Categories
actors

आधी लोक हिडीसफिडीस करायचे पण तेच लोक आज…कारभारी लयभारी मालिकेतील जयदीपची भावनिक पोस्ट

karbhari lai bhari mahesh jadhav
karbhari lai bhari mahesh jadhav

पुराणात वामन अवतार हा विष्णूच्या दहा अवतारांपैकी पाचवा अवतार मानला जातो. विष्णूच्या बाटु अवतारातील वामन अवताराने अनेक कार्य सिद्धीस घडवून आणले होते, हा झाला पौराणिक कथेचा एक भाग परंतु आजच्या घडीला शारीरिक खुजेपणा हा समाजात चेष्टेचा विषय बनलेला पाहायला मिळतो. अशा व्यक्ती केवळ मनोरंजन करण्याच्या कामाचे असतात अशी भावना कुठेतरी रुजवलेली पाहायला मिळते. याच गोष्टीला छेद देण्याचे काम केले आहे मराठमोळा कलाकार “महेश जाधवने”.

actor mahesh jadhav
actor mahesh jadhav

खलनायकी ढंगाचा बाज असलेल्या लागींर झालं जी मधला ‘टॅलेंट’ असो किंवा कारभारी लयभारी मधील्या ‘जगदीशराव पाटील’ची भूमिका असो या भूमिकांमुळे महेश जाधव प्रेक्षकांच्या हृदयात स्थान निर्माण करून गेला. या भूमिकांमुळे कुठेतरी तो प्रेक्षकांना आपल्याप्रति राग निर्माण करण्यास पात्र ठरतो हीच त्याच्या अभिनयाची खरी पावती म्हणावी लागेल. अर्थात या यशाचे सर्व श्रेय तो नेहमीच तेजपाल वाघ यांनाच देतो, त्यांच्याचमुळे मला या भूमिका जगण्याची नामी संधी मिळाली असे तो सांगतो. यात झी मराठी वाहिनीचाही वाटा तितकाच मोठा आहे असे म्हणायला हरकत नाही. परंतु मागे वळून पाहताना महेश कुठेतरी भावुक झालेला पाहायला मिळतो. लहानपणी आपली उंची इतर मुलांसारखी वाढत नाही यामुळे तो पुरता खचून जायचा, स्वतःचा रागही यायचा. आपण इतर मुलांसारखे नाही हीच भावना त्याच्या मनात घर करून गेली होती. लोकं हसायचे, चिडवायचे, हिडीसफिडीस करायचे या गोष्टींमुळे त्याला फार त्रास व्हायचा. आज एवढे यश मिळाल्यानंतर हेच लोक मला ‘माझ्या गावचा आहे, नातेवाईक आहे म्हणून आता ओळख दाखवतात’. एका भावनिक पोस्टद्वारे तो म्हणतो की…

mahesh jadhav best actor
mahesh jadhav best actor

” नमस्कार मी महेश जाधव, आज लिहायचा विषय की माझ्या किंवा माझ्यासारख्या लोकांकडे जन्मापासून बघण्याचा दृष्टिकोन कायम विनोदी पद्धतीनेच बघितला जातो आणि हे लोक जास्तीत जास्त काय तर विनोदी भूमिका तसेच सर्कशीमध्ये जोकरच काम करतात पण त्याच जोकरच महत्व पत्त्याच्या पानात इतकं असत की ज्याच्याकडे तो असेल तो कुठल्याही पानाला लावून तो विजयी होतो. माझ्या आयुष्यात केव्हा वाटलं नव्हतं की मला अशी एक वेगळी भूमिका करायला मिळेल. याआधी तुम्ही पाहिलेला टॅलेंट आणि आताचा जगदीश हे फक्त झी मराठी आणि तेजपाल वाघ यांच्या लेखणीच्या प्रेमामुळे तुम्हाला पाहायला मिळाला आणि तुम्ही रसिक मायबाप जे प्रेम देत आहात असेच प्रेम करत राहा तुम्हा सर्वांचे खूप खूप आभार. धन्यवाद…” महेशने लिहिलेल्या या पोस्टला प्रेक्षकांकडून भरभरून प्रतिसाद देखील मिळाला. महेशने त्याच्या आजवरच्या जवळपास ३ वर्षाच्या कारकिर्दीत प्लॅंचेट सारखे विनोदी नाटक असो वा लागींर झालं जी, टोटल हुबलाक, चला हवा येऊ द्या, कारभारी लयभारी अशा विविध मालिकांमधून वेगवेगळ्या धाटणीच्या भूमिका साकारल्या आहेत. यशाच्या अशा अनेक पायऱ्या तो एक एक करत यशस्वीपणे चढत राहो हीच एक सदिच्छा…

Categories
actress

व्हीक्स १९८२ सालच्या जाहिरातीतील हि मुलगी आज आहे मराठीतील प्रसिद्ध चेहरा

marathi actress and dancer
marathi actress and dancer

‘व्हीक्स कफ ड्रॉप्स’ ची ही ऍड १९८२ साली दूरदर्शनवर प्रसारित होत होती. त्यावेळी ही ऍड सर्वांच्याच विशेष परिचयाची बनली होती. ऍडमधील ही चिमुरडी आज मराठी तसेच हिंदी सृष्टीतील एक परिचयाचा चेहरा म्हणून ओळखला जात आहे. वयाच्या अवघ्या ३ ऱ्या वर्षी ही ऍड साकारणारी चिमुरडी आहे ईशीता अरुण. तिच्याबद्दल अधिक जाणून घेऊयात… शाळेत शिकत असतानाच ईशिताने नादिरा बब्बर यांच्या ऍक्टिंग वर्कशॉप मधून अभिनयाचे धडे गिरवले होते. सें. क्झेविअर्स कॉलेजमधून तिने आपले शिक्षण पूर्ण केले. श्याम बेनेगल यांच्या यात्रा मालिकेतून तिला पहिल्यांदा अभिनयाची संधी मिळाली होती. ईशीता अरुण ही बॉलिवूड अभिनेत्री आणि गायिका ईला अरुण यांची कन्या आहे.

aika dajiba actress and dancer
aika dajiba actress and dancer

२००२ साली वैशाली सामंत हिने गायलेले ‘ऐका दाजीबा’ हे गाणे खूप हिट ठरले होते. या गाण्यात मिलिंद गुणाजी आणि ईशिता अरुण हे कलाकार झळकले होते. ईशीताला या गाण्यामुळे बरीच प्रसिद्धी मिळाली होती. या एका गाण्यामुळे हिट मिळालेली ईशीता सोनू निगमच्या मौसम या अल्बममधूनही झळकली होती. सारेगमप (एक मै..) सारख्या शोचे तिने सूत्रसंचालन देखील केले होते. २००५ साली ईशिता ध्रुव घाणेकर सोबत विवाहबंधनात अडकली. ध्रुव घाणेकर हा बॉलिवूड गायक आहे शिवाय शास्त्रीय आणि जॅझ फॉर्म मध्येही अनेक स्टेजवर तो परफॉर्मन्स करतो. ध्रुव घाणेकर हा दिग्दर्शक गिरीश घाणेकर यांचा मुलगा आहे. गिरीश घाणेकर यांनी वाजवा रे वाजवा, रंगत संगत, नवसाचं पोर यासारखे अनेक मराठी चित्रपट दिग्दर्शित केले आहेत. ९० च्या दशकातील त्यांची ‘गोट्या’ ही मालिका देखील प्रेक्षकांनी अक्षरशः डोक्यावर घेतली होती. गिरीश यांचा धाकटा मुलगा जॉय घाणेकर याला त्यांनी गोट्या या लोकप्रिय मालिकेतून गोट्याची प्रमुख भूमिका साकारण्यास दिली होती. आज हा गोट्या म्हणजेच जॉय घाणेकर सॅन फ्रान्सिस्कोला स्थायिक असून अभिनयापासून दूर गेलेला पाहायला मिळतो. तेथील Talech या कंपनीचा तो प्रॉडक्ट हेड म्हणून आपली जबाबदारी पार पाडताना दिसत आहे. जानेवारी महिन्यात परदेशात असलेल्या जॉयने अनेक वर्षानंतर आपल्या भावाची भेट घेतली होती. त्याचे फोटो ध्रुव घाणेकर यांनी फेसबुकवर शेअर केले होते.

Categories
actress

आभाळमाया मालिकेतील अनुष्का बघा आता कशी दिसते…मालिकेला प्रदर्शित होऊन २० वर्षे लोटली आहेत

marathi serial actress
marathi serial actress

झी मराठी ही वाहिनी सुरुवातीला अल्फा मराठी या नावाने ओळखली जायची. खाजगी वाहिनीवरील सर्वात गाजलेली पहिली वहिली मराठी मालिका म्हणून “आभाळमाया” मालिकेने आपले स्थान इतिहासाच्या पानांत नोंदवले आहे. २००० साली सुरू झालेली ही मालिका तब्बल तीन वर्षे रसिकांचे भरभरून मनोरंजन करताना दिसली. वास्तवाशी निगडित असणाऱ्या अशाच धाटणीच्या मालिका पुन्हा एकदा पाहायला मिळोत अशीच एक मागणी आता चोखंदळ प्रेक्षक करताना पाहायला मिळतात. आभाळमाया मालिकेचे शीर्षक गीत तर आजही तितकेच लोकप्रिय आहे. आभाळमायाचा आनंदोत्सव साजरा करण्यासाठी या मालिकेतील कलाकार तब्बल १६ वर्षांनी पुन्हा एकदा एकत्र आले होते. आज मालिकेला प्रसारित होऊन २० वर्षे लोटली आहेत त्यातील या बालकलाकार आता कशा दिसतात ते जाणून घेऊयात.

abhalmaya serial actress
abhalmaya serial actress

मालिकेत सुकन्या मोने यांनी सुधाची भूमिका तर मनोज जोशी यांनी शरद ची भूमिका साकारली होती. सुधा आणि शरद यांना आकांक्षा आणि अनुष्का या दोन मुली दर्शवल्या होत्या. आकांक्षाची भूमिका अभिनेत्री परी तेलंग हिने साकारली होती तर अनुष्काची भूमिका “ऋचा पाटकर” हिने साकारली होती. मालिकेतील बरेचशे कलाकार (सुकन्या मोने, मनोज जोशी, हर्षदा खानविलकर, संजय मोने, परी तेलंग, अंकुश चौधरी) आजही अभिनय क्षेत्रात आपला तग धरून आहेत परंतु ऋचा पाटकर या मालिकेनंतर कुठल्याच मालिकेत किंवा चित्रपटात फारशी पाहायला मिळाली नाही तिच्याबद्दल आज अधिक जाणून घेऊयात… मालिकेत अनुष्का ची भूमिका साकारलेली “ऋचा पाटकर ” मुंबईतच लहानाची मोठी झाली. के सी कॉलेज तसेच रामणारायन रुईया कॉलेजमधून तीने पदवीचे शिक्षण घेतले आहे. साधारण २०१३ साली ती आदित्य नागवेकर यांच्यासोबत विवाहबंधनात अडकली. ऋचाला नृत्याची देखील विशेष आवड आहे. यासोबतच देशविदेशातील दौरे करून वेगवेगळ्या ठिकाणांना भेटी देऊन, तिथली संस्कृती जाणून घेणे व त्याबद्दल लिहिणे ऋचा आणि तिच्या पतीला आवडते. शिवाय वेगवेगळ्या खाद्यपदार्थांची चव चाखणे आणि ते स्वतः हाताने बनवणे ही तिची मोठी आवड. इन्स्टाग्रामवर यासंदर्भात terrifictummytales आणि happygallyvanter नावाने ती याबाबतची माहिती शेअर करत असते. ऋचाचे वडील ज्ञानराज पाटकर हेही एक उत्तम कलाकार आहे. काही मोजक्या टीव्ही मालिका तसेच नाटकांतून त्यांनी कामे केली आहेत.

Categories
actress

डॉक्टर डॉन मालिकेतील ह्या अभिनेत्रीचा पती देखील होता अभिनेता आता अभिनय सोडून करतो हे काम

shweta shinde husband
shweta shinde husband

झी युवा वाहिनीवर सध्या डॉक्टर डॉन हि मालिका चांगलीच गाजतेय. अभिनेता देवदत्त नागे आणि अभिनेत्री तसेच निर्माती श्वेता शिंदे ह्या दोघांची आगळी वेगळी लव्हस्टोरी ह्यात दर्शवली आहे. अभिनेत्री श्वेता शिंदे हीने शालेय शिक्षणानंतर पुढील शिक्षणासाठी मुंबई गाठली होती. मुंबईत गेल्यावर मॉडेलिंग क्षेत्रात तिने पदार्पण केले. इथेच तिला हिंदी मराठी मालिकांमध्ये महत्वाच्या भूमिका साकारण्याची संधी मिळाली. “लक्ष्य ” मालिकेतली तिने साकारलेली इन्स्पेक्टर त्यावेळी चांगलीच भाव खाऊन गेली होती.

actress shweta shinde
actress shweta shinde

चार दिवस सासूचे, अवघाची संसार, काटा रुते कुणाला या मराठी मालिकेसोबतच कुमकूम, घराना या हिंदी मालिका तिने अभिनित केल्या. धतींग धिंगाणा, लाडीगोडी, आभास हा, अधांतरी, ईश्श या चित्रपटाखेरीज तिने मनोमिलन आणि प्रेम नाम है मेरा हे रंगभूमीवरील नाटके गाजवली. “अपराधी कौन” या मालिकेतून संदीप भन्साळी या अभिनेत्यासोबत श्वेताची ओळख वाढली आणि या ओळखीचे रूपांतर प्रेमात झाले. २००७ साली पुण्यात अगदी मोजक्या मंडळींना आमंत्रित करून दोघांनी लग्नाची गाठ बांधली. संदीप भन्साळी याने हिंदी टीव्ही मालिकेत महत्वाच्या भूमिका बजावल्या आहेत. वो रेहनेवाली मेहलों की ,ईश्वर साक्षी, क्रिस और क्रीष्णा, मोहिनी या गाजलेल्या मालिका त्याने अभिनित केल्या आहेत. प्यार के दो नाम, एक राधा एक श्याम मालिकेत त्याने विरोधी भूमिका साकारली होती. श्वेता शिंदे निर्मिती क्षेत्रात उतरली, लागींर झालं जी मालिकेच्या यशानंतर साता जल्माच्या गाठी आणि मिसेस मुख्यमंत्री या मालिकेची निर्मितीही तिने केली.

sandeep bhansali with shweta
sandeep bhansali with shweta

काही काळ अभिनयापासून दुरावलेली श्वेता पुन्हा डॉक्टर डॉन या मालिकेच्या निमित्ताने प्रेक्षकांसमोर आली. तर संदीप भन्साळी अभिनय क्षेत्रापासून दूर जात आपला पुण्यातील बिजनेस सांभाळताना दिसत आहे. साताऱ्यातही त्यांचा कपड्यांचा भलामोठा व्यवसाय आहे आता ते पुण्यातही याच व्यवसायात उतरले आहेत. “हरी ओम साडी डेपो” या नावाने त्याने आपले होलसेल कपड्यांचे आलिशान दुकान थाटले आहे. पुण्यातील फुरसुंगी परिसरात पुणे सासवड रोडवरील एच पी पेट्रोल पंपासमोर त्याचे हे होलसेल साड्यांचे दुकान स्थित आहे. या व्यवसायात त्याने आता चांगलाच जम बसवला असून त्यातून लाखोंची उलाढाल झालेली पाहायला मिळते. एक अभिनेता अभिनयाव्यतिरिक्त व्यवसायातही चांगले काम करून दाखवू शकतो ह्याचे हे उत्तम उदाहरण. अभिनेत्री श्वेता शिंदे आणि पती संदीप भन्साळी ह्यांना त्यांच्या पुढील वाटचालीसाठी खूप खूप शुभेच्छा ..

Categories
actress

माझा होशील ना मालिकेतील “मेघना”बद्दल बरंच काही

maza hoshil na actress
maza hoshil na actress

झी मराठीवरील “माझा होशील ना” ही मालिका एका रंजक वळणारवर येऊन ठेपली आहे. आदित्य आणि सई यांची लव्हस्टोरी आता हळूहळू खुलत जाणार असल्याने त्यांची ही जुळून आलेली केमिस्ट्री पाहण्यासाठी प्रेक्षक उत्सुक असलेले पाहायला मिळतात. परंतु दादा मामांनी सून म्हणून पसंत केलेल्या मेघनाला मात्र ते कसा नकार देतात हेही रंजक होणार. तूर्तास आदित्यने मेघनाशी लग्न करण्यास नकार दिला असला तरी दादा मामांनी आदित्य आणि मेघनाच्या लग्नाची स्वप्ने पाहिलेली असतात. या मेघनाची भूमिका साकारणाऱ्या अभिनेत्रीबद्दल आज आपण जाणून घेऊयात…

sanika gadgil
sanika gadgil

मेघना ची भूमिका साकारली आहे अभिनेत्री “सानिका गाडगीळ” हिने. सानिका गाडगीळ हिने या मालिकेआधी स्टार प्रवाहवरील “मोलकरीणबाई” या मालिकेतून छोट्या पडद्यावर पदार्पण केले होते. या मालिकेतून सानिकाने निशाची भूमिका साकारली होती. निशाचे पात्र प्रमुख असल्याने तिची ही भूमिका तिच्या आयुष्यात अधोरेखित करणारी ठरली आहे. सेंट अँन्ड्रीव्हज कॉलेज ऑफ आर्टस् सायन्स अँड कॉमर्स कॉलेजमधून तीने बॅचलर ऑफ मास मीडियाची पदवी प्राप्त केली आहे. यासोबत ती कथक नृत्य विशारद देखील आहे. गेल्या अनेक वर्षांपासून आपल्या नृत्याची कला ती देशभरातील विविध मंचावर सादर करताना दिसते. बॅरी जॉन ऍक्टिंग स्कुलमधून तीने अभिनयाचे धडे गिरवले आहेत. कंजूस, मुघल ए आझम अशा नाटकांतूनही तिने रंगभूमीवर काम केले आहे. माझा होशील ना मालिकेत मेघनाची भूमिका छोटीशी जरी असली तरी तीची ही भूमिका प्रेक्षकांच्या समरणात राहते. सानिका गाडगीळ हिला या भूमिकेसाठी तसेच पुढील वाटचालीसाठी अनेक अनेक शुभेच्छा…

Categories
actress

‘तू फक्त साडी घालण्याच्या लायकीचा आहेस’ म्हणून हिनवायचे…कारभारी लयभारी मालिकेतील “गंगा”ची रिअल लाईफ स्टोरी

karbhari laibhari serial
karbhari laibhari serial

तेजपाल वाघ यांची झी मराठी वाहिनीवर “कारभारी लयभारी” ही मालिका प्रसारित होत आहे. निखिल चव्हाण याने राजवीर तर आणि अनुष्का सरकटे हिने प्रियांकाची प्रमुख भूमिका बजावली आहे. तर दुसऱ्या बाजूला जगदीश पाटील आणि शोना आणि गंगा. मालिकेतील सोना मॅडम सोबतचे “गंगा” हे पात्र देखील खूपच भाव खाऊन जाताना दिसते. कारण गंगा चे पात्र विरोधी भूमिकेच्या बाजूने असले तरी ते नेहमीच नायक आणि नायिकेची बाजू घेताना दिसते. परंतु ही गंगा नेमकी आहे तरी कोण ? तिच्या खऱ्या आयुष्याबद्दल जाणून घेतल्यावर तुम्हीही नक्कीच गहिवरून जाल.

ganga in karbhari laibhari
ganga in karbhari laibhari

कारण गंगा हे पात्र साकारणारी व्यक्ती खऱ्या आयुष्यात ट्रान्सजेंडर आहे. हो अगदी पूर्वीच्या चित्रपटातून गणपत पाटील सारख्या भूमिका जशा अजरामर झाल्या त्याचप्रमाणे मालिका, चित्रपट आणि टीव्ही मालिकेतून सूत्रसंचालक म्हणून ही गंगा आज आपले स्थान या कला क्षेत्रात निर्माण करताना दिसत आहे. झी युवा वाहिनीवरील युवा डान्सिंग क्वीन रिऍलिटी शोमधून होस्ट म्हणून गंगा ने मराठी टीव्ही क्षेत्रात पदार्पण केले. मराठी सृष्टीला मिळालेला पहिलावहिला ट्रान्सजेंडर चेहरा म्हणून आज गंगाला आपली वेगळी ओळख निर्माण करता आली आहे. परंतु हे साध्य होण्यामागे अपार मेहनत, जिद्द आणि लोकांच्या टिकेलाही तिला सामोरे जावे लागले होते हे वेगळे सांगायला नको. अगदी लहानपणापासूनच गंगाला नेहमी हिनवले जात असे. गंगा चे खरे नाव आहे “प्रणित हाटे ” परंतु प्रणितला आज गंगा म्हणूनच ओळखले जाते. मुंबईतील विद्या विहार परिसरात तीचे बालपण गेले. हाटे कुटुंबात पहिल्यांदा मुलगा जन्माला येऊनही तीची वर्तवणूक मात्र मुलींसारखीच असायची त्यामुळे तू बायल्या आहेस, छगन आहेस म्हणून मुलं नेहमी तीला चिडवायचे, मारायचे, पॅन्ट खाली ओढायचे . या सर्व गोष्टींमुळे मी पुरती खचून गेले होते असे ती म्हणते. घरी कसं सांगायचं ? ,त्यांना सांगितलं तर घरचे मलाच ओरडतील मारतील या भीतीने मी त्यांच्याशी काहीच बोलत नसे.

ganga most famous
ganga most famous

लहानपणी मी पहिल्यांदा हातावर मेहेंदी काढली होती तोच हात धरून भावाने माझ्या कानाखाली वाजवली होती. शाळेतही असताना मधल्या सुट्टीच्या वेळी टॉयलेटला गेल्यावर मुलं चिडवायचे, मारायचे यावेळीही मी खूप घाबरायचे परंतु एक दिवस माझा राग अनावर झाला आणि मी कुठलाही विचार न करता त्या मुलाच्या कानाखाली वाजवली. हे धाडस केल्यानंतर माझ्यातला आत्मविश्वास निर्माण झाला. असे धाडस केले तरच आपला निभाव लागणार हे गंगाला समजले. पुढे घरच्यांचाही गंगाला पाठिंबा मिळत गेला. घरच्यांच्या प्रोत्साहनामुळे गंगा अभिनय, नृत्य आणि सूत्रसंचालन अशा क्षेत्रात आपले स्थान निर्माण करताना दिसत आहे. झी युवा डान्सिंग क्वीन मध्ये येण्यापूर्वी गंगा ने वजुद आणि विग या चित्रपट आणि शॉर्टफिल्ममध्ये काम केले आहे. कारभारी लयभारी ही तिने अभिनित केलेली पहिली वहिली मराठी मालिका. या मालिकेतून गंगाला तिच्या या भूमिकेला योग्य तो वाव मिळताना दिसत आहे. पुढे जाऊन हे पात्र आणखी खुलत जाईल अशी अपेक्षा देखील आहे. गंगा उत्कृष्ट नृत्यांगना देखील आहे तिच्या डान्सच्या व्हिडिओजना प्रेक्षकांकडून चांगली पसंती मिळताना दिसते. गंगाला आज मराठी सृष्टीत आपले स्वतःचे एक वेगळे स्थान निर्माण करता आले आहे भविष्यात अशी अनेक कामं तिला मिळत राहो हीच सदिच्छा….

Categories
actress

एक गाडी बाकी अनाडी चित्रपटातील हि अभिनेत्री आणि लक्ष्मीकांत बेर्डे ह्यांच्यात होत हे नातं

ek gadi baki anadi actress
ek gadi baki anadi actress

लक्ष्मीकांत बेर्डे आज आपल्यात नसले तरी त्यांचे चित्रपट लोक आजही आवडीने पाहतात. लक्ष्मीकांत बेर्डे आणि प्रिया बेर्डे यांनी अनेक चित्रपटात एकत्रित काम देखील केले आज आपण त्यांच्याबद्दल माहित नसलेल्या गोष्टी जाणून घेऊयात.. जीन्स आणि शर्ट ची आवड असूनही गावरान नवारी साडी परिधान करून “अशी ही बनवाबनवी” चित्रपटात कमळीच्या भूमिकेमुळे रातोरात स्टार बनलेली अभिनेत्री म्हणजे अभिनेत्री “प्रिया बेर्डे”. प्रिया बेर्डे यांचे लग्नाआधीचे नाव प्रिया अरुण कर्नाटकी. प्रियाचे वडील अरुण कर्नाटकी हे त्यावेळचे प्रसिद्ध निर्माते आणि छायालेखक वासुदेव कर्नाटकी यांचे पुत्र. धोंडी धोंडी पाणी दे, चावट, लपवाछपवी, तिखट मिरची घाटावरची, बंदिवान, पाठलाग या एकामागून एक अशा हिट चित्रपटांची निर्मिती त्यांनी केली.

lakshmikant and actress lata
lakshmikant and actress lata

अगदी वेगवेगळ्या विषयावर त्यांनी चित्रपट बनवण्याचं धाडस केलं आणि ते चित्रपट हिट देखील झाले. पुढे कर्नाटकी यांनी अभिनेत्री “लता काळे” यांच्यासोबत लग्न केले. लग्नानंतर त्या “लता अरुण” या नावाने ओळखू लागल्या. लता अरुण या मराठी रंगभूमीवरील जाणत्या कलाकार. अभिनेत्री माया जाधव या त्यांच्या भावजय तर अभिनेत्री नंदा कर्नाटकी याच्याशी देखील त्यांचे सख्य त्यामुळे कलेशी त्यांचे नाते घट्ट होत गेले. १९५८ साली “१० लाखाचा धनी” या नाटकात पद्मा चव्हाण, शालिनी नाईक यांच्यासोबत महत्वाची भूमिका बजावली. तर “नटसम्राट ” हे गाजलेले नाटक त्यांनी रंगभूमीवर पुन्हा नव्याने साकारले. अरुण सरनाईक यांची प्रमुख भूमिका असलेल्या “जय रेणुकादेवी यल्लमा” चित्रपटात त्यांनी महत्वाची भूमिका बजावली. चित्रपट आणि नाटक ह्या दोन्ही ठिकाणी त्यांनी आपलं वर्चस्व प्रस्थापित केलं होत. एवढया नामवंत घरात प्रिया बेर्डे यांचा जन्म झाला असला तरी त्यांनी या सृष्टीत स्वतःच्या कर्तृत्वार आपले एक वेगळे स्थान निर्माण केले. सुरवातीलाच प्रिया हिला नामांकित मराठी कलाकारांसोबत काम करायची संधी मिळाली त्यामुळे खूप कमी काळात किंवा रातोरात त्या सुपरस्टार झाल्या असं म्हणायला हरकत नाही.

priya and lata arun
priya and lata arun

“एक गाडी बाकी अनाडी” चित्रपटातील लक्ष्मीकांत बेर्डे ह्यांच्या सासू होत्या. आई लता अरुण आणि प्रिया बेर्डे या दोघी मायलेकी म्हणून खूप कमी जणांना माहीत असाव्यात. या दोघी मायलेकिनी “एक गाडी बाकी अनाडी” चित्रपटात एकत्रित काम केले होते. विशेष बाब म्हणजे याच चित्रपटात लक्ष्मीकांत बेर्डे यांनी त्यांच्या मुलाची भूमिका साकारली होती तर प्रिया बेर्डे या प्रेयसीच्या भूमिकेत दिसल्या. लता अरुण आणि लक्ष्मीकांत बेर्डे हे एकमेकांना खूप आधीपासूनच स्टेज शोमुळे ओळखायचे. १९९० साली लता अरुण जेव्हा खूप आजारी पडल्या त्यावेळी त्यांना भेटण्यासाठी लक्ष्मीकांत बेर्डे त्यांच्या घरी जात. आणि इथेच लक्ष्या आणि प्रिया दोघे एकमेकांवर प्रेम करू लागले. यातच अंथरुणाला खिळून असलेल्या लता अरुण यांचे निधन झाले. यानंतर तब्बल ७ वर्षांतच्या प्रेमानंतर अभिनेत्री प्रिया ह्यांनी १९९७ साली लक्ष्मीकांत बेर्डे आणि प्रिया अरुण यांनी आपले लग्न उरकले. लक्ष्मीकांत आणि प्रिया यांचा संसार फुलत असतानाच काही वर्षातच लक्ष्मीकांत बेर्डे यांनी जगाचा निरोप घेतला. पण मराठी रसिकांच्या मनातला हा अभिनेता सर्वांच्याच कायम लक्षात राहील.

Categories
actress

अभिनेत्री तेजस्विनी पंडित हिची सख्खी बहीण दिसते तिच्यासारखीच सेम टू सेम

actress tejaswini pandit
actress tejaswini pandit

अग्गबाई अरेच्चा चित्रपटातून खलनायिकेची भूमिका साकारून अभिनेत्री तेजस्विनी पंडित हिने मराठी चित्रपट सृष्टीत पाऊल टाकले होते. पदर्पणात विरोधी भूमिका साकारणारी ही अभिनेत्री विविधांगी भूमिकांमधून प्रेक्षकांसमोर आली. ये रे ये रे पैसा, देवा, एक तारा,7 रोशन व्हीला, तू ही रे, मी सिंधुताई सपकाळ, गैर राणभूल यासारख्या चित्रपटासोबतच १०० डेज या मालिकेतूनही तीने छोट्या पडद्यावर आगमन केले. दरवर्षी देवीच्या नवरात्रीच्या नऊ अवतारांची तिच्यावर साकारण्यात आलेली थीम नेहमीच चर्चेत राहिली आहे. अभिनयाचे हे बाळकडू तिला तिच्या आईकडूनच मिळाले आहे. मराठी नाट्य तसेच चित्रपट अभिनेत्री ज्योती चांदेकर पंडित या तेजस्विनीच्या आई. मी सिंधुताई सपकाळ या चित्रपटातून दोघी माय लेकीने सिंधुताईंची भूमिका साकारलेली पाहायला मिळाली.

tejaswini pandit sister
tejaswini pandit sister

तेजस्विनीला एक सख्खी बहीण देखील आहे परंतु मिडियासमोर ती फारशी कधी दिसलीच नाही. या कारणाने सोशल मीडियावरही तिचे फोटो फारसे पाहायला मिळत नाहीत. क्वचित प्रसंगीच तेजस्वीनीसोबत तिला पाहिले गेले आहे. तिच्या या बहिणीचे नाव आहे “पूर्णिमा पंडित पुल्लन”. पूर्णिमा ही तेजस्विनीची थोरली बहीण आहे टेक्सासमध्ये ऑस्टिन शहरात ती वास्तव्यास होती. परंतु काही वर्षापूर्वीच ती भारतात परतली असून आपल्या कुटुंबासोबत पुणे शहरात स्थायिक झाली आहे. तेजस्विनी आणि अभिज्ञा भावे यांच्या तेजाज्ञा या ब्रॅंडशीही ती निगडित आहे. बहुतेकदा या ब्रॅण्डसाठी स्पेशल असिस्टंट म्हणून तिने आपली जबाबदारी सांभाळली आहे. याशिवाय पूर्णिमाला कुकींगची देखील विशेष आवड आहे. इन्स्टाग्राम वरून ती नेहमीच स्वतः बनवलेल्या वेगवेगळ्या पदार्थांचे फोटो शेअर करत असते. तेजस्विनी आणि पूर्णिमा या दोघी बहिणींच्या दिसण्यात देखील खूपच साम्य दिसून येते. अर्थात मराठी सृष्टीत असे अनेक सेलिब्रिटी आहेत ज्यांचे बहीण भाऊ दिसायला अगदीच सेम दिसतात. त्यात गौतमी देशपांडे आणि मृण्मयी देशपांडे यांचेही नाव आवर्जून घ्यावे लागेल. गौतमी आणि मृण्मयी दोघी बहिणी टीव्ही मालिका, चित्रपट या माध्यमातून नेहमीच प्रेक्षकांसमोर येतात परंतू पूर्णिमा या क्षेत्रापासून काहीशी दूरच असलेली पाहायला मिळते याच कारणामुळे ती प्रकाशझोतात कधी आली नाही.

Categories
actors

अभिनेता आरोह वेलणकरच्या टीकेला दिग्दर्शक महेश टिळेकरांचे उत्तर

aaroh welankar and mahesh tilak
aaroh welankar and mahesh tilak

काही दिवसांपूर्वी मराठी चित्रपट दिग्दर्शक तसेच मराठी तारका फेम महेश टिळेकर यांनी अमृता फडणवीस यांनी गायलेल्या गाण्यावर टीका केली होती. या टीकेला प्रतिउत्तर देत अभिनेता आरोह वेलणकर याने देखील महेश टिळेकर यांच्यावर टीका करत, “महेश टिळेकर तुमची टीका वाचून लाज वाटली. मराठी तारका नावाचा कार्यक्रम करता, स्त्री शक्ती, सम्मानाच्या गोष्टी करता, आणि ही कसली भाषा तुमची? नसेल आवडत तर नका एैकू, टीका करायची तर तमा बाळगून करा! कोण समजता तुम्ही स्वत:ला!?ह्या आधी व्हाया व्हाया माझ्यावरही आणि काही नटांवर तुम्ही अशीच टीका केली होती, तेव्हा दुर्लक्ष केलं. तुम्ही तुमच्या पोस्ट काय विचार करून, ओढून, पीऊन, समजून करता हे कळणं कठीण आहे! फुटेजसाठी करत असाल तर अधिकच हीन आहे तुमचं सगळं! सुधरा…राहीला प्रश्ण मराठी तारकांचा, तर ह्या पुढे ह्या तुमच्या स्टंटमुळे तुमच्या कार्यक्रमात कोण काम करतय बघू!” आरोह वेलणकरच्या या टिकेवर महेश टिळेकर यांनी देखील प्रतिक्रिया दिली आहे ते म्हणतात की..

aaroh welankar and mahesh tilak
aaroh welankar and mahesh tilak

“Aroh Velankar बेसूर ,गाणारी स्वयंघोषित गायिका, जिच्यावर मी पोस्ट लिहिल्यामुळे तुझा थयथयाट होऊन तू मला धमकी वजा संदेश देतोय,तुझ्या बापाची मालकी आहे की राज्य आहे इथ, कोण माझ्याकडे कार्यक्रम करणार म्हणून तू धमकी देऊन मला सांगतोय.कलाकार तुझ्या दावणीला बांधले आहेत की त्यांचं पालकत्व घेतलं आहेस म्हणून तुझ्या सांगण्यावरून कलाकार ऐकणार.. आधी स्वतः चे करिअर बघ. आणि फुटेज पब्लिसिटी मिळवण्यासाठी तूच बिग बॉस मध्ये गेला होतास ना?का तिथे समाजसेवा करायला गेला होतास?ज्या कलाकारांच्या वर टीका केली तेंव्हा का तू बिळात जाऊन बसला होतास?ते तुझे समविचारी दिसतायेत म्हणून तुला मिरच्या झोंबल्या का? जेव्हा मराठी कलाकारांची लायकी ट्रेन नी फिरण्याची आणि गाय छाप तंबाखू खाण्याची आहे असं विधान तू ज्यांचा भक्त आहेस त्या राजकीय पक्षाच्या व्यक्तीने केले होते तेंव्हा तुझे रक्त उसळले नाही का?तेंव्हा कलाकारां ची बाजू घेऊन बोलायला पुढं का आला नाहीस रे?कुठं पिऊन पडला होतास की शेपूट घालून बसला होतास? तुझं वय जितकं आहे ना तितकी माझी कारकीर्द आहे. आता तुझा जळफळाट होतोय तेंव्हा कुठं गेला होतास रे तु,जेंव्हा छत्रपती शिवाजी महाराज, मराठी भाषा , महापुरुषांचा, महाराष्ट्राचा, मुंबई पोलिसांचा अपमान इतर कलाकार करत होते तेंव्हा तू आईच्या पदराआड लपला होतास की मूग गिळून गप्प बसला होतास? स्त्री सन्मान आणि कला सन्मान यातला आधी फरक ओळखायला शिक.जे बेसूर आहे त्याला अमृतवाणी समजून डोक्यावर घेनाऱ्यातला मी नाही.आणि आठवत नसेल तर नीट आठव पुण्यात हनुमंत गायकवाड यांच्या ऑफिस मध्ये भेटून तू माझ्या कडे काम मागत होतास,ते विसरलास का?जिथं बोलायचं तिथं बोलतो मी ,आणि तुझ्यात खरीच हिम्मत असेल तर समोर येऊन धमकी दे म्हणजे माझी पोस्ट वाचून जी आग आणि धूर बाहेर येत आहे तो तुझ्या शरीरातील नेमका कोणत्या अवयवा मधून बाहेर येत आहे ते पाहून तुझं बिन टाक्याचे ऑपरेशन करायचे की टाके घालून ते मला ठरवता येईल…. महेश टिळेकर

Categories
actors

चाहत्यांनी दिलेल्या भरभरून प्रतिसादानंतर अभिनेते “राजन पाटील” यांची आणखी एक पोस्ट

rajan patil marathi famous actor
rajan patil marathi famous actor

प्रत्येकाच्या आयुष्यात अशी एक वेळ येते ज्या वेळी मृत्यूला ओढवण्याखेरीज दुसरा पर्याय आपल्याला सुचत नाही. कालच ज्येष्ठ अभिनेते राजन पाटील यांनी भावनेच्या भरात आपल्याला मृत्यू यावा अशी याचना एका पोस्टद्वारे केली होती. त्यावर अनके चाहत्यांनी मित्रमंडळींनी त्यांचे बळ वाढवत आयुष्य कसे सुखकर जगता येईल याबाबत कानउघडणी करणारे सल्ले दिले. चाहत्यांकडून मिळालेल्या भरभरून प्रतिसाद आणि प्रेमानंतर त्यांनी आणखी एक पोस्ट शेअर केली आहे त्यात ते म्हणतात…

rajan patil sir
rajan patil sir

नमस्कार मंडळी, माणसाच्या आयुष्यात कधी कधी असा एखादा क्षण येतो की तो माणूस राहत नाही. माणसाचा ऑथेल्लो किंवा हॅम्लेट का होतो याला तर्कशुद्ध उत्तर नाही. तो तसा होतो याला कारण त्याच्या आयुष्यातला ‘ तो ‘ क्षण. माझ्या आयुष्यात तो क्षण आला. सर्वकाही असह्य झालं. पराभव समोर उभा राहिला. आणि त्या क्षणाने घात केला.fb वर पोस्ट सोडली. कच खाल्ली. पण तुम्ही सगळे त्यावर इतक्या त्वेषानं व्यक्त झालात की माझ्यावरच्या त्या क्षणाची पकड क्षणात सुटली. सावध झालो. लज्जित झालो. खाडकन मुस्काटात बसल्यानंतर जाग यावी तसा भानावर आलो. स्वतःला खडसावले, ‘ साल्या, लोक तुला बघून, तुला आदर्श मानून आयुष्यात लढा सोडत नाहीत. हरणारी लढाई सुद्द्धा लढतात आणि प्रसंगी जिंकतात ही. आणि तू ? तुला लढायला हवं. तुझ्यावर विश्वास ठेवणाऱ्या लोकांना तू फसवणार ? लाज वाटत नाही? नेता बनायची हौस आहे ना, मग नेत्यासारखे वाग. आता माघार नाही. शेंडी तुटो वा पारंबी, पण लढाई सोडायची नाही ‘ मंडळी, तुम्ही जो आवाज माझ्या कानाखाली काढलात त्याचे पडसाद आता माझ्या मृत्युबरोबरच्या लढाईत उमटणार हे निश्चित. मी पुन्हा हत्यार उपसले आहे. आता फक्त एल्गार ! हर हर महादेव ! …राजन पाटील.
राजन सर तुम्ही अनेकांचे प्रेरणास्थान आहात खचून न जाता आयुष्य सुखकर कसे होईल याचा पाठपुरावा सतत करत राहा आयुष्य एकदाच मिळते आणि ते खूप सुंदर आहे याच विचाराने पुढे चालत राहा…तुम्हाला पुढील वाटचालीसाठी अनेक अनेक शुभेच्छा..