Categories
actors

मराठीतील या दोन चर्चेत असलेल्या अभिनेत्यांची गर्लफ्रेंड पहिलीत का? एक आहे प्रसिद्ध अभिनेत्री तर दुसरी आहे..

झी वाहिनीच्या दोन मालिका सध्या चांगल्याच फेमस झालेल्या आहेत एक म्हणजे “माझा होशील ना” आणि दुसरी नुकतीच प्रदर्शित झालेली ” येऊ कशी तशी मी नांदायला”. ह्या दोन्ही मालिकांनी खूप कमी कालावधीत प्रेक्षकांची मने जिंकली आहेत. ह्याच दोन मालिकांतील कलाकार आज झी मराठी वाहिनीवरील मालिकांमुळे घराघरात पोहोचलेल्या “विराजस कुलकर्णी” आणि “शाल्व किंजवडेकर ” या दोन प्रमुख आणि नवोदित अभिनेत्यांबद्दल काही खास गोष्टी जाणून घेऊयात…

virajas kulkarni actor
virajas kulkarni actor

“माझा होशील ना” या झी मराठीवरील मालिकेमुळे तसेच प्रसिद्ध अभिनेत्री मृणाल कुलकर्णी यांचा मुलगा म्हणून ओळख मिळालेल्या “विराजस कुलकर्णी”ने मालिकेतील आदित्यच्या भूमिकेने प्रेक्षकांच्या मनात आपले स्थान निर्माण केले आहे. परंतु विराजस सध्या आणखी एका कारणामुळे चर्चेत आहे आणि ते म्हणजे तो चक्क एका प्रसिद्ध अभिनेत्रीच्या प्रेमात असल्याचे बोलले जात आहे आणि ती अभिनेत्री आहे “शिवानी रांगोळे. शिवानी आणि विराजस दोघेही एकमेकांना डेट करत असल्याच्या चर्चा ह्या त्यांच्याच पोस्टवरून अनेकदा समोर आलेल्या दिसून येतात. ह्या दोघांना बऱ्याचदा इव्हेंटमध्येही एकत्रित पाहिले गेले असल्याने त्यांच्या चाहत्यांनी त्यांना बेस्ट कपल म्हणून शुभेच्छा दिलेल्या पाहायला मिळतात. नुकत्याच पार पडलेल्या मिताली आणि सिद्धार्थ चांदेकर यांच्या विवाहसोहळ्यात या दोघांनी हजेरी लावली होती त्यावेळी त्यांनी परिधान केलेल्या एकाच थिमच्या कपड्यांनी चाहत्यांचे लक्ष वेधून घेतले. विराजस आणि शिवानी यांच्याप्रमाणे मराठी मालिका सृष्टीतील नवोदित कलाकार “शाल्व किंजवडेकर” याच कारणामुळे चर्चेत आहे.

shalva kinjawadekar actor
shalva kinjawadekar actor

‘ येऊ कशी तशी मी नांदायला’ या पहिल्या वहिल्या मालिकेमुळे शाल्व किंजवडेकर हा नवोदित कलाकार प्रेक्षकांच्या घराघरात पोहोचला. परंतु याअगोदर बकेट लिस्ट , एक सांगायचंय, डेड एन्ड सारख्या चित्रपटातून तो मोठ्या पडद्यावरही झळकला आहे. येऊ कशी तशी मी नांदायला मालिकेतील ओमकारच्या भूमिकेमुळे शाल्व किंजवडेकर तरुणींना घायाळ करतोय परंतु हो… शाल्व रिअल लाईफमध्ये सिंगल नसून त्याच्या आयुष्यात एक ‘स्वीटू’ आहे बरं आणि या खऱ्या स्वीटूचे नाव आहे “श्रेया डफळापूरकर”. शाल्व किंजवडेकर हा त्याची मैत्रीण श्रेयाला डेट करत आहे. श्रेया देखील कला क्षेत्राशी निगडित आहे. सध्या मराठी इंडस्ट्रीत ट्रेंडमध्ये असलेल्या ‘तलम’ या फॅशन ब्रँडची फाउंडर म्हणून श्रेया डफळापूरकर हे नाव चर्चेत आहे आणि शाल्व किंजवडेकर हा श्रेयाचा बॉयफ्रेंड आहे. अनेकदा या दोघांचे फोटो त्यांच्या चाहत्यांसाठी खास मानले जातात आणि आता तर मालिकेमुळे चर्चेत असल्यानेही या दोघांची चर्चा पाहायला मिळत आहे.

Categories
actors

माझ्या नवऱ्याची बायको मालिकेतील हा अभिनेता झाला बाप…कलाकारांनी दिल्या शुभेच्छा

माझ्या नवऱ्याची बायको मालिकेत श्रेयसची भूमिका साकारणारा कलाकार म्हणजेच अभिनेता सचिन देशपांडे याने आज २४ जानेवारी रोजी एक पोस्ट शेअर करत बाप झालो असल्याचे आपल्या चाहत्यांना कळवले आहे. याबाबत त्याने एक सुंदर अशी पोस्ट शेअर केली आहे त्यात तो म्हणतो… 24 dec 2020, गुरुवार ची सकाळ आम्ही सगळेच उत्साह आणि काळजी हे भाव एकत्र चेहेऱ्यावर घेऊन हॉस्पिटल मध्ये बसलो होतो. काय होईल ह्याचा उत्साह होता तर सगळ नीट होईल ना ह्याची काळजी होती. तसं बघितलं तर पियुषा आणि माझ्या बाबतीतल्या सगळ्या चांगल्या गोष्टी ह्या गुरुवारी च घडल्या आहेत. मग आमचा साखरपुडा असो, आमचं लग्न असो सगळं गुरुवारीच..

sachin deshpande actor
sachin deshpande actor

पण हा गुरुवार जरा खास होता, खासच होता कारण ह्या गुरुवारी आमच्या आयुष्यात एक अविस्मरणीय घटना घडणार होती, आम्हाला पूर्ण करणारी व्यक्ती आयुष्यात येणार होती. जवळपास अर्धा तास उलटून गेला होता पियुषा ला ऑपरेशन रूम मध्ये नेऊन, आणि माझे पेशन्स संपायला लागले होते. कधी कळणार कधी कळणार असं सारखं मनात व्हायला लागलं होतं आणि तेव्हढ्यात क्यां क्यां असा रडण्याचा आवाज ऑपरेशन रूम मधून आला, काय झालंय मुलगा की मुलगी? हे ऐकण्याच्या आधीच मी रडण्याचा आवाज ऐकून उड्या मारायला लागलो होतो. मी उड्या मारत असतानाच डॉक्टर आले आणि म्हणाले अभिनंदन “मुलगी झाली”, मी सांगूच शकत नाही की हे ऐकून मनात नक्की काय झालं होतं. पराकोटीचा आनंद काय असतो हे कदाचित शब्दात मांडता येत नसावं ते नुसतच अनुभवावं. आणि तो अनुभव मी त्या क्षणी घेत होतो. डॉक्टरांनी बाळाला आमच्या कडे दिलं आणि नकळत डोळ्यांत पाणी आलं. चेहेऱ्यावर खूप हसू, नुसतं उड्या मारणं आणि मनातून खुप भरून येणं असं सगळंच एकत्र मी करत होतो. हळू हळू जरा शांत झालो आणि मग बाळाला हातात घेतलं. सचिन ते सचिन बाबा असा एक प्रवास पूर्ण झाला होता. बाप माणूस झालो होतो.. पण पियुषा अजून आत होती, cesarean झाल्यामुळे तिला वेळ लागणार होता. आणि तिला thank you म्हणण्यासाठी मी आतुर झालो होतो. मग जवळ पास एका तासाने पियुषा ला आत आणलं, खरंतर तिला घट्ट मिठी मारायची होती पण cesarean झाल्यामुळे ते शक्य नव्हत. जितका वेळ शक्य होईल तेवढं तिला thank you म्हणालो. दोघे ही खुप रडलो त्यादिवशी आणि त्या दिवसापासून आज पर्यंत almost रोज तीला thank you म्हणातोय. आमच्या बाळाला आज बरोबर एक महिना पूर्ण झाला आहे, आज तीचा तसा एक महिन्याचा वाढदिवस आहे.. मला आयुष्यभर पुरेल असा आनंद दिल्याबद्दल पियुषा तुला खूप खुप thank you आणि आमच्या बाळाला पहिल्या महिन्याचा वाढदिवसाच्या खूप खूप शुभेच्छा.. मुलगी झाली हो

Categories
actors

अजिंक्य रहाणेच्या नावामागचं गुपित सांगितलं अभिनेते अजिंक्य देव यांनी…

टीम इंडियाचा विजयवीर अजिंक्य रहाणेचं आज मुंबईत जंगी स्वागत करण्यात आलं. भारताने ऑस्ट्रेलियाचा त्यांच्याच भूमीत 2-1 ने पराभव करुन, बॉर्डर-गावसकर कसोटी मालिकेवर नाव कोरलं. टीम इंडियाच्या कर्णधारपदाची धुरा अत्यंत यशस्वीपणे सांभाळलेल्या अजिंक्य रहाणेच्या नेतृत्त्वात टीम इंडियाने ही ऐतिहासिक कामगिरी केली. या जबरदस्त कामगिरीनंतर अजिंक्य रहाणेचं मुंबई नगरीत जंगी स्वागत करण्यात आलं. आज प्रत्येक क्रिकेटप्रेमीच्या तोंडात अजिंक्य रहाणेच्या संयमी कामगिरीचा बोलबाला पाहायला मिळतो आहे मग त्यात आपले मराठी कलाकारही कसे मागे राहतील.

ajinkya rahane family
ajinkya rahane family

नुकतेच अभिनेते अजिंक्य देव यांनीही अजिंक्य रहाणेच्या कामगिरीचे कौतुक केले आहे. या कौतुकात त्यांनी अजिंक्य रहाणेच्या नावामागचे गुपित सांगितले आहे. हे गुपित त्यांच्याच पोस्टद्वारे जाणून घेऊयात… “अजिंक्य रहाणे हे नाव सध्या प्रत्येकाच्या ओठावर आहे. रहाणेने आपल्या नावाप्रमाणे ‘अजिंक्य’ अशी कामगिरीही केली आहे. ऑस्ट्रेलियाचा त्यांच्याच मैदानावर पराभूत करत बोर्डर-गावसरकर कसोटी मालिका खिशात घातली आणि चौथ्या कसोटीत ऐतिहासिक विजय मिळवला आहे. अजिंक्य रहाणेचे वडील मधुकर रहाणे यांनी त्याचं नाव अजिंक्य का ठेवलं यामागची एक खास बात ‘मटा’सोबत बोलताना सांगितली आहे. नावाप्रमाणे अजिंक्य हा आपल्या देशासाठी तशा प्रकारची कामगिरी करत आहे. अजिंक्यचा जन्म झाला तेव्हा मराठी सिनेसृष्टीतील नावाजलेले अभिनेते रमेश देव यांचा मुलगा अजिंक्य देव चांगलं काम करत होता. अजिंक्य देवच्या नावावरून आम्ही माझ्या मुलाचे नावही अजिंक्य ठेवलं असल्याचं मधुकर रहाणे यांनी सांगितलं. दरम्यान, अजिंक्य रहाणे आत्तापर्यंत ज्या ज्या कसोटीमध्ये भारताचं कर्णधारपदी राहिला आहे त्यामध्ये त्याने एकही कसोटी सामना हरलेला नाही. त्यात आता ऑस्ट्रेलियासारख्या बलाढ्य संघाचा त्यांच्याच भूमित पराभव करत आपला विक्रम नावाप्रमाणे अबाधित ठेवला आहे.” आपल्याच नावावरून अजिंक्य रहाणेच्या वडिलांनी आपल्या मुलाचे नाव ठेवले याचे समाधान अजिंक्य देव यांनी आपल्या पोस्टमधून व्यक्त केले आहे.

Categories
actors

धक्कादायक!! डॉ श्रीराम लागू यांच्या मुलाबाबत घडलं ते खूपच धक्कादायक होत

मराठी सृष्टीतील नटसम्राट म्हणून डॉ श्रीराम लागू सर्वपरिचित आहेत. १६ नोव्हेंबर १९२७ रोजी सातारा येथे डॉ बाळकृष्ण चिंतामण लागू आणि सत्यभामा लागू यांच्या पोटी डॉ श्रीराम लागू यांनी जन्म घेतला.बी जे वैद्यकीय महाविद्यालयातून त्यांनी डॉक्टरची पदवी मिळवली. कॉलेजमध्ये शिकत असतानाच त्यांनी नाटकांत काम केले. डॉ श्रीराम लागू हे मूळचे कान, नाक, घसा शल्यविशारद परंतु आपला व्यवसाय सोडून ते अभिनयाकडे वळले इथे चित्रपटांपेक्षाही ते नाटकांत जास्त रमलेले पाहायला मिळाले. १०० हुन अधिक हिंदी मराठी चित्रपट, ४० हुन अधिक हिंदी, मराठी, गुजराथी नाटके त्यांनी साकारली. सिंहासन, पिंजरा, झाकोळ या चित्रपटांसोबत हिमालयाची सावली, नटसम्राट, वेड्याचे घर उन्हात, सूर्य पाहिलेला माणूस, गिधाडे ही त्यांची गाजलेली नाटके आपल्या अभिनयाने चांगलीच रंगवली.

tanveer puraskar
tanveer puraskar

डॉ श्रीराम लागू यांच्या पत्नी दीपा लागू यादेखील रंगभूमीवरील जाणत्या कलाकार. त्यांना “तन्वीर” नावाचा मुलगा देखील होता. ९ डिसेंबर १९७१ साली तन्वीरचा जन्म झाला. परंतु वयाच्या २३ व्या वर्षीच त्याचे एका अपघातात निधन झाले. १९९४ साली तन्वीर पुणे मुंबई मार्गे ट्रेनने प्रवास करत होता. खिडकी शेजारील सीटवर बसून तो पुस्तक वाचत असताना खिडकीबाहेरून कोणीतरी फेकलेला दगड थेट त्याच्या डोक्याला लागला. त्यामुळे जोरदार आघात होऊन तन्वीर कोमामध्ये गेला आणि एका आठवड्यातच त्याचा मृत्यू झाला. ह्या धक्क्यातून डॉ श्रीराम लागू आणि दीपा लागू स्वतःला सावरू शकले नाहीत त्यावेळी संपूर्ण मराठी सृष्टीत शोककळा पसरली हे असं काही घडू शकेल ह्यावर कोणाचाही विश्वास बसत नव्हता. त्याच्या जन्मदिनी म्हणजेच ९ डिसेंबर रोजी “तन्वीर सन्मान” नावाने नाट्यकर्मी पुरस्कार आयोजित केले जातात. यातून भारतभरातील रंगभूमीवरील कलाकारांना त्यांच्या प्रतिष्ठानतर्फे पुरस्कृत केले जाते. कोणी उनाड मुलांनी रेल्वेच्या दिशेने दगड भिरकावून एखाद्याचे आयुष्य उध्वस्त होऊ शकते हे मुळात त्यांच्या लक्षात कसे येऊ शकत नाही याचीच मोठी शोकांतिका वाटते. या कृत्याने आपण कोणाचा जीव तर घेत नाही ना याची अशा भरकटलेल्या तरुणांना जाण होणे आवश्यक आहे.त्यामुळे असे कृत्य करणाऱ्यांना समजवणे आणि दुर्घटनेची जाणीव करून देणे खूपच गरजेचे आहे. अशा माथेफिरुंना याची जाण व्हावी म्हणूनच हा लेख लिहिला जात आहे.

Categories
actors

जय जय स्वामी समर्थ मालिकेतील “कृष्णप्पा” च्या खऱ्या आयुष्याबद्दल बरंच काही…

कलर्स मराठी वाहिनीवर प्रसारित होत असलेल्या “जय जय स्वामी समर्थ” मालिकेला प्रेक्षकांकडून उत्तम प्रतिसाद मिळत आहे. अक्षय मुडावदकर यांनी या मालिकेतून स्वामी समर्थांची भूमिका साकारली आहे तर विजया बाबर हिने चंदाची आणि नित्य पवार या बालकलाकाराने कृष्णप्पाची भूमिका साकारली आहे. आज कृष्णप्पा साकारणाऱ्या चिमुरड्याबद्दल काही खास गोष्टी जाणून घेऊयात… कृष्णप्पाची भूमिका “नित्य पवार” या बालकलाकाराने निभावली आहे. कदाचित बहुतेकांनी ओळखलेही असेल की हा चिमुरडा कलर्स मराठीवरील स्वामीनी या मालिकेतूनही छोट्या पडद्यावर झळकला होता.

krushnappa
krushnappa

स्वामिनी मालिकेतून छोट्या रमाबाईंचा भाऊ म्हणजेच रामचंद्रची भूमिका नित्य पवारने साकारली होती. नित्य पवार हा दादरचा, दादर येथील बालमोहन विद्यामंदिर शाळेत तो शिक्षण घेत आहे. अभिनयाचे बारकावे शिकण्याची संधी शाळेतूनच मिळत असल्याने बालमोहनचे बहुतेक विद्यार्थी हे पुढे जाऊन कलाक्षेत्रात चमकलेले पाहायला मिळतात. नित्य पवार हा बालकलाकार देखील याच शाळेचा विद्यार्थी असल्याने शाळेच्या विविध सांस्कृतीक कार्यक्रमातून तो नेहमी सहभागी होताना दिसतो. गांधी स्मारक मुंबई आंतरशालेय एकांकिका स्पर्धेत त्याला उत्कृष्ट अभिनयाचे द्वितीय पारितोषिक मिळाले आहे. याशिवाय ‘मराठी कविता सादरीकरणात’ त्याने द्वितीय पारितोषिक पटकावले आहे. “बाप्पाची मुलाखत” या व्हिडीओ मार्फत कवितेचे सादरीकरण त्याने केले आहे. स्वामिनी मालिकेनंतर जय जय स्वामी समर्थ या मालिकेतून तो सध्या कृष्णप्पाची भूमिका साकारत आहे. त्याच्या ह्या निरागस भूमिकेचे देखील खूप कौतुक होत आहे. अशा या बहुगुणी बालकलाकार नित्य पवारला आमच्या संपुर्ण टीम कडून खूप खूप शुभेच्छा आणि यापुढेही यशाची अशीच उंच उंच शिखरे गाठत राहो हीच सदिच्छा…

Categories
actors

विराट आणि अनुष्काच्या मुलीपेक्षा ह्या मराठी कलाकाराच्या मुलीचे फोटो होताहेत व्हायरल..

सध्या विराट आणि अनुष्काच्या मुलीच्या फोटोंची उत्सुकता त्यांच्या चाहत्यांना लागून आहे मात्र कालच्या दिवशी एका मराठी कलाकाराने देखील आपल्या मुलीचा फोटो शेअर करत बाप झालो असल्याची खुशखबर दिली आहेत. चला हवा येऊ शोमधून निलेश साबळे, भाऊ कदम, सागर कारंडे, भारत गणेशपुरे, कुशल बद्रिके , अंकुर वाढवे यासारख्या कलाकारांनी आपल्या अभिनयाच्या जोरावर प्रेक्षकांचे भरभरून मनोरंजन केले. मुळात या शोमुळे हे सर्वच कलाकार प्रसिद्धीच्या शिखरावर जाऊन पोहोचले असे म्हणायला हरकत नाही. आनंदाची बाब म्हणजे यातील एका कलाकाराने नुकतेच “बाप” झालो असल्याचे शोशल मिडियावरून सांगितले आहे. कन्यारत्न प्राप्त झालेला हा कलाकार आहे “अंकुर वाढवे”.

ankur wadhve daughter
ankur wadhve daughter

जुलै २०१९ रोजी अंकुरचा निकिता खडसे सोबत अगदी साध्या पद्धतीने विवाह झाला होता. काही महिन्यांनी अंकुरने स्वतःच्या मालकीचे चार चाकी वाहन देखील खरेदी केले होते. हा आनंद द्विगुणित होतो न होतो तोच अंकुर आणि निकिता काल म्हणजेच संक्रांतीच्या दिवशी कन्यारत्न प्राप्त झाले आहे. आपल्या आयुष्यातील आणखी एक आनंदाचा क्षण चाहत्यांसोबत शेअर करत त्याने एक फोटो शेअर केला आहे. ” कालच्या दिवशी मी नवीन पात्रात प्रवेश केला आता एका मुलीचा बाप झालो “असे कॅप्शन देऊन त्याने ही आनंदाची बातमी शेअर केली. या फोटोत तो त्याची नुकतीच जन्मलेली मुलगी आणि पत्नीसोबत दिसत आहे. अंकुर हा उच्चशिक्षित असून त्याने अमरावती विद्यापीठातून एमए मराठी तर मुंबई विद्यापीठातून मास्टर्स इन थिएटर्स केले आहे. अंकुरला कॉलेजात असल्यापासून नाटकाची आवड होती. ‘सर्किट हाऊस’ हे अंकुरचं पहिलं व्यावसायिक नाटक. सर्किट हाऊस, करून गेलो गाव, गाढवाच लग्न अशा नाटकांमधून तो प्रेक्षकांसमोर आला. चला हवा येऊ द्या हा शो त्याच्या आयुष्यातील यशाला टर्निंग पॉईंट देणारा ठरला. अंकुरला कन्यारत्न प्राप्त झाल्याबद्दल त्याचे खुप खुप अभिनंदन आणि शुभेच्छा…

Categories
actors

अशोक सराफ आणि सुनील गावस्कर यांच्यातील बालपणीचे धमाल किस्से..

सुनील गावस्कर यांनी भारतीय क्रिकेट क्षेत्रात भरीव योगदान दिले हे सर्वांना परिचयाचे आहेच परंतु क्रिकेट क्षेत्रात आपले करिअर घडवून आणण्याअगोदर अगदी लहानवयात त्यांनी अभिनेते अशोक सराफ यांच्यासोबत नाटकांतून काम केले आहे. त्यांच्या बालपणीच्या काही गमतीजमतीना अशोक सराफ यांनी उजाळा दिलेला पाहायला मिळाला. नुकतेच अशोक सराफ यांनी चला हवा येऊ द्या च्या सेटवर हजेरी लावली होती तेव्हा बालपणीच्या या आठवणी त्यांनी जाग्या गेल्या. त्यावेळी अशोक सराफ म्हणाले की, “लहानपणी सुनील ज्या इमारतीत राहत होता तो संघ आणि माझ्या इमारतीतील संघ या दोन्हीमध्ये दर रविवारी क्रिकेटचा सामना रंगायचा.

sunil gavaskar anshik saraf
sunil gavaskar anshik saraf

आम्हीही त्याच्यासोबत खेळायचो, खरं तर आम्ही खेळायचो म्हणजे आम्ही नुसते तिथं असायचो, केवळ तोच काय ते क्रिकेट खेळायचा. त्याने बॉल मारला की तो आणायला आम्ही पाळायचो त्यावेळी तो आठ-दहा वर्षांचा होता एवढ्या वयातही तो मारत सुटायचा आणि आम्ही केवळ पळत असायचो. त्याला बाद करणं म्हणजे खूपच कठीण काम . त्याच्या उभं राहण्याची खेळण्याची स्टाईल आम्ही नुसती बघत बसायचो. त्यानंतर सुनील क्रिकेट क्षेत्रात आणि मी नाटकाकडे वळलो. त्याअगोदर आम्ही दोघांनी एकत्रित “गुरुदक्षिणा” या नाटकात काम केलं होतं. या नाटकात सुनीलने कृष्ण आणि मी बलरामची भूमिका साकारली होती. या नाटकादरम्यानचा फोटो आजही त्यांच्याकडे आहे.” अशोक सराफ यांनी एक नट म्हणून सुनील गावस्कर यांचे भरभरून कौतुक केले. तो एक चांगला नट आहे असेही ते म्हणाले. सुनील गावस्कर यांनी ‘सावली प्रेमाची’ या चित्रपटात भूमिका साकारली होती. ‘मालामाल’ या आणखी एका हिंदी चित्रपटात पाहुण्याकलाकाराची भूमिका त्यांनी बजावली होती. खूप कमी जणांना माहीत आहे की “या दुनियेमध्ये थांबायला वेळ कोणाला…” हे एक मराठी गाणं त्यांनी गायलं आहे.

Categories
actors

“येऊ कशी तशी मी नांदायला” मालिकेतील कलाकारांची खरी नावे

“येऊ कशी तशी मी नांदायला” ही मालिका सोमवार ते शनिवार रात्री ८ वाजता झी मराठी वाहिनीवर प्रसारित होत आहे. मालिकेचे जुळून आलेले कथानक आणि त्यातील जाणकार कलाकार मंडळी ही या मालिकेची जमेची बाजू असल्याने अल्पावधीतच ती प्रेक्षकांच्या पसंतीस उतरताना दिसत आहे. ह्या मालिकेसाठी झी वाहिनीने त्यांच्या जुन्या मालिकांच्या वेळेत बदल केलेला पाहायला मिळाला. नवी मालिका लवकरात लवकर फेमस होण्यासाठी केलेला हा बदल कलाकारांनी त्यांच्या अभिनयातून सार्थकी ठरवलेला पाहायला मिळतोय.

lead role actors
lead role actors

‘अन्वीता फलटणकर’ हिने स्वीटूची भूमिका साकारली आहे. ह्यापूर्वीही तिला तुम्ही बऱ्याच चित्रपटांत पाहिलं असेल, कदाचित तुम्ही तिला ओळखलं नसेल पण २०१४ सालच्या टाईमपास चित्रपटात आणि २०१९ सालच्या गर्ल्स ह्या चित्रपटात ती झळकली होती. इतकेच नव्हे तर ती काही जाहिरातीतूनही प्रेक्षकांसमोर आली होती. शाल्व किंजवडेकर हा या मालिकेत नायकाच्या अर्थात ओंकारच्या भूमिकेत झळकत असून त्याच्या सहजसुंदर अभिनयाचे खूप कौतुक होत आहे.
या मालिकेअगोदर शाल्वने “अलिबाबा आणि चाळिशीतले चोर” हे पहिलं व्यावसायिक नाटक साकारलं तिथून त्याला हंटर चित्रपटात काम करण्याची संधी मिळाली. त्यानंतर एक सांगायचंय, बकेट लिस्ट, डेड एन्ड सारख्या चित्रपटातून त्याने काम केले आहे. शाल्वला फिल्ममेकींगचीही आवड असून ‘अंतरंग’ हा लघुपट त्याने बनवला आहे. या दोन्ही प्रमुख कलाकारांइतकीच सहकालाकारांची उत्तम अशी साथ या मालिकेला लाभली आहे आज या मालिकेतील सहकलाकारांची खरी नाव आपण जाणून घेऊयात…

deepti and uday
deepti and uday

स्वीटूचे आई बाबा- भागो मोहन प्यारे मालिकेत प्रमुख भूमिका साकारणाऱ्या अभिनेत्री ‘दीप्ती केतकर’ यांनी या मालिकेत स्वीटूच्या आईची अर्थात नलिनीची भूमिका साकारली आहे. आर्थिक परिस्थितीशी दोन हात करत एका आईला कोणकोणत्या अडचणींना सामोरे जावे लागते हे नलिनीच्या भूमिकेतून दिसून येते. तसेच एका सर्वसामान्य कुटुंबातील प्रमुख म्हणून वसंतरावांची अर्थात स्वीटूच्या बाबांची तारेवरची कसरतही या मालिकेतून पाहायला मिळत आहे ही भूमिका ‘उदय साळवी’ यांनी अगदी सुरेख बजावलेली पाहायला मिळते. या मालिकेअगोदर घाडगे अँड सून सारख्या मालिकेतून ते प्रेक्षकांसमोर आले आहेत.

shubhangi and milind
shubhangi and milind

ओंकारचे आई बाबा- अभिनेत्री ‘शुभांगी गोखले’ यांनी ओंकारची आई म्हणजेच मालिकेतील शकूची भूमिका साकारली असून त्यांच्या या भूमिकेचे भरभरून कौतुक केले जात आहे. अर्थात त्यांच्या सहजसुंदर अभिनय कौशल्याला प्रेक्षकांकडून मिळालेली ही आणखी एक पावतीच म्हणावी लागेल. मालिकेत ओंकारच्या वडिलांची भूमिका साकारली आहे ‘मिलिंद जोशी’ या ज्येष्ठ कलाकारानी. मालिकेत त्यांच्या भूमिकेला सध्या फारसा वाव मिळत नसला तरी पुढे जाऊन या भूमिकेचे खरे रूप अधिक स्पष्ट होत जाईल.

shubhangi gokhale
shubhangi gokhale

स्वीटूच्या काकू- स्वीटूच्या काकूंची भूमिका अभिनेत्री शुभांगी भुजबळ यांनी साकारली असून या मालिकेअगोदर व्हय मी सावित्रीबाई, पतंगाची दोरी, चार दोन तुकडे, संगीत एकच प्याला, जुगाड, इयत्ता, गाव गाता गजाली अशा नाटक, मालिका आणि चित्रपटातून काम केले आहे. ह्यामालिकेत त्यांचा रोल कमी असला तरी त्यांच्या उत्कृष्ठ अभिनयाने त्याला रंग चढतो.

Categories
actors

मराठीतील सृष्टीतील हा प्रसिद्ध अभिनेता विवाहबद्ध…पत्नी आहे देखील आहे अभिनेत्री

नवीन वर्षाच्या सुरुवातीला मराठी कलाविश्वात कलाकारांची लगीनघाई पाहायला मिळत आहे. नुकतेच अभिनेत्री अभिज्ञा भावे हिनेही बुधवारी ६ जानेवारी रोजी मेहुल पै सोबत लग्नगाठ बांधली. तिच्या पाठोपाठ आता मराठी सृष्टीतील आणखी एका प्रसिद्ध अभिनेत्याची लगीनघाई पाहायला मिळते आहे. आज ८ जानेवारी रोजी प्रसिद्ध अभिनेता “आशुतोष कुलकर्णी” विवाहबंधनात अडकला आहे. आशुतोषने लेक माझी लाडकी, असंभव,साथ दे तू मला, गंध फुलांचा गेला सांगून , चेकमेट अशा विविध मालिका तसेच चित्रपटातून महत्वाच्या भूमिका साकारल्या आहेत.

Aashitosh and ruchika
Aashitosh and ruchika

आज ८ जानेवारी २०२१ रोजी पुण्यामध्ये आशुतोष कुलकर्णी आणि अभिनेत्री रुचिका पाटील यांचा विवाहसोहळा मोठ्या थाटात पार पडला आहे. या लग्नसोहळ्याला धनश्री काडगावकर हिच्यासह अनेक मराठी कलाकारांनी हजेरी लावली होती. आशुतोषची पत्नी देखील अभिनेत्री असून तिने ‘गणपती बाप्पा मोरया’ आणि ‘असे हे कन्यादान’ या मालिकांमधून भूमिका साकारल्या आहेत. रुचिकाने इंजिनिअरिंग करत असताना २०१४ साली श्रावण क्वीन स्पर्धेत सहभाग दर्शवला होता. या स्पर्धेत ती सेकंड रनरअप ठरली. या यशानंतर मालिकेतून तिला अभिनयाची उत्तम संधी मिळाली. अभिनयाव्यतिरिक्त रुचिकाला क्राफ्टिंग आणि पेंटिंगची विशेष आवड आहे. अभिनेत्री धनश्री काडगावकर हिने सोशिअल मीडियावर यांच्या लग्नाची बातमी दिली आणि चाहत्यांनी शुभेच्छांचा वर्षाव केला. तुर्तास आशुतोष आणि रुचिकाला त्यांच्या आयुष्याच्या या नव्या वाटचालीसाठी खूप खूप शुभेच्छा…

Categories
actors

“नाकावरच्या रागाला औषध काय..” गाण्यातील हे बालकलाकार आठवतात? तब्बल ३१ वर्षानंतर आता कसे दिसतात

कळत नकळत हा चित्रपट १९८९ साली प्रदर्शित झाला होता. चित्रपटाला विक्रम गोखले, सविता प्रभुणे, अश्विनी भावे, अशोक सराफ यासारखे दमदार कलाकार लाभले होते. या चित्रपटासोबतच त्यातील ‘हे एक रेशमी घरटे..’ आणि ‘नाकावरच्या रागाला औषध काय…’ ही गाणी लोकप्रिय ठरली होती. त्यात हे दोन बालकलाकार देखील झळकलेले पाहायला मिळाले. ‘बच्चू’ आणि ‘छकुली’ अशा भूमिका साकारणाऱ्या या बालकलाकारांबद्दल आज जाणून घेऊयात…चित्रपटात बच्चू साकारला होता “ओमेय आंब्रे” या बालकलाकाराने तर छकुली साकारली होती “मृण्मयी चांदोरकर” हिने.

nakavarchya ragala aushadh kay
nakavarchya ragala aushadh kay

ओमेय आंब्रे आज अभिनय क्षेत्रापासून खूप दूर असलेला पाहायला मिळत आहे. मुंबईतील आर ए पोदार कॉलेजमधून त्याने बीकॉमची पदवी मिळवली आहे. ओमेयचे लग्न झाले असून त्याला दोन मुलंही आहेत. सध्या तो आपल्या कुटुंबासोबत न्यू जर्सी येथे स्थायिक झाला आहे. तर चित्रपटातली छकुली अर्थात मृण्मयी चांदोरकर ही प्रसिद्ध लेखक व.पू.काळे यांची नात आहे. व. पू. काळे यांचे पूर्ण नाव वसंत पुरुषोत्तम काळे. एक सुप्रसिद्ध लेखक, कथाकथनकार आणि कादंबरीकार म्हणूनही त्यांची एक वेगळी ओळख आहे. त्यातील ही वाट एकटीची, ठिकरी, साथी अशी पुस्तके खूपच प्रसिद्धी मिळवून गेली. त्यांची मुलगी “स्वाती चांदोरकर” या देखील एक प्रसिद्ध लेखिका म्हणून ओळखल्या जातात. एक पायरी वर, अनाहत, काळाक भिन्न, शेष, उत्खनन ही पुस्तके त्यांनी लिहिली आहेत. “मृण्मयी चांदोरकर” ही स्वाती चांदोरकर यांचीच मुलगी. एक बालकलाकार म्हणून मृण्मयीने कळत नकळत चित्रपटात काम केले होते. परंतु पुढे मात्र ती कधी कोणत्या चित्रपटात पाहिली गेली नाही. मृण्मयीचेही लग्न झाले असून ती आपल्या घर संसारात रमली आहे शिवाय स्टार इंडियाशी ती निगडित आहे.