Categories
actress

मुलगी झाली हो मालिकेतील “माऊ” हिच्या खऱ्या आयुष्याबद्दल बरंच काही..

स्टार प्रवाहवरील मुलगी झाली हो या मालिकेला प्रेक्षकांकडून चांगलीच पसंती मिळत आहे. मालिकेतील नायिका अर्थात न बोलता येणारी माऊ आपल्या सहजसुंदर अभिनयाने आणि हवभावाने प्रेक्षकांची मने जिंकून घेत आहे. या मालिकेतून योगेश सोहोनी याने शौनक या प्रमुख नायकाची भूमिका साकारली आहे. माऊ आणि शौनक यांची जुळून आलेली केमिस्ट्री यासोबतच शर्वानी पिल्लई यांनी साकारलेली माऊची आई देखील भाव खाऊन जाते. आज मालिकेतील माऊची भूमिका साकारणाऱ्या अभिनेत्रीबद्दल काही खास गोष्टी जाणून घेऊयात…

divya pugaonkar
divya pugaonkar

माऊची भूमिका साकारली आहे “दिव्या सुभाष पुगावकर” या अभिनेत्रीने. मालिकेत माऊ मुकी असल्याने तिचे कधीही न बोलणारे पात्र दर्शवले आहे परंतु खऱ्या आयुष्यातील माऊला बोलता येते बरं का. दिव्या मूळची माणगावची परंतु तिचे संपूर्ण शिक्षण मुंबईतच झाले आहे. दिव्याने या मालिकेअगोदर प्रेमा तुझा रंग कसा आणि विठुमाऊली या लोकप्रिय मालिकेतून काम केले आहे. मुलगी झाली हो या मालिकेतून तिला पहिल्यांदा प्रमुख नायिका साकारण्याची संधी मिळाली. अभिनयासोबतच दिव्याला मॉडेलिंगची देखील आवड आहे. २०१७ साली मुंबईची सुकन्या स्पर्धेत तीने मोस्ट पॉप्युलर फेसचे मानांकन प्राप्त केले. तर २०१९ सालच्या श्रावण क्वीन या सौंदर्य स्पर्धेत सहभाग दर्शवून दिव्याने मिस टॅलेंटेडचा मानही पटकावला आहे. दिव्याने साकारलेल्या माऊच्या भूमिके वर प्रेक्षकांनी भरभरून प्रेम केले आहे तिला या भूमिकेसाठी खूप खूप शुभेच्छा..

Categories
actress

मराठी सृष्टीतील हे ३ प्रसिद्ध कलाकार आज जगत आहेत हलाकीचे जीवन…३ री अभिनेत्री झाली आर्थिक परिस्थितीमुळे हतबल

आयुष्याच्या सरत्या काळात कुणाच्याही वाट्याला हालअपेष्टा येऊ नयेत अशीच एक माफक अपेक्षा असते परंतु आर्थिक परिस्थिती किंवा आलेले आजारपण याच्यापुढे कोणाचे काही चालत नाही असेच चित्र पाहायला मिळते. मराठी सृष्टीतही असे कलाकार आहेत जे आजच्या घडीला आलेल्या संकटांना सामोरे जाताना दिसत आहेत. परिस्थितीशी दोन हात करत आलेल्या संकटांना तोंड देत हे कलाकार आज आपले जीवन व्यतीत करत आहेत त्यातील हे तीन प्रसिद्ध कलाकार कोण आहेत ते जाणून घेऊयात…

raghvendra kadkol pic
raghvendra kadkol pic

झपाटलेला या गाजलेल्या चित्रपटातून मृत्युंजय मंत्र सांगणारे “बाबा चमत्कार” हे पात्र सर्वांना आठवत असेल. ही भूमिका गाजवली आहे “राघवेंद्र कडकोळ” या कलाकाराने. झपाटलेला, झपाटलेला २ या दोन्ही चित्रपटांतील त्यांनी वठवलेली “बाबा चमत्कार” ही व्यक्तिरेखा प्रेक्षकांच्या चांगलीच स्मरणात राहिली आहे. पण या अभिनेत्यावर आज हलाखीच्या परिस्थितीत जीवन व्यतित करण्याची वेळ आली आहे. प्रसिद्धी मिळाली मात्र पैसा कमावता आला नाही याची खंत त्यांना लागून आहे. राघवेंद्र आता त्यांच्या पत्नी लतिका कडकोळ यांच्यासोबत पुण्यातील बावधन येथील ‘पालाश एल्डरली केअर अँड रिकव्हरी सेंटर’ येथे उपचारासाठी दाखल झाले आहेत. तिथेच ते आपल्या पत्नीसोबत राहत आहेत. राघवेंद्र कडकोळ यांच्याप्रमाणे मराठी सृष्टीतील आणखी एक अभिनेत्री आपल्या आजारपणामुळे अंथरुणाला खिळून आहेत. झपाटलेला याच चित्रपटातील या अभिनेत्री आहेत “मधू कांबीकर “.

madhu kambikar actress
madhu kambikar actress

शापित, एक होता विदूषक, झपाटलेला, डेबू, यशवंत, बिनकामाचा नवरा, येऊ का घरात, मला घेऊन चला, माझा छकुला अशा अनेक चित्रपटातून त्यांनी साकारलेली नायिका, सह नायिका, तर कधी आई ही प्रेक्षकांच्या विशेष संस्मरणीय ठरल्या. आज मधू कांबीकर कला क्षेत्रापासून दूर का आहेत त्याचे एक कारण आहे. पुण्याची मराठी रंगभूमी आणि गोपीनाथ सावरकर प्रतिष्ठान यांनी २७ नोव्हेंबर २०१६ रोजी माटुंगा येथील गोपीनाथ सावकार प्रतिष्ठान तर्फे यशवंत नाट्यमंदिरमध्ये आयोजित केलेल्या ‘लावण्य संगीत’ या कार्यक्रमात नृत्य सादर करत असताना मधू कांबीकर यांना अचानक अस्वस्थ वाटू लागले होते तरीही त्यांनी त्या कार्यक्रमात भैरवीचे सादरीकरण केले. त्यानंतर मेकअप रूममध्ये गेल्यानंतर त्यांना पक्षाघाताचा सौम्य झटका आला त्यात त्यांचा उजवा हात बधीर झाला. आज मधू कांबीकर याच आजारपणामुळे कला क्षेत्रापासून दुरावलेल्या आहेत. राघवेंद्र कडकोळ आणि मधू कांबीकर आजारपणामुळे परिस्थिशी दोन हात करत आहेत पण यात आणखी एका अभिनेत्रीला चित्रपटाच्या शुटिंगदरम्यान झालेल्या अपघातामुळे येणाऱ्या आर्थिक अडचणींना सामोरे जावे लागत आहे या अभिनेत्री आहेत “सुरेखा राणे उर्फ ऐश्वर्या राणे”.

surekha rane actress
surekha rane actress

धुमधडाका या गाजलेल्या चित्रपटात सुरेखा राणे यांनी अशोक सराफ यांची नायिका साकारली होती. प्रियतम्मा प्रियतम्मा.. ह्या गाण्यात त्या झळकल्या आहेत. धुमधडाकासह लक्ष्मीकांत बेर्डे यांच्यासह ‘भटकभवानी’ या सिनेमातही त्यांनी भूमिका साकारली आहे. याशिवाय ‘शराबी’, ‘नमक हलाल’ अशा हिंदी सिनेमातही त्यांनी काम केलं आहे. अमिताभ बच्चन, निळू फुले, परवीन बाबी, जयश्री गडकर यांच्यासारख्या कलाकारांसह त्यांनी स्क्रीन शेअर केली आहे. मात्र बिग बींच्या ‘मर्द’ या सिनेमाच्या शुटिंग दरम्यान डबिंग आर्टिस्टचे काम करत असताना त्या घोड्यावरुन पडल्या. या अपघातात त्यांच्या पाठीचे हाड मोडले त्यामुळे ऐन भरात असलेल्या करिअरला अनपेक्षित ब्रेक लागला. या दुखण्याच्या उपचारापायी सुरेखा यांना आपलं मुंबईचं घरही विकावं लागलं. काम सुटलं, नातेवाईक अन् इंडस्ट्रीनेही पाठ फिरवली. नियतीने त्यांच्यावर हलाखीचं जीणं जगण्याची वेळ आणली. चित्रपटसृष्टीत इतकं योगदान देऊनही तुटपुंजं पेन्शन मिळवून चरितार्थ चालवण्यासाठी सुरेखा राणे यांना मंत्रालयाचे उंबरठे झिजवावे लागले होते. अशा या हलाखीच्या परिस्थितीत कुणीही जवळचं नसल्याने आज त्या एकट्याच राहतात.
त्यामुळे चंदेरी दुनियेत उगवत्या सूर्याला नमस्कार करण्याची प्रथा आहे. करिअर ऐन भरात असताना सेलिब्रिटींचं कौतुक होतं, प्रेम मिळतं. मात्र कालांतराने याच कलाकारांच्या उतारवयात किंवा पडत्या काळात कुणीच त्यांच्याकडे लक्षही देत नाही किंवा एखाद्या गंभीर आजारपणाला तोंड द्यावे लागते हेच या कलाकारांचे दुर्दैव…

Categories
actors

विराट आणि अनुष्काच्या मुलीपेक्षा ह्या मराठी कलाकाराच्या मुलीचे फोटो होताहेत व्हायरल..

सध्या विराट आणि अनुष्काच्या मुलीच्या फोटोंची उत्सुकता त्यांच्या चाहत्यांना लागून आहे मात्र कालच्या दिवशी एका मराठी कलाकाराने देखील आपल्या मुलीचा फोटो शेअर करत बाप झालो असल्याची खुशखबर दिली आहेत. चला हवा येऊ शोमधून निलेश साबळे, भाऊ कदम, सागर कारंडे, भारत गणेशपुरे, कुशल बद्रिके , अंकुर वाढवे यासारख्या कलाकारांनी आपल्या अभिनयाच्या जोरावर प्रेक्षकांचे भरभरून मनोरंजन केले. मुळात या शोमुळे हे सर्वच कलाकार प्रसिद्धीच्या शिखरावर जाऊन पोहोचले असे म्हणायला हरकत नाही. आनंदाची बाब म्हणजे यातील एका कलाकाराने नुकतेच “बाप” झालो असल्याचे शोशल मिडियावरून सांगितले आहे. कन्यारत्न प्राप्त झालेला हा कलाकार आहे “अंकुर वाढवे”.

ankur wadhve daughter
ankur wadhve daughter

जुलै २०१९ रोजी अंकुरचा निकिता खडसे सोबत अगदी साध्या पद्धतीने विवाह झाला होता. काही महिन्यांनी अंकुरने स्वतःच्या मालकीचे चार चाकी वाहन देखील खरेदी केले होते. हा आनंद द्विगुणित होतो न होतो तोच अंकुर आणि निकिता काल म्हणजेच संक्रांतीच्या दिवशी कन्यारत्न प्राप्त झाले आहे. आपल्या आयुष्यातील आणखी एक आनंदाचा क्षण चाहत्यांसोबत शेअर करत त्याने एक फोटो शेअर केला आहे. ” कालच्या दिवशी मी नवीन पात्रात प्रवेश केला आता एका मुलीचा बाप झालो “असे कॅप्शन देऊन त्याने ही आनंदाची बातमी शेअर केली. या फोटोत तो त्याची नुकतीच जन्मलेली मुलगी आणि पत्नीसोबत दिसत आहे. अंकुर हा उच्चशिक्षित असून त्याने अमरावती विद्यापीठातून एमए मराठी तर मुंबई विद्यापीठातून मास्टर्स इन थिएटर्स केले आहे. अंकुरला कॉलेजात असल्यापासून नाटकाची आवड होती. ‘सर्किट हाऊस’ हे अंकुरचं पहिलं व्यावसायिक नाटक. सर्किट हाऊस, करून गेलो गाव, गाढवाच लग्न अशा नाटकांमधून तो प्रेक्षकांसमोर आला. चला हवा येऊ द्या हा शो त्याच्या आयुष्यातील यशाला टर्निंग पॉईंट देणारा ठरला. अंकुरला कन्यारत्न प्राप्त झाल्याबद्दल त्याचे खुप खुप अभिनंदन आणि शुभेच्छा…

Categories
actors

अशोक सराफ आणि सुनील गावस्कर यांच्यातील बालपणीचे धमाल किस्से..

सुनील गावस्कर यांनी भारतीय क्रिकेट क्षेत्रात भरीव योगदान दिले हे सर्वांना परिचयाचे आहेच परंतु क्रिकेट क्षेत्रात आपले करिअर घडवून आणण्याअगोदर अगदी लहानवयात त्यांनी अभिनेते अशोक सराफ यांच्यासोबत नाटकांतून काम केले आहे. त्यांच्या बालपणीच्या काही गमतीजमतीना अशोक सराफ यांनी उजाळा दिलेला पाहायला मिळाला. नुकतेच अशोक सराफ यांनी चला हवा येऊ द्या च्या सेटवर हजेरी लावली होती तेव्हा बालपणीच्या या आठवणी त्यांनी जाग्या गेल्या. त्यावेळी अशोक सराफ म्हणाले की, “लहानपणी सुनील ज्या इमारतीत राहत होता तो संघ आणि माझ्या इमारतीतील संघ या दोन्हीमध्ये दर रविवारी क्रिकेटचा सामना रंगायचा.

sunil gavaskar anshik saraf
sunil gavaskar anshik saraf

आम्हीही त्याच्यासोबत खेळायचो, खरं तर आम्ही खेळायचो म्हणजे आम्ही नुसते तिथं असायचो, केवळ तोच काय ते क्रिकेट खेळायचा. त्याने बॉल मारला की तो आणायला आम्ही पाळायचो त्यावेळी तो आठ-दहा वर्षांचा होता एवढ्या वयातही तो मारत सुटायचा आणि आम्ही केवळ पळत असायचो. त्याला बाद करणं म्हणजे खूपच कठीण काम . त्याच्या उभं राहण्याची खेळण्याची स्टाईल आम्ही नुसती बघत बसायचो. त्यानंतर सुनील क्रिकेट क्षेत्रात आणि मी नाटकाकडे वळलो. त्याअगोदर आम्ही दोघांनी एकत्रित “गुरुदक्षिणा” या नाटकात काम केलं होतं. या नाटकात सुनीलने कृष्ण आणि मी बलरामची भूमिका साकारली होती. या नाटकादरम्यानचा फोटो आजही त्यांच्याकडे आहे.” अशोक सराफ यांनी एक नट म्हणून सुनील गावस्कर यांचे भरभरून कौतुक केले. तो एक चांगला नट आहे असेही ते म्हणाले. सुनील गावस्कर यांनी ‘सावली प्रेमाची’ या चित्रपटात भूमिका साकारली होती. ‘मालामाल’ या आणखी एका हिंदी चित्रपटात पाहुण्याकलाकाराची भूमिका त्यांनी बजावली होती. खूप कमी जणांना माहीत आहे की “या दुनियेमध्ये थांबायला वेळ कोणाला…” हे एक मराठी गाणं त्यांनी गायलं आहे.

Categories
actress

“या सुखांनो या” मालिकेतली ही चिमुरडी सध्या काय करते पहा.. दिसते खूपच सुंदर

२००५ साली ऐश्वर्या नारकर, राजन भिसे, शर्वरी लोहकरे, विक्रम गोखले, संपदा कुलकर्णी अशा दमदार कलाकारांनी झी मराठीवरील ‘या सुखांनो या’ ही मालिका गाजवली होती. मालिकेत “श्रद्धा रानडे” हिने बालकलाकाराची भूमिका साकारलेली पाहायला मिळाली. मराठी सृष्टीत एक बालकलाकार म्हणून नावारूपास आलेली श्रद्धा रानडे आज मराठी सृष्टीपासून थोडीशी दुरावलेली पाहायला मिळत आहे . तिच्याबद्दल अधिक जाणून घेऊयात…अभिनयाची कुठलीही पार्श्वभूमी नसलेल्या श्रद्धाला मराठी सृष्टीत काम मिळाले ते ओघानेच. चांगले संस्कार व्हावेत यादृष्टीने तिने शालेय सुट्ट्यांमध्ये नाट्यशिबिरात सहभाग दर्शवला होता. इथेच एका मुलीला जाहिरातीतील एक सिन जमत नव्हता.

yasukhano ya serial actress
yasukhano ya serial actress

तुला एव्हढही जमत नाही,केव्हढं सोप्प आहे… असे म्हणून श्रद्धाने अगदी लहान वयातच जाहिरातीत काम मिळवले. ई टीव्ही वरील भाग्यविधाता,झी टीव्हीवरील ममता , झी मराठीवरील या सुखांनो या, मी मराठीवरील खेळ मांडला अशा मालिकेतून तिला बालकलाकार म्हणून अभिनयाची संधी मिळाली. या सुखांनो या मालिकेवेळी श्रद्धा तिसरीत शिकत होती. सेटवरील सर्वच कलाकार तिच्या अभ्यासाकडे जातीने लक्ष द्यायचे. इंग्रजी माध्यमातून शिकत असलेल्या श्रद्धाला मराठीतून लिहिलेली स्क्रिप्ट वाचायला कठीण जात त्यावेळी या सर्वच कलाकारांनी तिला ती लिहिलेली स्क्रिप्ट वाचण्यास प्रवृत्त केले. हमाम साबण, अँम्बी व्हॅली, डॉ फिक्सइट अशा जाहिराती तसेच डिसनी वाहिनीच्या पेटपूजा शो, आम्ही सारे खवय्ये चिल्ड्रन स्पेशल, सह्याद्री वाहिनीच्या दमदमादम अशा शोमधून तिला झळकण्याची संधी मिळाली. जॉनी लिव्हरसोबत “होप ऑफ कार्निव्हल” ही टेलिफिल्म तीने तब्बल पाच भाषांमध्ये सादर केली. अभिनयासोबतच अनेक वर्षांपासून तीने भरतनाट्यमचे धडे देखील गिरवले आहेत. दहावीत असताना तिने ओरिसा सेमिक्लासिकलच्या राज्यस्तरीय स्पर्धेत सहभाग दर्शवला होता. शालेय शिक्षणानंतर श्रद्धाने डी जी रुपारेल कॉलेजमध्ये प्रवेश मिळवून कॉमर्स विषयातून पदवी मिळवली आहे. पूढे चालून याच क्षेत्रात काही चांगली संधी मिळाल्यास तिला ते करायला नक्की आवडेल, असे ती म्हणते.

Categories
actress

या सुखांनो या मालिकेतली ही चिमुरडी सध्या काय करते पहा.. दिसते खूपच सुंदर

२००५ साली ऐश्वर्या नारकर, राजन भिसे, शर्वरी लोहकरे, विक्रम गोखले, संपदा कुलकर्णी अशा दमदार कलाकारांनी झी मराठीवरील ‘या सुखांनो या’ ही मालिका गाजवली होती. मालिकेत “श्रद्धा रानडे” हिने बालकलाकाराची भूमिका साकारलेली पाहायला मिळाली. मराठी सृष्टीत एक बालकलाकार म्हणून नावारूपास आलेली श्रद्धा रानडे आज मराठी सृष्टीपासून थोडीशी दुरावलेली पाहायला मिळत आहे . तिच्याबद्दल अधिक जाणून घेऊयात…अभिनयाची कुठलीही पार्श्वभूमी नसलेल्या श्रद्धाला मराठी सृष्टीत काम मिळाले ते ओघानेच.

marathi actress shradha
marathi actress shradha

चांगले संस्कार व्हावेत यादृष्टीने तिने शालेय सुट्ट्यांमध्ये नाट्यशिबिरात सहभाग दर्शवला होता. इथेच एका मुलीला जाहिरातीतील एक सिन जमत नव्हता. तुला एव्हढही जमत नाही,केव्हढं सोप्प आहे… असे म्हणून श्रद्धाने अगदी लहान वयातच जाहिरातीत काम मिळवले. ई टीव्ही वरील भाग्यविधाता,झी टीव्हीवरील ममता , झी मराठीवरील या सुखांनो या, मी मराठीवरील खेळ मांडला अशा मालिकेतून तिला बालकलाकार म्हणून अभिनयाची संधी मिळाली. या सुखांनो या मालिकेवेळी श्रद्धा तिसरीत शिकत होती. सेटवरील सर्वच कलाकार तिच्या अभ्यासाकडे जातीने लक्ष द्यायचे. इंग्रजी माध्यमातून शिकत असलेल्या श्रद्धाला मराठीतून लिहिलेली स्क्रिप्ट वाचायला कठीण जात त्यावेळी या सर्वच कलाकारांनी तिला ती लिहिलेली स्क्रिप्ट वाचण्यास प्रवृत्त केले. हमाम साबण, अँम्बी व्हॅली, डॉ फिक्सइट अशा जाहिराती तसेच डिसनी वाहिनीच्या पेटपूजा शो, आम्ही सारे खवय्ये चिल्ड्रन स्पेशल, सह्याद्री वाहिनीच्या दमदमादम अशा शोमधून तिला झळकण्याची संधी मिळाली. जॉनी लिव्हरसोबत “होप ऑफ कार्निव्हल” ही टेलिफिल्म तीने तब्बल पाच भाषांमध्ये सादर केली. अभिनयासोबतच अनेक वर्षांपासून तीने भरतनाट्यमचे धडे देखील गिरवले आहेत. दहावीत असताना तिने ओरिसा सेमिक्लासिकलच्या राज्यस्तरीय स्पर्धेत सहभाग दर्शवला होता. शालेय शिक्षणानंतर श्रद्धाने डी जी रुपारेल कॉलेजमध्ये प्रवेश मिळवून कॉमर्स विषयातून पदवी मिळवली आहे. पूढे चालून याच क्षेत्रात काही चांगली संधी मिळाल्यास तिला ते करायला नक्की आवडेल, असे ती म्हणते.

Categories
actress

येऊ कशी तशी मी नांदायला मालिकेतील “शकूची” रिअल लाईफ स्टोरी

आजच्या घडीला अल्पावधीतच लोकप्रियता गाठलेली झी मराठी वाहिनीची मालिका म्हणजे येऊ कशी तशी मी नांदायला. मुळात शुभांगी गोखले, दीप्ती केतकर, उदय साळवी, अन्वीता फलटणकर , शाल्व किंजवडेकर, अदिती सारंगधर यांच्या सहजसुंदर अभिनयातून ही मालिका अधिकच खुलत चालली आहे. मालिकेतील शुभांगी गोखले यांच्या अभिनयाचे खूप कौतुकही होत आहे, आज त्यांच्या रिअल लाईफबद्दल काही खास गोष्टी जाणून घेऊयात… शुभांगी गोखले यांचे लग्नापूर्वीचे नाव शुभांगी व्यंकटेश संगवई . २ जून १९६८ साली खामगाव येथे एका आदर्श कुटुंबात त्यांचा जन्म झाला.

shubhangi gokhale pic
shubhangi gokhale pic

मराठी लेखिका, कवयित्री, संतसाहित्य अभ्यासक ‘विजया संगवई’ या शुभांगी गोखले यांच्या आई तर त्यांचे वडील ‘व्यंकटेश संगवई’ हे निवृत्त न्यायाधीश त्यामुळे बालपणापासूनच शुभांगी गोखले यांच्यावर चांगले संस्कार होत गेले. वडील न्यायाधिश असल्याने महाराष्ट्रातील तब्बल तेराहुन अधिक जिल्ह्यामध्ये त्यांच्या बदल्या होत गेल्या तसतसे त्यांचे कुटुंबही त्यांच्यासोबतच बदलीच्या ठिकाणी जात . त्यामुळे त्यांचे दहावी पर्यंतचे शिक्षण तेरा वेगवेगळ्या शाळांमधून झाले आहे. त्यानंतर मात्र औरंगाबाद जिल्ह्यात त्यांचे कुटुंब स्थिरावले आणि इथेच संगवई कॉलेजमध्ये त्यांनी मानसशास्त्र विषयाची पदवी मिळवली. शिक्षणासोबतच अभिनय आणि नाट्यशास्त्राचे प्रशिक्षण त्यांनी घेतले. राज्यनाट्य स्पर्धेत त्यांनी बसवलेल्या ‘खजिन्याची विहीर’ या नाटकाला प्रथम पुरस्कार मिळाला. नाटकात काम करत असताना मोहन गोखले यांच्याशी ओळख झाली. दरम्यान दोघांनी नाटक, मालिकेतून एकत्रित काम करण्यास सुरुवात केली. मिस्टर योगी ही दोघांनी एकत्रित अभिनित केलेली हिंदी मालिका खूप गाजली. पुढे त्यांच्या दोघांतील ओळखीचे प्रेमात आणि नंतर लग्नात रूपांतर झाले.

shubhangi gokhale daughter
shubhangi gokhale daughter

२७ जुलै १९९३ रोजी त्यांच्या एकुलत्याएक कन्येचा अर्थात ‘सखी’चा जन्म झाला. घरसंसार आणि सखीच्या पालन पोषणाची जबाबदारी सांभाळता यावी यामुळे अभिनयापासून त्यांनी दूर राहणे पसंत केले. दरम्यान मोहन गोखले यांनी हिंदी, मराठी चित्रपट तसेच मालिकांमधून आपला चांगलाच जम बसवला. मात्र २९ एप्रिल १९९९ रोजी चेन्नई येथे ‘हे राम’ चित्रपटादरम्यान हार्टअटॅकने मोहन गोखले यांचे निधन झाले. पतीच्या निधनानंतर स्वतःला सावरत शुभांगी गोखले यांनी श्रीयुत गंगाधर टिपरे या मालिकेतून अभिनय क्षेत्रात पुनरागमन केले. एका लग्नाची तिसरी गोष्ट, काहे दिया परदेस, हम है ना, डॅडी समझा करो, लापतागंज, राजा राणीची गं जोडी, झेंडा, क्षणभर विश्रांती , बोक्या सातबंडे अशा मालिका आणि चित्रपटातून त्यांचा अभिनय क्षेत्रातील हा प्रवास फारच उल्लेखनीय ठरला. त्यांच्या सालस आणि सोज्वळ भूमिकांवर प्रेक्षकांनी भरभरून प्रेम केले. त्यांची मुलगी सखी गोखले हीनेही आपल्या आई वडिलांच्या पावलावर पाऊल टाकत दिल दोस्ती दुनियादारी, पिंपळ, रंगरेझ, तुकाराम, अमर फोटो स्टुडिओ अशा चित्रपट ,मालिका आणि नाटकांतून अभिनय साकारला. २०१९ साली सखी गोखले सहकलाकार असलेल्या सुव्रत जोशी याच्याशी विवाहबद्ध झाली. अभिनया सोबतच सखी फोटोग्राफीची आपली आवड जोपासत आहे पुण्यातील भारती विद्यापीठ येथून तिने फाईन आर्टस् फोटोग्राफीचे प्रशिक्षण घेतले. नुकत्याच सुरू केलेल्या “Aayaam” या संस्थेची क्रिएटिव्ह डायरेक्टर म्हणून सखी आपली नव्याने ओळख निर्माण करत आहे.

Categories
actors

“येऊ कशी तशी मी नांदायला” मालिकेतील कलाकारांची खरी नावे

“येऊ कशी तशी मी नांदायला” ही मालिका सोमवार ते शनिवार रात्री ८ वाजता झी मराठी वाहिनीवर प्रसारित होत आहे. मालिकेचे जुळून आलेले कथानक आणि त्यातील जाणकार कलाकार मंडळी ही या मालिकेची जमेची बाजू असल्याने अल्पावधीतच ती प्रेक्षकांच्या पसंतीस उतरताना दिसत आहे. ह्या मालिकेसाठी झी वाहिनीने त्यांच्या जुन्या मालिकांच्या वेळेत बदल केलेला पाहायला मिळाला. नवी मालिका लवकरात लवकर फेमस होण्यासाठी केलेला हा बदल कलाकारांनी त्यांच्या अभिनयातून सार्थकी ठरवलेला पाहायला मिळतोय.

lead role actors
lead role actors

‘अन्वीता फलटणकर’ हिने स्वीटूची भूमिका साकारली आहे. ह्यापूर्वीही तिला तुम्ही बऱ्याच चित्रपटांत पाहिलं असेल, कदाचित तुम्ही तिला ओळखलं नसेल पण २०१४ सालच्या टाईमपास चित्रपटात आणि २०१९ सालच्या गर्ल्स ह्या चित्रपटात ती झळकली होती. इतकेच नव्हे तर ती काही जाहिरातीतूनही प्रेक्षकांसमोर आली होती. शाल्व किंजवडेकर हा या मालिकेत नायकाच्या अर्थात ओंकारच्या भूमिकेत झळकत असून त्याच्या सहजसुंदर अभिनयाचे खूप कौतुक होत आहे.
या मालिकेअगोदर शाल्वने “अलिबाबा आणि चाळिशीतले चोर” हे पहिलं व्यावसायिक नाटक साकारलं तिथून त्याला हंटर चित्रपटात काम करण्याची संधी मिळाली. त्यानंतर एक सांगायचंय, बकेट लिस्ट, डेड एन्ड सारख्या चित्रपटातून त्याने काम केले आहे. शाल्वला फिल्ममेकींगचीही आवड असून ‘अंतरंग’ हा लघुपट त्याने बनवला आहे. या दोन्ही प्रमुख कलाकारांइतकीच सहकालाकारांची उत्तम अशी साथ या मालिकेला लाभली आहे आज या मालिकेतील सहकलाकारांची खरी नाव आपण जाणून घेऊयात…

deepti and uday
deepti and uday

स्वीटूचे आई बाबा- भागो मोहन प्यारे मालिकेत प्रमुख भूमिका साकारणाऱ्या अभिनेत्री ‘दीप्ती केतकर’ यांनी या मालिकेत स्वीटूच्या आईची अर्थात नलिनीची भूमिका साकारली आहे. आर्थिक परिस्थितीशी दोन हात करत एका आईला कोणकोणत्या अडचणींना सामोरे जावे लागते हे नलिनीच्या भूमिकेतून दिसून येते. तसेच एका सर्वसामान्य कुटुंबातील प्रमुख म्हणून वसंतरावांची अर्थात स्वीटूच्या बाबांची तारेवरची कसरतही या मालिकेतून पाहायला मिळत आहे ही भूमिका ‘उदय साळवी’ यांनी अगदी सुरेख बजावलेली पाहायला मिळते. या मालिकेअगोदर घाडगे अँड सून सारख्या मालिकेतून ते प्रेक्षकांसमोर आले आहेत.

shubhangi and milind
shubhangi and milind

ओंकारचे आई बाबा- अभिनेत्री ‘शुभांगी गोखले’ यांनी ओंकारची आई म्हणजेच मालिकेतील शकूची भूमिका साकारली असून त्यांच्या या भूमिकेचे भरभरून कौतुक केले जात आहे. अर्थात त्यांच्या सहजसुंदर अभिनय कौशल्याला प्रेक्षकांकडून मिळालेली ही आणखी एक पावतीच म्हणावी लागेल. मालिकेत ओंकारच्या वडिलांची भूमिका साकारली आहे ‘मिलिंद जोशी’ या ज्येष्ठ कलाकारानी. मालिकेत त्यांच्या भूमिकेला सध्या फारसा वाव मिळत नसला तरी पुढे जाऊन या भूमिकेचे खरे रूप अधिक स्पष्ट होत जाईल.

shubhangi gokhale
shubhangi gokhale

स्वीटूच्या काकू- स्वीटूच्या काकूंची भूमिका अभिनेत्री शुभांगी भुजबळ यांनी साकारली असून या मालिकेअगोदर व्हय मी सावित्रीबाई, पतंगाची दोरी, चार दोन तुकडे, संगीत एकच प्याला, जुगाड, इयत्ता, गाव गाता गजाली अशा नाटक, मालिका आणि चित्रपटातून काम केले आहे. ह्यामालिकेत त्यांचा रोल कमी असला तरी त्यांच्या उत्कृष्ठ अभिनयाने त्याला रंग चढतो.

Categories
actress

“चांदणे शिंपीत जा” चित्रपटातील ही मराठी मुलगी पहा नंतर का करू लागली “नेपाळी” चित्रपटांत काम? दिसते खूपच सुंदर

“हे चांदणे फुलांनी शिंपित रात्र आली, धरती प्रकाश वेडी ओल्या दवांत न्हाली…” हे अनुराधा पौडवाल यांनी गायलेलं लोकप्रिय गाणं आहे “चांदणे शिंपित जा” या मराठी चित्रपटातील. १९८२ सालच्या या चित्रपटाचे दिग्दर्शन केले होते कमलाकर तोरणे यांनी तर आशालता वाबगावकर, आशा काळे, रविंद्र महाजनी, मधुकर तोरडमल, महेश कोठारे, अरुण सरनाईक, उषा नाईक, तृप्ती अशा अनेक मातब्बर कलाकारांनी हा चित्रपट आपल्या अभिनयाने चांगलाच गाजवला होता. चित्रपटातील हे गाणं चित्रित झालं होतं “तृप्ती” या अभिनेत्रीवर. या चित्रपटाव्यतिरिक्त तृप्ती ने महेश कोठारे यांची नायिका म्हणून “घरचा भेदी”(१९८४) या आणखी एका मराठी चित्रपटात काम केले होते.

actress trupti
actress trupti

तृप्ती ही केवळ मराठी चित्रपट अभिनेत्री नाही तर तीने अनेक हिंदी तसेच नेपाळी चित्रपटातून काम केले आहे आणि आजही ती एक नेपाळी अभिनेत्री म्हणूनच ओळखली जाते. तिच्याबद्दल आज अधिक जाणून घेऊयात… अभिनेत्री तृप्ती हिचे पूर्ण नाव आहे “तृप्ती नाडकर”. आज तृप्ती नेपाळी अभिनेत्री म्हणून जरी परिचयाची असली तरी तीचा जन्म एका मराठी कुटुंबातच झाला आहे. २ जानेवारी १९६९ रोजी दार्जिलिंग येथे तिचा जन्म झाला. मूळचे मुंबईला स्थायिक असलेले तृप्तीचे वडील कामानिमित्त दार्जिलिंगला रवाना झाले आणि तिथेच मायादेवी नावाच्या एका गायिकेसोबत त्यांची ओळख झाली त्यानंतर दोघांनी लग्नही केले. तृप्ती ही त्यांची एकुलती एक मुलगी. वयाच्या अवघ्या आठव्या वर्षापासूनच तृप्तीने एक बालकलाकार म्हणून चित्रपटात काम करण्यास सुरुवात केली. मराठी कुटुंबात जन्मलेली आणि भाषेची उत्तम जाण या कारणाने तिला चांदणे शिंपित जा, घरचा भेदी अशा मराठी चित्रपटात अभिनयाची संधी मिळाली. तिने साकारलेला “गोदाम”(१९८३)हा हिंदी चित्रपट देखील खूपच गाजला होता. गुजराथी, हिंदी चित्रपट साकारत असताना तिचे दिग्दर्शक असलेले काका ‘तुलसी घिमिरे’ यांनी नेपाळी चित्रपटात तिला प्रमुख नायिका साकारण्याची संधी दिली. वयाच्या १५ व्या वर्षी ‘कुसुमे रुमाल’ हा नेपाळी चित्रपट तिने आपल्या अभिनयाने गाजवला. “समझाना” या नेपाळी चित्रपटात तृप्तीच्या आई आणि वडिलांनीही अभिनय साकारला आहे.

marathi actresss in nepati film
marathi actresss in nepati film

मराठी हिंदी भाषेवर प्रभुत्व असलेल्या तृप्तीला नेपाळी भाषा फारशी येत नसल्याने या चित्रपटात तिचे डायलॉग डबिंग आर्टिस्टकडे सुपुर्त करण्यात आले होते. नावाजलेल्या नायिकांच्या यादीत आपले स्थान निर्माण केलेल्या तृप्तीने त्यावेळी चित्रपटासाठी तब्बल दीड लाख एवढे मानधन स्वीकारले होते. आपल्या कारकिर्दीत समझाना, कोसेली, लहुरे असे ब्लॉकबस्टर सिनेमे साकारत असतानाच १९८८ साली अभिनय क्षेत्रातून ब्रेक घेण्याचे तिने ठरवले. कुसुमे रुमाल या चित्रपटावेळी तिचे लग्न ठरले होते. दरम्यान मुंबई स्थित इम्पोर्ट एक्स्पोर्टचा बिजनेस असलेल्या व्यक्तीशी तीने लग्नही केले. लग्न होऊन घरसंसार आणि मुलांना वेळ देता यावा यासाठी मोठा निर्णय घेत अभिनयातून एक्झिट घेण्याचे ठरवले. दोन मुलांच्या जन्मानंतर तिने स्वतःचा डान्स क्लास सुरू केला. तृप्तीचा थोरला मुलगा हा मुंबईतील तिने सुरू केलेला ‘तृप्तीज् डान्स क्लास’ चालवत आहे. तर तिचा धाकटा मुलगा जाहिरात आणि टीव्ही मालिका क्षेत्रात कार्यरत आहे. अभिनयातून ब्रेक घेतलेल्या तृप्तीने अनेक वर्षांनी “आमको काख” या चित्रपटात पुनरागमन केले. “कुसुमे रुमाल २”, “कोही मेरो ” असे आणखी काही चित्रपट तिने साकारले. आज एक नेपाळी अभिनेत्री म्हणून परिचयाची असलेली तृप्ती कधीकाळी मराठी चित्रपटातही गाजली हे एक मराठी प्रेक्षक कदापि विसरू शकणार नाही. तिच्यावर चित्रित झालेलं “हे चांदणे फुलांनी …” हे गाणं तर आजही तितकेच लोकप्रिय आहे आणि कायम राहणार..

Categories
actress

निवेदिता सराफ यांचे वडीलही होते मराठी चित्रपट अभिनेते आणि बहीणही दिसते अगदी सेम टू सेम

मराठी नाटक असो वा चित्रपट अगदी बालपणापासूनच निवेदिता जोशी सराफ यांनी आपल्या अभिनयाचा ठसा प्रेक्षकांच्या मनात उमटवलेला पाहायला मिळतो. अग्गबाई सासूबाई या मराठी मालिकेतून त्यांनी छोट्या पडद्यावर देखील एन्ट्री घेतली. अभिनयाचा हा वारसा त्यांना त्यांच्या घरातूनच मिळाला असे म्हणायला हरकत नाही. अगदी वयाच्या दहाव्या वर्षापासून निवेदिता जोशी यांनी रंगभूमीवर काम करण्यास सुरुवात केली. मग १९७७ सालच्या अपनापन या हिंदी चित्रपटातून ‘आदमी मुसाफिर है’ गाण्यात सुधीर दळवी यांच्यासोबत त्या एक बालकलाकार म्हणूनही झळकल्या.

nivedita joshi and sister
nivedita joshi and sister

त्यानंतर त्यांनी कधी मागे वळून पाहिलेच नाही धुमधडाका, थरथराट, नवरी मिळे नवऱ्याला, देऊळबंद, अशी ही बनवाबनवी अशा एका मागून एक दमदार चित्रपटांच्या माध्यमातून त्यांनी नायिकेच्या भूमिका बजावल्या. अभिनयाचा हा वारसा त्यांना त्यांच्या वडीलांकडूनच मिळाला. आज निवेदिता जोशी यांच्या वडीलांबद्दल माहीत नसलेल्या गोष्टी जाणून घेऊयात…निवेदिता जोशी यांचे वडील “गजेन जोशी” हे मराठी चित्रपट अभिनेते म्हणून ओळखले जातात हे बहुतेकांना परिचयाचे नसावे. साधारण ७० च्या दशकात त्यांनी काही मराठी चित्रपटातून प्रमुख भूमिका साकारल्या आहेत. १९६९ सालच्या “आधार” या चित्रपटात अभिनेत्री अनुपमा कुलकर्णी यांच्यासोबत गजेन जोशी यांनी प्रमुख नायकाची भूमिका साकारली होती. ‘ माझ्या रे प्रीती फुला…’हे गाणं अनुपमा आणि गजेन जोशी यांच्यावर चित्रित झालं होतं. “सौभाग्य कांक्षिणी” (१९७४), “दैवाचा खेळ” ( १९६४), “दृष्ट जगाची आहे निराळी” (१९६२) अशा आणखी काही मराठी चित्रपटातून ते झळकले आहेत. डॉ मीनल परांजपे आणि अभिनेत्री निवेदिता सराफ ह्या त्यांच्या दोन मुली. त्यापैकी निवेदिता यांनी त्यांच्या वडिलांच्या अभिनयाचा वारसा असाच अविरत जपलेला पाहायला मिळतो. गजेन जोशी, मीनल परांजपे आणि निवेदिता सराफ या तिघा बाप लेकींच्या दिसण्यात तुम्हाला खूपच साम्य आढळून येईल.

gajen joshi pic
gajen joshi pic