Categories
actors

अभिनेता आरोह वेलणकरच्या टीकेला दिग्दर्शक महेश टिळेकरांचे उत्तर

aaroh welankar and mahesh tilak
aaroh welankar and mahesh tilak

काही दिवसांपूर्वी मराठी चित्रपट दिग्दर्शक तसेच मराठी तारका फेम महेश टिळेकर यांनी अमृता फडणवीस यांनी गायलेल्या गाण्यावर टीका केली होती. या टीकेला प्रतिउत्तर देत अभिनेता आरोह वेलणकर याने देखील महेश टिळेकर यांच्यावर टीका करत, “महेश टिळेकर तुमची टीका वाचून लाज वाटली. मराठी तारका नावाचा कार्यक्रम करता, स्त्री शक्ती, सम्मानाच्या गोष्टी करता, आणि ही कसली भाषा तुमची? नसेल आवडत तर नका एैकू, टीका करायची तर तमा बाळगून करा! कोण समजता तुम्ही स्वत:ला!?ह्या आधी व्हाया व्हाया माझ्यावरही आणि काही नटांवर तुम्ही अशीच टीका केली होती, तेव्हा दुर्लक्ष केलं. तुम्ही तुमच्या पोस्ट काय विचार करून, ओढून, पीऊन, समजून करता हे कळणं कठीण आहे! फुटेजसाठी करत असाल तर अधिकच हीन आहे तुमचं सगळं! सुधरा…राहीला प्रश्ण मराठी तारकांचा, तर ह्या पुढे ह्या तुमच्या स्टंटमुळे तुमच्या कार्यक्रमात कोण काम करतय बघू!” आरोह वेलणकरच्या या टिकेवर महेश टिळेकर यांनी देखील प्रतिक्रिया दिली आहे ते म्हणतात की..

aaroh welankar and mahesh tilak
aaroh welankar and mahesh tilak

“Aroh Velankar बेसूर ,गाणारी स्वयंघोषित गायिका, जिच्यावर मी पोस्ट लिहिल्यामुळे तुझा थयथयाट होऊन तू मला धमकी वजा संदेश देतोय,तुझ्या बापाची मालकी आहे की राज्य आहे इथ, कोण माझ्याकडे कार्यक्रम करणार म्हणून तू धमकी देऊन मला सांगतोय.कलाकार तुझ्या दावणीला बांधले आहेत की त्यांचं पालकत्व घेतलं आहेस म्हणून तुझ्या सांगण्यावरून कलाकार ऐकणार.. आधी स्वतः चे करिअर बघ. आणि फुटेज पब्लिसिटी मिळवण्यासाठी तूच बिग बॉस मध्ये गेला होतास ना?का तिथे समाजसेवा करायला गेला होतास?ज्या कलाकारांच्या वर टीका केली तेंव्हा का तू बिळात जाऊन बसला होतास?ते तुझे समविचारी दिसतायेत म्हणून तुला मिरच्या झोंबल्या का? जेव्हा मराठी कलाकारांची लायकी ट्रेन नी फिरण्याची आणि गाय छाप तंबाखू खाण्याची आहे असं विधान तू ज्यांचा भक्त आहेस त्या राजकीय पक्षाच्या व्यक्तीने केले होते तेंव्हा तुझे रक्त उसळले नाही का?तेंव्हा कलाकारां ची बाजू घेऊन बोलायला पुढं का आला नाहीस रे?कुठं पिऊन पडला होतास की शेपूट घालून बसला होतास? तुझं वय जितकं आहे ना तितकी माझी कारकीर्द आहे. आता तुझा जळफळाट होतोय तेंव्हा कुठं गेला होतास रे तु,जेंव्हा छत्रपती शिवाजी महाराज, मराठी भाषा , महापुरुषांचा, महाराष्ट्राचा, मुंबई पोलिसांचा अपमान इतर कलाकार करत होते तेंव्हा तू आईच्या पदराआड लपला होतास की मूग गिळून गप्प बसला होतास? स्त्री सन्मान आणि कला सन्मान यातला आधी फरक ओळखायला शिक.जे बेसूर आहे त्याला अमृतवाणी समजून डोक्यावर घेनाऱ्यातला मी नाही.आणि आठवत नसेल तर नीट आठव पुण्यात हनुमंत गायकवाड यांच्या ऑफिस मध्ये भेटून तू माझ्या कडे काम मागत होतास,ते विसरलास का?जिथं बोलायचं तिथं बोलतो मी ,आणि तुझ्यात खरीच हिम्मत असेल तर समोर येऊन धमकी दे म्हणजे माझी पोस्ट वाचून जी आग आणि धूर बाहेर येत आहे तो तुझ्या शरीरातील नेमका कोणत्या अवयवा मधून बाहेर येत आहे ते पाहून तुझं बिन टाक्याचे ऑपरेशन करायचे की टाके घालून ते मला ठरवता येईल…. महेश टिळेकर

Categories
actors

चाहत्यांनी दिलेल्या भरभरून प्रतिसादानंतर अभिनेते “राजन पाटील” यांची आणखी एक पोस्ट

rajan patil marathi famous actor
rajan patil marathi famous actor

प्रत्येकाच्या आयुष्यात अशी एक वेळ येते ज्या वेळी मृत्यूला ओढवण्याखेरीज दुसरा पर्याय आपल्याला सुचत नाही. कालच ज्येष्ठ अभिनेते राजन पाटील यांनी भावनेच्या भरात आपल्याला मृत्यू यावा अशी याचना एका पोस्टद्वारे केली होती. त्यावर अनके चाहत्यांनी मित्रमंडळींनी त्यांचे बळ वाढवत आयुष्य कसे सुखकर जगता येईल याबाबत कानउघडणी करणारे सल्ले दिले. चाहत्यांकडून मिळालेल्या भरभरून प्रतिसाद आणि प्रेमानंतर त्यांनी आणखी एक पोस्ट शेअर केली आहे त्यात ते म्हणतात…

rajan patil sir
rajan patil sir

नमस्कार मंडळी, माणसाच्या आयुष्यात कधी कधी असा एखादा क्षण येतो की तो माणूस राहत नाही. माणसाचा ऑथेल्लो किंवा हॅम्लेट का होतो याला तर्कशुद्ध उत्तर नाही. तो तसा होतो याला कारण त्याच्या आयुष्यातला ‘ तो ‘ क्षण. माझ्या आयुष्यात तो क्षण आला. सर्वकाही असह्य झालं. पराभव समोर उभा राहिला. आणि त्या क्षणाने घात केला.fb वर पोस्ट सोडली. कच खाल्ली. पण तुम्ही सगळे त्यावर इतक्या त्वेषानं व्यक्त झालात की माझ्यावरच्या त्या क्षणाची पकड क्षणात सुटली. सावध झालो. लज्जित झालो. खाडकन मुस्काटात बसल्यानंतर जाग यावी तसा भानावर आलो. स्वतःला खडसावले, ‘ साल्या, लोक तुला बघून, तुला आदर्श मानून आयुष्यात लढा सोडत नाहीत. हरणारी लढाई सुद्द्धा लढतात आणि प्रसंगी जिंकतात ही. आणि तू ? तुला लढायला हवं. तुझ्यावर विश्वास ठेवणाऱ्या लोकांना तू फसवणार ? लाज वाटत नाही? नेता बनायची हौस आहे ना, मग नेत्यासारखे वाग. आता माघार नाही. शेंडी तुटो वा पारंबी, पण लढाई सोडायची नाही ‘ मंडळी, तुम्ही जो आवाज माझ्या कानाखाली काढलात त्याचे पडसाद आता माझ्या मृत्युबरोबरच्या लढाईत उमटणार हे निश्चित. मी पुन्हा हत्यार उपसले आहे. आता फक्त एल्गार ! हर हर महादेव ! …राजन पाटील.
राजन सर तुम्ही अनेकांचे प्रेरणास्थान आहात खचून न जाता आयुष्य सुखकर कसे होईल याचा पाठपुरावा सतत करत राहा आयुष्य एकदाच मिळते आणि ते खूप सुंदर आहे याच विचाराने पुढे चालत राहा…तुम्हाला पुढील वाटचालीसाठी अनेक अनेक शुभेच्छा..

Categories
actors

माझी जीवनाशी चाललेली लढाई मी थांबवत आहे… मुरुत्युने मला घेऊन जावे असे म्हणत मराठी कलाकाराने केली प्रार्थना

आयुष्यात येणाऱ्या अडचणींवर मात करत त्याच्याशी दोन हात करत जेव्हा आपला संघर्ष कुठेतरी कमी पडतो त्यावेळी नको ते विचार आपल्या डोक्यात घर करून बसतात. याच भावनेने मराठी नाट्य तसेच सिने सृष्टीतील ज्येष्ठ कलाकार “राजन पाटील” यांनी आपल्या भावनांना मोकळी वाट करून दिली आहे. मुळात राजन पाटील हे व्यक्तीमत्त्वच त्यांच्या चाहते आणि आसपासच्या मित्रमंडळी या सर्वांनाच आपल्या लेखणीतून नेहमी प्रोत्साहन आणि ऊर्जा देण्याचे काम करत असते. त्यामुळे माझी मृत्यूशी चाललेली लढाई मी थांबवत आहे असे त्यांचे म्हणणे कुठेतरी जिव्हारी लागते. नुकतेच सोशल मीडियावरन त्यांनी एक भावनिक पोस्ट शेअर केली आहे त्यात त्यांनी म्हटले आहे की…

actor rajan patil
actor rajan patil

“नमस्कार मंडळी, माझी मृत्यूशी चाललेली लढाई मी थांबवत आहे. मी शस्त्र टाकली आहेत. मानसिक दृष्ट्या मी हरलोय. माझं जगणं आता जगणं उरलं नाही. केवळ जिवंत राहणं एवढंच राहिलेय. मला त्यात स्वारस्य नाही. तुम्ही माझ्यासाठी एक करा, मृत्यूने मला लवकर घेऊन जावे, अशी प्रार्थना करा. नमस्कार… …राजन पाटील.”… राजन पाटील यांनी असे का म्हटले आहे ते ठाऊक नाही पण त्यांच्या या पोस्टवर अनेक सह कलाकारांनी त्यांना बळ देण्याचे काम केले आहे. आजारावर उपचार नक्कीच असतात खचून न जाता परिस्थिशी खंबीरपणे सामोरे जा असेच अनेकांनी त्यांना सुचवले आहे. राजन पाटील हे स्वतः लेखक आहेत. “रंग माझा”, “माझी माणसं” या पुस्तकाचे लेखन त्यांनी केले आहे. शिवाय तरुण तुर्क म्हातारे अर्क, रायगडाला जेव्हा जाग येते, मित्र, शर्यत, बरड, मुंबई आमचीच, तोची एक समर्थ या आणि अशा अनेक नाटक, चित्रपट तसेच दूरदर्शनवरील अनेक टीव्ही मालिकांमधून त्यांनी आपल्या अभिनयाची छाप पाडली आहे. तूर्तास ज्येष्ठ अभिनेते राजन पाटील या आजारातून लवकरात लवकर बरे व्हावेत हीच सदिच्छा….

Categories
actors

केस कापणारा व्यक्ती कसा बनला करोडपती? पहा नक्की काय केलं ह्याने ज्यामुळे आज आहे खूपच श्रीमंत

वडिलांच्या निधनानंतर वयाच्या अवघ्या १४ व्या वर्षीच संसाराचा गाडा चलवणारा हा व्यक्ती आहे एक सर्वसामान्य न्हावी. पण मग तुम्ही म्हणाल १०० ते १५० रुपये मिळकतीच्या जोरावर कोणी करोडपती होऊ शकतो का? तर त्याचे उत्तरही तुम्हाला हो असेच मिळेल. कारण या व्यक्तीने अशी काही युक्ती केली की ज्यामुळे आज या व्यक्तीकडे जवळपास ३७८ हुन अधिक चारचाकी गाड्या आहेत यात साधारण १२० लक्झरी गाड्यांचाही समावेश आहे. या व्यक्तीचे नाव आहे “रमेश बाबू” त्यांच्या बद्दल काही खास गोष्टी जाणून घेऊयात..

ramesh babu pic
ramesh babu pic

कर्नाटकातील बंगलोर येथे रमेश बाबूंचे केस कापण्याचे दुकान आहे. १९७९ साली वडिलांच्या निधनानंतर घराची जबाबदारी रमेश बाबूवर येऊन पडली. वयाच्या अवघ्या १४ व्या वर्षीच घरोघरी दूध आणि वर्तमानपत्र जाऊन देण्याचे काम त्यांनी केले. त्यानंतर वयाच्या १८ व्या वर्षी स्वतःचे सलून चालवण्यास त्यांनी सुरुवात केली. हा व्यवसाय इतका वाढीस लागला की सकाळी ६ ते रात्री २ वाजेपर्यंत गिऱ्हाईकांची गर्दी जमू लागली. कधीकधी तर दुसऱ्या दिवशी सकाळपर्यंत त्यांना हे काम करावे लागे. व्यवसायात भरभराट होत असल्याचे पाहून एक चारचाकी वाहन घेण्याचे त्यांनी ठरवले. १९९३ साली मारुती ओम्नी ही पहिली चारचाकी गाडी त्यांनी हप्त्याने घेतली. काही दिवस सुरळीत सुरू असतानाच पुढे हप्ते भरण्यास अडचण येऊ लागली. आर्थिक चणचण वाढू लागली तेव्हा त्यांच्या काकूंनी ती गाडी भाडेतत्त्वावर देण्याचा सल्ला दिला. आपल्याला वेगळं काहीतरी करून दाखवायचं म्हणून त्यांनी काकूंच्या सल्ल्याचा विचार केला.

ramesh babus inspiring story
ramesh babus inspiring story

एक गाडी भाडेतत्त्वावर दिल्यानंतर आणखी एक गाडी खरेदी करण्याचे त्यांनी ठरवले. असे करता करता आज त्यांच्याकडे स्वतःच्या मालकीच्या जवळपास ३७८ हुन अधिक चारचाकी गाड्या आहेत. ज्यात १२० मर्सिडीज, रोल्स रॉयल्स, जगुआर, ऑडी सारख्या लक्झरी गाड्यांचा समावेश आहे. आज रमेशबाबू एवढ्या गाड्यांचे मालक तसेच सर्वपरिचित कार रेंटल बीजनेसमन असूनही स्वतःचा सलूनचा व्यवसाय ते सांभाळत आहेत. स्वतः हातात कात्री घेऊन येणाऱ्या गिऱ्हाइकांचे ते आजही केस कापताना दिसतात. आपला मूळ व्यवसाय असाच टिकवून ठेवायचा असा त्यांचा मानस आहे. श्रीमंत झालो म्हणून आपला मूळ व्यवसाय सोडायचा हे त्यांना मुळीच पसंत नाही. या केस कापण्याचे त्यांना एका गिऱ्हाईकाकडून १५० रुपये मिळत असले तरी आपले पाय जमिनीवरच असावेत असे त्यांचे मत आहे. व्यवसाय कुठलाही असो त्याला युक्तीची जोड दिली की माणूस कुठल्याकुठे जाऊन पोहोचतो हे रमेश बाबूंकडे पाहिल्यावर समजते. प्रयत्न करा यश नक्कीच तुमचे असेल अशीच प्रचिती या उदाहरणावरून तरी देता येईल….

Categories
actors

“पंढरीची वारी” चित्रपटातील ही अभिनेत्री आजही दिसतात खूपच सुंदर

पंढरीची वारी चित्रपटातील “धरिला पंढरीचा चोर…” हे गाणं चित्रित झालं होतं अभिनेत्री नंदिनी जोग आणि बकुल कवठेकर या कलाकारांवर. आमच्या कालच्या पोस्टमध्ये “बकुल कवठेकर” हा कलाकार आज आपल्यात नाही हे वाचून अनेकांनी आपल्या भावना व्यक्त केलेल्या पाहायला मिळाल्या. खरं तर या कलाकाराला जाऊन अठरा वर्षे उलटली परंतु त्याने साकारलेला चित्रपटातील विठोबा साऱ्यांच्याच कायम स्मरणात राहणार एवढे मात्र खरे आणि तशाच स्वरूपाच्या प्रतिक्रियाही अनेकांनी दिल्या. आजच्या लेखात आपण चित्रपटातील ‘नंदिनी जोग’ या अभिनेत्रीबद्दल अधिक जाणून घेणार आहोत…

pandharichi wari film actress
pandharichi wari film actress

त्यांनी या चित्रपटातून जयश्री गडकर आणि बाळ धुरी यांच्या मुलीची म्हणजेच ‘मुक्ताची’ भूमिका साकारली होती. अभिनेत्री नंदिनी जोग या मराठी चित्रपट सृष्टीतील सहाय्यक अभिनेत्री म्हणून ओळखल्या जातात. पंढरीची वारी या चित्रपटाव्यतिरिक्त त्यांनी कळत नकळत, वाजवू का, थांब थांब जाऊ नको लांब, दे धडक बेधकडक अशा चित्रपटातून सहाय्यक अभिनेत्रीच्या भूमिका साकारल्या आहेत. अशोक सराफ, विजय कदम अशा मातब्बर कलाकारांसोबत त्यांना झळकण्याची संधी मिळाली. नंदिनी जोग या मूळच्या अकोल्याच्या परंतु लग्न करून पुण्यातच त्या स्थायिक झाल्या आहेत. जाहिरात क्षेत्रात कार्यरत असलेल्या अभिजित जोग यांच्याशी त्या विवाहबद्ध झाल्या. अभिजित जोग यांनी पुण्यात ‘प्रतिसाद ऍडव्हरटायझिंग’ नावाने एजन्सी उभारली आहे आणि गेल्या अनेक वर्षांपासून ते ऍडव्हरटायझिंग तसेच ब्रँडिंग क्षेत्रात कार्यरत आहेत. याच क्षेत्राशी निगडित असलेले “ब्रँडनामा” या पुस्तकाचे लेखन त्यांनी केले आहे. तर त्यांचा मुलगा ‘अनिश जोग’ हाही मराठी चित्रपट क्षेत्राशी निगडित असलेला पाहायला मिळतो.

Categories
actors

‘दिवाळी फराळ’ परदेशात विकून कोट्याधीश झालेल्या ह्या मराठी माणसाची पत्नी आहे सुप्रसिद्ध अभिनेत्री

सौ सुमती दिनकर गोडबोले ह्या पाककृतीत विशेष पारंगत त्यामुळे ह्याचा उपयोग करून त्यांनी व्यवसाय करायचा ठरवले. सुरुवातीला ५ पदार्थ विकून सुरू केलेला हा व्यवसाय आता वृद्धिंगत होऊन कोट्यवधींची उलाढाल करताना दिसत आहे. त्यांचा मुलगा सचिन गोडबोले हा एमकॉम असून जपानमधील essaye- terooka कंपनीत उच्च पदावर नोकरी करत होता. वडिलांच्या निधनानंतर आणि आईच्या शब्दाखातर नोकरी सोडून दुकानाकडे लक्ष देण्याचे ठरवले. अद्ययावत सुविधा असलेलं दादर मुंबई येथे मराठी माणसाचं घरगुती पदार्थांचं दुकान त्याने थाटल.

kishor godbole family
kishor godbole family

त्यांच्या दिवाळी फराळाला तर चक्क परदेशातून मोठ्या प्रमाणात मागणी असते अगदी जेव्हा लग्न होऊन माधुरी दीक्षित परदेशात स्थायिक झाली होती त्यावेळी तिच्या घरी गोडबोलेंचाच फराळ पोहोच केला जायचा. यातून परदेशात स्थायिक झालेल्या भारतीयांना घरचाच फराळ मिळाल्याचे समाधान वाटायचे. हळूहळू व्यवसाय वाढू लागला आणि पाहता पाहता कोट्यवधींच्या घरात गेला. कोणतेही काम छोटे नसते फक्त आपण ते कश्याप्रकारे लोकांसमोर मांडून आपला व्यवसाय चालवतो ह्याला जास्त महत्व असत हेच सचिन गोडबोले यांनी करून दाखवलं. खरंच मराठी माणसाने त्यांच्याकडून आदर्श घ्यायला हवा. यश आणि अपयश ह्या नंतरच्या गोष्टी आहेत पण त्यासाठी जिद्दीने काहीतरी करून दाखवायची उमेद असेल तर सर्व काही शक्य आहे. पुढे त्यांनी दिवाळी फराळासोबत ड्राय फ्रुट आणि पॅकेटिंग काड्या पदार्थाना देखील समावेश केला. हळूहळू व्यवसाय वाढत गेला. जे लोक ह्यांच्याकडून ऑर्डर घेत ते समाधानी असल्याने तेच त्यांच्या पब्लिसिटीचे माध्यम ठरले आणि व्यवसाय वाढत गेला.

sachin godbole and kishori
sachin godbole and kishori

सचिन गोडबोले यांची पत्नी “किशोरी गोडबोले” ही मराठी सृष्टीतील प्रसिद्ध अभिनेत्री आहे. मराठीतील नामवंत गायक जयवंत कुलकर्णी यांच्या त्या कन्या आहेत. मिसेस तेंडुलकर, माधुरी मिडलक्लास, अधुरी एक कहाणी, हद कर दि, एक दो तीन, खिडकी, मेरे साई यासारख्या हिंदी मराठी मालिका तिने आपल्या अभिनयाने गाजवल्या आहेत. या सोबत काही नावाजलेले मराठी चित्रपट जसे फुल ३ धमाल, खबरदार, कोहराम, वन रूम किचन हे चित्रपट तिने गाजवले आहेत. सचिन आणि कोशोरी गोडबोले यांना सई आणि गौरी या दोन मुली आहेत. किशोरी गोडबोले सध्या मराठी सृष्टीत कमी दिसत असल्या तरी हिंदी मालिकेत त्यांनी आपला चांगलाच जम बसवला आहे. किशोरी गोडबोले यांची सक्खी बहीण देखील गायिका आहे तर वडील प्रसिद्ध गायक जयवंत कुलकर्णी. आजही जाहिराती आणि हिंदी मालिकांत किशोरी गोडबोले ह्या पाहायला मिळतात. सचिन गोडबोले आणि किशोरी गोडबोले दोघांनाही पुढील वाटचालीसाठी आमच्या संपूर्ण टीम कडून खूप खूप शुभेच्छा..

Categories
actors

अभिनय क्षेत्र न निवडता जिजाने या क्षेत्रात काम करावे…महेश कोठारे यांनी व्यक्त केली भावना

महेश कोठारे कुटुंबाची चौथी पिढी म्हणून त्यांची नात जिजाकडे पाहिले जात. अर्थात तीही अभिनय क्षेत्रातच आपले करिअर करेल अशी चर्चा देखील तिच्या जन्मापासूनच वर्तवलेली पाहायला मिळते. महेश कोठारे यांची आई जेनमा, वडील अंबर कोठारे हे देखील मराठी सिने नाट्य सृष्टीतील जाणते कलाकार. महेश कोठारे यांच्या पाठोपाठ त्यांचा मुलगा आदिनाथने देखील करिअर म्हणून अभिनय क्षेत्र निवडले. याच कारणाने जिजा देखील याच क्षेत्रात आपले करिअर घडवेल अशी आशा आहे.

mahesh kothare family
mahesh kothare family

परंतु महेश कोठारे यांनी नुकत्याच दिलेल्या एका मुलाखतीत आपल्या नातीने जिजाने करिअर म्हणून अभिनय क्षेत्र न निवडण्याची ईच्छा व्यक्त केली आहे. जिजाने पुढे जाऊन अभिनय क्षेत्र न निवडता वर्ल्ड फेमस टेनिस प्लेअर बनून आपले नाव चमकवावे अशी ईच्छा महेश कोठारे यांनी व्यक्त केली आहे.महेश कोठारे असेही म्हणतात की आदिनाथने करिअर म्हणून कोणते क्षेत्र निवडावे यावर मी कुठलीच बंधने लादली नाहीत. माझा छकुला चित्रपटात एक बालकलाकार म्हणून मी त्याला संधी दिली होती त्यानंतर त्याने एमबीएचे शिक्षण पूर्ण केले. परंतु पुढे जाऊन अभिनयाची आवड निर्माण झाल्याने त्याने करिअर म्हणून हेच क्षेत्र निवडले. जिजाने देखील करिअर म्हणून कोणते क्षेत्र निवडावे हा तिचा प्रश्न आहे मी केवळ माझी ईच्छा व्यक्त केली आहे. सानिया मिर्झा, स्टेफी ग्राफ ही नाव जशी जगप्रसिद्ध आहेत त्याचप्रमाणे जिजाने देखील अशीच प्रसिद्धी मिळवावी.