जरा हटके

केतकी चितळे अडकली वादाच्या भोवऱ्यात कधीही होऊ शकते अटक

काही मराठी सेलिब्रिटी हे नेहमीच ट्रोलर्सच्या निशाण्यावर असलेले पाहायला मिळाले आहेत. अनेक वादग्रस्त वक्तव्या मुळे केतकी चितळे ही नेहमीच काही ना काही तरी पोस्ट करून वादावर घडवून आणते. गेल्या काही दिवसांपूर्वी तिने छत्रपती शिवाजी महाराजांच्या नावाचा एकेरी उल्लेख करणारी पोस्ट लिहिली होती त्यावरून तिला अनेलानी ट्रोल केलेले पाहायला मिळाले. मालिकेतून तडकाफडकी काढणे असो वा ट्रोलर्सकडून होणारा वाद अशामुळे केतकी चितळे नेहमीच चर्चेचा विषय ठरली आहे. आता तर केतकी चितळेने चक्क शरद पवार यांचे नाव न घेता आणखी एक वाद पेटवून दिलेला पाहायला मिळतो आहे. तुका म्हणे पवारा नको उडवू तोंडाचा फवारा…असे म्हणत तिने चक्क एक कविताच शेअर केली आहे.

actress ketaki chitale
actress ketaki chitale

तिने शेअर केलेली ही आगळी वेगळी कविता वाचून मात्र शरद पवार यांच्या समर्थकांनी केतकी चितळेला आता धारेवरच धरलेले पाहायला मिळत आहे. केतकीने ही कविता लिहिली नसली तरी ही कविता तिने शेअर केल्यामुळे सध्या सोशल मीडियावर ती एक चर्चेचा विषय ठरली आहे. यावरून अनेकांनी तिला ट्रोल केलेलं पाहायला मिळत आहे. केतकीने शेअर केलेल्या कवितेत म्हटले आहे की, ‘तुका म्हणे पवारा l नको उडवू तोंडाचा फवारा ll ऐंशी झाले आता उरक l वाट पहातो नरक सगळे पडले उरले सुळे l सतरा वेळा लाळ गळे ll समर्थांचे काढतो माप l ते तर तुझ्या बापाचेही बाप ll ब्राह्मणांचा तुला मत्सर l कोणरे तू ? तू तर मच्छर ll भरला तुझा पापघडा l गप! नाही तर होईल राडा ll खाऊन फुकटचं घबाड l वाकडं झालं तुझं थोबाड ll याला ओरबाड त्याला ओरबाड l तू तर लबाडांचा लबाड ll’ ऍडव्होकेट नितीन भावे यांनी ही कविता लिहिली असून केतकीने तिच्या सोशल अकाऊंट शेअर केली आहे. अवघ्या काही तासातच तिच्या या शेअर केलेल्या कवितेवर ट्रोलर्सच्या उड्या पडल्या आहेत.

ketaki chitale actress
ketaki chitale actress

अनेकांनी केतकी तसेच नितीन भावे याना देखील धारेवर धरले आहे. अर्थात ही कविता शेअर करण्याअगोदर ती ट्रोल होणार हे ती जाणून होतीच मात्र काही जणांनी तिला साथ देखील दिलेली पाहायला मिळत आहे. या पोस्टमुळे केतकी चितळे पुन्हा वादाच्या भोवऱ्यात सापडली आहे. तिनं तिच्या फेसबुक अकाउंटवरुन राष्ट्रवादी काँग्रेसचे अध्यक्ष शरद पवार यांच्याबद्दलची एक आक्षेपार्ह पोस्ट शेअर केली आहे. या पोस्टनंतर ती ट्रोल होत असून तिच्यावर मोठ्या प्रमाणात टीका होत आहे. केतकी विरोधात कळव्यात गुन्हा देखील दाखल झाला आहे. केतकीविरुद्ध कळवा पोलिस ठाण्यात कलम 500, 505(2), 501 आणि 153 A अंतर्गत गुन्हा दाखल करण्यात आला आहे. राष्ट्रवादीचे पदाधिकारी स्वप्निल नेटके यांनी हा गुन्हा दाखल केला आहे. दरम्यान केतकीला अटक होण्याची देखील शक्यता वर्तवली जात आहे.

Leave a Reply

Your email address will not be published. Required fields are marked *

Back to top button