्रेमानंतर अभिनेत्री प्रिया ह्यांनी १९९७ साली लक्ष्मीकांत बेर्डे आणि प्रिया अरुण यांनी आपले लग्न उरकले. लक्ष्मीकांत आणि प्रिया यांचा संसार फुलत असतानाच काही वर्षातच लक्ष्मीकांत बेर्डे यांनी जगाचा निरोप घेतला. पण मराठी रसिकांच्या मनातला हा अभिनेता सर्वांच्याच कायम लक्षात राहील.

Categories
actress

अभिनेत्री तेजस्विनी पंडित हिची सख्खी बहीण दिसते तिच्यासारखीच सेम टू सेम

actress tejaswini pandit
actress tejaswini pandit

अग्गबाई अरेच्चा चित्रपटातून खलनायिकेची भूमिका साकारून अभिनेत्री तेजस्विनी पंडित हिने मराठी चित्रपट सृष्टीत पाऊल टाकले होते. पदर्पणात विरोधी भूमिका साकारणारी ही अभिनेत्री विविधांगी भूमिकांमधून प्रेक्षकांसमोर आली. ये रे ये रे पैसा, देवा, एक तारा,7 रोशन व्हीला, तू ही रे, मी सिंधुताई सपकाळ, गैर राणभूल यासारख्या चित्रपटासोबतच १०० डेज या मालिकेतूनही तीने छोट्या पडद्यावर आगमन केले. दरवर्षी देवीच्या नवरात्रीच्या नऊ अवतारांची तिच्यावर साकारण्यात आलेली थीम नेहमीच चर्चेत राहिली आहे. अभिनयाचे हे बाळकडू तिला तिच्या आईकडूनच मिळाले आहे. मराठी नाट्य तसेच चित्रपट अभिनेत्री ज्योती चांदेकर पंडित या तेजस्विनीच्या आई. मी सिंधुताई सपकाळ या चित्रपटातून दोघी माय लेकीने सिंधुताईंची भूमिका साकारलेली पाहायला मिळाली.

tejaswini pandit sister
tejaswini pandit sister

तेजस्विनीला एक सख्खी बहीण देखील आहे परंतु मिडियासमोर ती फारशी कधी दिसलीच नाही. या कारणाने सोशल मीडियावरही तिचे फोटो फारसे पाहायला मिळत नाहीत. क्वचित प्रसंगीच तेजस्वीनीसोबत तिला पाहिले गेले आहे. तिच्या या बहिणीचे नाव आहे “पूर्णिमा पंडित पुल्लन”. पूर्णिमा ही तेजस्विनीची थोरली बहीण आहे टेक्सासमध्ये ऑस्टिन शहरात ती वास्तव्यास होती. परंतु काही वर्षापूर्वीच ती भारतात परतली असून आपल्या कुटुंबासोबत पुणे शहरात स्थायिक झाली आहे. तेजस्विनी आणि अभिज्ञा भावे यांच्या तेजाज्ञा या ब्रॅंडशीही ती निगडित आहे. बहुतेकदा या ब्रॅण्डसाठी स्पेशल असिस्टंट म्हणून तिने आपली जबाबदारी सांभाळली आहे. याशिवाय पूर्णिमाला कुकींगची देखील विशेष आवड आहे. इन्स्टाग्राम वरून ती नेहमीच स्वतः बनवलेल्या वेगवेगळ्या पदार्थांचे फोटो शेअर करत असते. तेजस्विनी आणि पूर्णिमा या दोघी बहिणींच्या दिसण्यात देखील खूपच साम्य दिसून येते. अर्थात मराठी सृष्टीत असे अनेक सेलिब्रिटी आहेत ज्यांचे बहीण भाऊ दिसायला अगदीच सेम दिसतात. त्यात गौतमी देशपांडे आणि मृण्मयी देशपांडे यांचेही नाव आवर्जून घ्यावे लागेल. गौतमी आणि मृण्मयी दोघी बहिणी टीव्ही मालिका, चित्रपट या माध्यमातून नेहमीच प्रेक्षकांसमोर येतात परंतू पूर्णिमा या क्षेत्रापासून काहीशी दूरच असलेली पाहायला मिळते याच कारणामुळे ती प्रकाशझोतात कधी आली नाही.

Categories
actress

रिमा लागू यांच्या आई होत्या प्रसिद्ध अभिनेत्री चित्रपटात अशोक सराफांच्या पत्नीची साकारली होती भूमिका

mandakini bhadbhade actress
mandakini bhadbhade actress

मराठी तसेच हिंदी चित्रपट सृष्टी गाजवणाऱ्या दिवंगत अभिनेत्री रिमा लागू यांच्याबद्दल आज बऱ्याच गोष्टी जाणून घेणार आहोत. रिमा लागू यांचे लग्नाआधीचे नाव होते “नयन भडभडे”. त्यांचे शालेय शिक्षण गिरगावातील चिकीत्सक आणि कमळाबाई शाळेमधून झाले. बालपणापासूनच अभिनयाची आवड असली तरी शिक्षणाला प्राधान्य देत त्यांच्या आईने त्यांना या क्षेत्रापासून दूर राहावे म्हणून पुढील शिक्षणासाठी पुण्यात पाठवले. ८ वी इयत्तेत प्रवेश मिळवल्यावर त्यांना आंतरशालेय नाट्यस्पर्धेतून अभिनय साकारण्याची संधी मिळाली होती.

ashok saraf and mandakini
ashok saraf and mandakini

मधल्या काळात त्या बँकेत नोकरी करू लागल्या परंतु अभिनयाला पुरेसा वेळ मिळावा यासाठी बँकेतील नोकरीला त्यांनी रामराम ठोकला. मराठी मालिका तसेच चित्रपट अभिनेते विवेक लागू यांच्यासोबत त्या विवाहबंधनात अडकल्यानंतर रिमा लागू याच नावाने ओळखल्या जाऊ लागल्या. विवेक लागू हे देखील बँकेतच नोकरी करत होते. परंतु त्यांचे हे लग्न फार काळ टिकले नाही. पुढे अभिनयाचा त्यांचा हा प्रवास व्यावसायिक नाटक, मराठी, हिंदी चित्रपटापर्यंत यशस्वीपणे घेऊन गेला. त्यांच्या रूपाने मैने प्यार किया, कुछ कुछ होता है, दिवाने, दिल्लगी, येस बॉस, हम साथ साथ है अशा अनेक चित्रपटातून बॉलिवूडमधील मॉडर्न आई उदयास आली होती. १८ मे २०१७ रोजी रिमा लागू यांचे हृदयाच्या तीव्र झटक्याने निधन झाले. बॉलीवूड आणि मराठी सिनेसृष्टीत त्यांच्या ह्या निधनाच्या बातमीने कलाकारांनी हळहळ व्यक्त केली. आजही त्यांनी साकारलेल्या मालिका आणि चित्रपटातील काम आवर्जून घेतले जाते. चित्रपट सृष्टीत आजही त्यांना सलमान खानची आई म्हणून संबोधले जाते. आता आपण त्यांच्या आई आणि परिवाराबद्दल माहिती जाणून घेऊयात..

mandakini and reema
mandakini and reema

रिमा लागू यांच्या आई “मंदाकिनी भडभडे” या देखील मराठी नाट्य तसेच चित्रपट अभिनेत्री म्हणून ओळखल्या जात. अपराध, वाट चुकलेले नवरे, अन्नपूर्णा, अरे संसार संसार, नवरे सगळे गाढव, मुंबईचा फौजदार अशा अनेक मराठी चित्रपट तसेच सौजन्याची ऐशी तैशी, तरुण तुर्क म्हातारे अर्क, भटाला दिली ओसरी अशा दर्जेदार नाटकांतून भूमिका साकारल्या. १९४९ च्या सुमारास त्यांनी सीआयडी कार्यालयात काही काळ नोकरी केली होती. मंदाकिनी भडभडे यांचेही वयाच्या ८३ व्या वर्षी हृदयाच्या तीव्र झटक्याने निधन झाले होते. त्यांची नात म्हणजेच रिमा लागू यांची मुलगी “मृण्मयी लागू” ही आपल्या आई आणि आजीच्या पावलावर पाऊल टाकत मराठी चित्रपटातून मुख्य नायिका म्हणून भूमिका साकारू लागली. मुक्काम पोस्ट लंडन, दोघात तिसरा आता सगळं विसरा, हॅलो जिंदगी या चित्रपटातून मृण्मयी प्रेक्षकांसमोर आली. नुकताच येऊन गेलेला तापसी पन्नू अभिनित ‘थप्पड’ या बॉलिवूड चित्रपटाचे लेखन मृण्मयीने केले होते. डिसेंम्बर २०१४ साली असिस्टंट डायरेक्टर असलेल्या विनय वायकुळ सोबत ती विवाहबंधनात अडकली होती. रिमा लागू यांनी ‘होम स्वीट होम’ हा अखेरचा मराठी चित्रपट साकारला होता. बॉलिवूडची एक उत्कृष्ट आई म्हणून त्यांना कायम या सृष्टीत ओळखले जाणार यात शंका नाही. रिमा लागू यांच्या या स्मृतीस विनम्र अभिवादन करूयात…

Categories
actress

तुम्ही वेगळे का राहता? चाहत्याच्या प्रश्नावर अमृता खानविलकर आणि पती हिमांशूने दिले उत्तर

चोरीचा मामला, फुंक, वेलकम जिंदगी, राजी सत्यमेव जयते, मलंग अशा चित्रपटाच्या माध्यमातून मराठी चित्रपट सृष्टीसोबतच बॉलिवूड चित्रपट सृष्टीतही अभिनेत्री अमृता खानविलकरने आपल्या अभिनयाची छाप पाडली आहे. नटरंगमधील उत्कृष्ट लावणी नृत्यासोबतच नच बलीयेच्या मांचारही तिने आपल्या नृत्याची झलक दाखवून दिली. अमृता खानविलकर हिंदी मालिका तसेच टीव्ही अभिनेता हिमांशू मल्होत्रासोबत विवाहबद्ध झाली. परंतु गेल्या कित्येक दिवसांपासून अमृता मुंबईत तर हिमांशू दिल्लीत राहत आहेत. नुकत्याच झालेल्या करवा चौथचे औचित्य साधून अमृता आणि हिमांशू आपल्या इंस्टाग्रामवरून लाईव्ह आलेले पाहायला मिळाले. यावेळी दोघांनीही आपल्या नात्यातील गमतीजमती चाहत्यांसोबत शेअर केल्या.

himanshu and amruta
himanshu and amruta

“तुम्ही वेगळे का राहता?” या एका चाहत्याने विचारलेल्या प्रश्नावर अमृता आणि हिमांशूने उत्तर दिलेले पाहायला मिळाले. ‘मी कामानिमित्त मुंबईत आहे अगदी दिवळीतही मी पूर्णपणे बिझी असून केवळ एकच दिवस मी सुट्टी घेतली आहे. तर हिमांशू त्याच्या आईला भेटायला दिल्लीला गेला आहे.’ चाहत्याला दिलेल्या या उत्तरासोबतच हिमांशूने २००४ साली पहिल्यांदा अमृताची भेट कशी झाली याचीही आठवण करून दिली. आम्ही दोघे एकमेकांना गेल्या १६ वर्षांपासून ओळखत आहोत. डबु रत्नानी यांच्या ऑफिसमध्ये पहिल्यांदा आम्ही दोघे भेटलो होतो तिथेच सिध्दार्थने आमची ओळख करून दिली. आमच्या दोघांमध्ये आजही भांडणं होतात असे म्हणत अमृताने सांगितले की हिमांशू खूप शांत तर मी खूपच मस्तीखोर आहे. मी त्याच्यासोबत कधीच काम करू शकत नाही अगदी दोन मिनिटंही मी त्याच्यासारखी शांत बसू शकत नाही. हिमांशू मल्होत्रा नेहमीच आपल्या इन्स्टाग्रामवरून चाहत्यांशी संवाद साधत असतो. आपल्या बोलण्यातून तो नेहमीच या चाहत्यांना प्रेरणा देताना दिसतो. चाहत्यांकडूनदेखील त्याला उत्तम प्रतिसाद मिळताना दिसतो. करवा चौथच्या निमित्ताने अमृता आणि हिमांशू दोघांनीही उपवास केला होता. मी अमृतासाठी दुसऱ्यांदा हा उपवास केला आहे तर अमृतालाही या प्रथेवर भयंकर श्रद्धा आहे आणि मी नेहमीच उपवास, देवदर्शन करते आणि मला ते खूप आवडतंही असे ती म्हणते. त्यामुळे हिमांशू आणि अमृता यांच्या नात्यात सारे काही आलबेल आहे असेच म्हणावे लागेल…

Categories
actress

राणू मंडलला लागली लॉटरी…यानिमित्ताने पुन्हा एकदा आली चर्चेत

रेल्वेस्टेशनवर गाणी गाऊन रातोरात स्टार बनलेल्या राणू मंडल आता पुन्हा एकदा चर्चेत येऊ लागल्या आहेत. मध्यंतरी हिमेश रेशमिया यांनी दिलेली संधी पुरेशी नसल्याने राणू मंडल यांच्यावर पुन्हा एकदा स्टेशनवरच गाणे गायची वेळ आली होती. स्वतः लता मंगेशकर यांनीही त्यांच्याबाबत हेच भाकीत केलेले पाहायला मिळाले होते. अमाप प्रसिद्धी मिळूनही राणू मंडल पूर्वी होत्या त्याच परिस्थिला तोंड देताना दिसल्या. याच अनुषंगाने राणू मंडल यांच्याकडे पुन्हा अशीच एक नामी संधी चालून आलेली पाहायला मिळत आहे.

chikhaliya anad ranu mandal
chikhaliya anad ranu mandal

आकाश नायक दिग्दर्शित “सरोजिनी” या आगामी बॉलीवुड चित्रपटात राणू मंडल यांना पुन्हा एकदा गायची संधी मिळणार आहे. येत्या डिसेंबर महिन्यात सरोजिनी हा चित्रपट प्रदर्शित होत असल्याचे बोलले जाते. सरोजिनी नायडू यांच्या बायोपिकवर हा चित्रपट साकारला जात आहे. सरोजिनी नायडू यांची भूमिका रामायण मालिकेतील सीता म्हणजेच अभिनेत्री “दीपिका चिखलिया” साकारणार आहेत. स्वतः दीपिका चिखलिया यांनीच सोशल मीडियावरून एक व्हिडिओ शेअर करत राणू मंडल सरोजिनी चित्रपटासाठी गाणं गाणार आहेत असे जाहीर केले आहे. त्यांच्या या बातमीने राणू मंडल यांना पुन्हा एकदा लॉटरी लागणार असेही बोलले जाते. अर्थात ही घोषणा केल्यावर राणू मंडल यांच्या डोक्यात पुन्हा एकदा हवा शिरू नये… त्यांनी त्यांचे पाय जमिनीवरच ठेवावेत असेही बोलले जात आहे…गेल्या वेळी मीडियाशी बोलताना किंवा चाहते भेटायला आल्यावर त्यांना दिलेली वागणूक जनतेने पाहिली आहे. एकदा डोक्यात शिरलेली हवा कशी बाहेर काढायची हे जनतेने त्यांना दाखवून दिले होते तशी वेळ त्यांनी स्वतःवरच ओढवून घेतल्याने त्या पुन्हा एकदा स्टेशनवर गाताना दिसल्या. आता मिळालेल्या या नव्या संधीचा त्या कसा फायदा करून घेतात हे येणारा काळच ठरवेल…

Categories
actress

लागीरं झालं जी मालिकेतील ह्या अभिनेत्रीचे अकाली निधन…

लागीरं झालं जी या झी मराठी वाहिनीवरील मालिकेला प्रेक्षकांनी भरभरून प्रतिसाद दिला होता. मालिकेतील अजिंक्य, शीतल, मामा, मामी, जयडी, भैय्यासाहेब, राहुल हे सर्वच पात्र आपल्या सजग अभिनयाने प्रेक्षकांच्या विशेष समरणात राहिली आहेत. मालिकेतील जिजीचे पात्र साकारणाऱ्या ज्येष्ठ अभिनेत्री “कमल ठोके” यांचे नुकतेच निधन झाले असल्याने मालिकेतील कलाकारांनी हळहळ व्यक्त केली आहे. कमल ठोके या आपला मुलगा सुनील याच्यासोबत बंगलोर येथे राहत होत्या.

kamal thoke actress pic
kamal thoke actress pic

कर्करोगासारख्या गंभीर आजाराशी झुंज देत त्यांची आज प्राणज्योत मालवली असल्याचे समजते आहे. उद्या कमल ठोके यांच्यावर कराड येथिल त्यांच्या गावी अंत्यसंस्कार करण्यात येणार आहेत. त्यांच्या अशा अचानक जाण्याने मराठी मालिका सृष्टीतील हळहळ व्यक्त केली जात आहे. मालिकेत त्यांनी साकारलेले जिजींचे पात्र जितके लोकप्रिय झाले होते अगदी या पात्राप्रमाणेच त्या खऱ्या आयुष्यात ही तितक्याच दिलखुलास होत्या. विशेष म्हणजे काही मोजक्या मराठी चित्रपटातूनही त्यांनी अभिनय साकारला होता. खऱ्या आयुष्यात एक आदर्श शिक्षिका असलेल्या कमल ठोके यांनी मुख्याध्यापिकेची देखील जबाबदारी पार पाडली होती. अभिनयाची त्यांची आवड मालिका तसेच चित्रपटातून पाहायला मिळाली. त्यांनी साकारलेली लागींर झालं जी मधील जिजी कायम प्रेक्षकांच्या समरणात राहील एवढे मात्र नक्की. कमल ठोके यांना आमच्या संपूर्ण टीम कडून भावपूर्ण श्रद्धांजली….

Categories
actress

देवमाणूस मालिकेत या अभिनेत्रीची एन्ट्री…दाक्षिणात्य चित्रपटातही केले आहे काम

झी मराठी वाहिनीवरील “देवमाणूस” ही मालिका प्रेक्षकांच्या विशेष पसंतीस उतरताना दिसत आहे. मालिकेतील टोण्या, डिंपल, सरू आज्जी, बज्या, नाम्या ही सर्वच पात्र आपल्या विनोदी अभिनयातून प्रेक्षकांचे मनोरंजन करताना दिसतात. मालिकेला एक ठराविक कथानक असल्याने कुठल्याही प्रकारे ती भरकटत गेलेली दिसून येत नाही हीच या मालिकेची जमेची बाजू म्हणावी लागेल. देवमाणूस (वेगळ्या अर्थाने) असलेला मालिकेतील हा डॉक्टर अजून किती जणांना आपल्या जाळ्यात ओढून त्यांना फसवण्याचे काम करतो याची उत्कंठा दिवसागणिक वाढत जाताना दिसते. डॉक्टरच्या वागणुकीला कंटाळून नुकतेच या मालिकेतील अपर्णाच्या पात्राने आपले आयुष्य संपवले आहे.

pratiksha jadhav actress
pratiksha jadhav actress

त्यामुळे मालिकेत आता वेगळे वळण आलेले पाहायला मिळते लवकरच या मालिकेत आता आणखी एक नवीन पात्र दाखल होताना दिसत आहे. हे पात्र साकारणाऱ्या अभिनेत्रीबद्दल आज अधिक जाणून घेऊयात… मालिकेत नव्याने दाखल होणारे पात्र साकारले आहे अभिनेत्री “प्रतीक्षा जाधव” हिने. मराठी नाटक , मालिका, चित्रपट याखेरीज हिंदी मालिका तसेच दाक्षिणात्य चित्रपटातूनही प्रतीक्षा जाधव झळकली आहे. मूळची पुण्याची असलेल्या प्रतिक्षाने कॉलेजमध्ये असताना नाटकांतून काम केले आहे. छोटी मालकीण, मोलकरीणबाई, मेंदीच्या पानावर, दिल्या घरी तू सुखी रहा या मालिका तसेच चला खेळ खेळूया दोघे, तात्या विंचू लगे रहो, जखमी पोलीस, भुताचा हनिमून, सौभाग्य माझं दैवत, खेळ आयुष्याचा हे मराठी चित्रपट तीने साकारले आहेत. दिल ढुंडता है, क्राइम पेट्रोल या हिंदी मालिकेसोबतच एका दाक्षिणात्य चित्रपटाचाही ती एक महत्वाचा भाग बनली आहे. अभिनयासोबतच प्रतीक्षाला नृत्याची देखील विशेष आवड आहे. देवमाणूस मालिकेतून प्रतीक्षा पुन्हा एकदा प्रेक्षकांच्या भेटीस येत आहे. तिच्या येण्याने मालिकेला निश्चितच एक वेगळे वळण लागणार आहे. प्रतीक्षाला या नव्या मालिकेनिमित्त खूप खूप शुभेच्छा…

Categories
actress

प्रसिद्ध मराठीतील अभिनेत्रीच्या मुलीचे अभिनय क्षेत्रात पदार्पण

चेकमेट, सावरखेड एक गाव, हृदयांतर, तेरे लिये, नवरा माझा भवरा अशा हिंदी मराठी चित्रपटातून अभिनेत्री सोनाली खरेने महत्वाच्या भूमिका बजावल्या आहेत. बॉलिवूड तसेच हिंदी मालिका अभिनेता विजय आनंद यांच्याशी सोनाली खरे विवाहबद्ध झाली. “प्यार तो होना ही था” या बॉलिवूड चित्रपटातून विजय आनंद ने काजोलच्या प्रियकराची भूमिका साकारली होती. याशिवाय ‘आसमान से आगे ‘, ‘यश’, ‘ये रे ये रे पैसा’, ‘स्माईल प्लिज’ हे चित्रपट आणि काही हिंदी टीव्ही मालिकेतून विजय आनंदने मुख्य भूमिका साकारल्या आहेत.

प्रसिद्ध मराठीतील अभिनेत्रीच्या मुलीचे अभिनय क्षेत्रात पदार्पण
सोनाली खरे

सोनाली आणि विजय आनंद यांना एक मुलगी आहे सनाया आनंद हे तिचे नाव. २२ जुलै २००८ रोजी सनायाचा जन्म झाला. सनाया नुकतीच बारा वर्षाची झाली असून लवकरच ती एका शॉर्टफिल्मच्या माध्यमातून अभिनय क्षेत्रात पाऊल टाकत आहे. दिवाळीच्या मुहूर्तावर “Blood relation” नावाने एका शॉर्टफिल्ममध्ये ती झळकणार असून या शॉर्टफिल्मचे दिग्दर्शन केले अभिनेत्री सई देवधर हिने केले आहे. लेखन, दिग्दर्शन आणि अभिनय अशा तिहेरी भूमिकेतून सई देवधर प्रेक्षकांच्या भेटीस येत आहे. मराठीतील प्रसिद्ध अभिनेत्री सोनाली खरे आणि बॉलीवूड चित्रपटांतील एकेकाळचा प्रसिद्ध अभिनेता विजय आनंद ह्यांची मुलगी सनाया आनंद हीच अभिनय पाहण्यासाठी सारेच उत्सुक असल्याचे पाहायला मिळतायेत आपल्या आई वडिलांप्रमाणेच तीही अभिनयात यश संपादन करेल अशी आशा आहे. तूर्तास “सनाया आनंद” हिच्या अभिनय क्षेत्रातील पदार्पणानिमित्त खूप खूप शुभेच्छा..